عرض مشاركة واحدة

نادي الإتحاد الحلبي السوري

كُتب : [ 20-04-2008 - 02:26 ]
رقم المشاركة : ( 1 )
الصورة الرمزية S.Shammaa
 
S.Shammaa
أهلاوي مميز

S.Shammaa غير متواجد حالياً

       
رقم العضوية : 441
تاريخ التسجيل : Nov 2007
مكان الإقامة : حلب
عدد المشاركات : 296
قوة التقييم : S.Shammaa will become famous soon enough
صندويشة دبس فرنجي ع الجوع حقها دهب

السلام عليكن ورحمة الله

شلونكن جميعا .. اش اخباركن

اليوم دخلت ع المطبخ .. من شان احطلكن .. وجبه للعزابية طبعا مو للنساوين

او بتصير كمان للنساوين الدراويش

نعني اكتر شي للطبقة الدرويشية

دبس فرنجي .. او مي بندورة .. او رب البندورة .. او بيتزا الفقراء

اسماء كتير لأكلة جدا لذيذة ..

خفيفة ع الجيبة .. لذيذه ع المعده


..
..
..
..


خلونا نبلش ..


بسم الله .. والله اكبر


اول شي منجيب ربطة خبز عادي مو سياحي .. نعني بلدي مو ابيض

نفتح الرغيف .. من شان يصير وجين

ونمسك معلقة كبيرة ناخد منها كمشة دبس فرنجي .. او رب البندورة .. ومندهنا على الخبزة كلها

مع مراعاة اطراف الخبزة .. نعني حتى توصل الدبس فرنجي الى جميع انحاء الخبزة

ومن بعد ما نخلص مرحلة الدهن بجي وراها مرحلة تانية .. الا وهي مرحلة رش النعناع

ناخد كمشة نعناع .. ومنرشها بشكل لولبي على الخبزة ايضا مع مراعاة الحواف ..

ومن بعد مرحلة النعناع .. منجيب قنينة الزيت حلو .. ومنكب عليها زيت حسب الحاجة

انا بالنسبة الي بحبها تغرق بالزيت .. لانوا وانا عم باكلها لما تمي بيتعبى زيت غير شكل .. وبتتعبى ايدي من الزيت

المهم خلونا بالصندويشة .. من بعد مابتخلص مرحلة الزيت

منكبس نغلق رغيف الخبز .. ومنكبسها على ايدينا .. من شان يوصل الزيت الى اعماق الخبزة

ومن بعدها منلفها ..



ومنبلش .. اكل




ملاحظة ارجو مراعاة الاكل لانوا الزيت بدو يعبي الحيطان خهخهخهخخهخه


مممممممم .. بربي اشتهيت عليها .. فرط ريقي



وان شاء الله الف صحة وهنا



.


.


.


الطباخ .. ( ابو محمد شيخ الشباب ) .. شادي

رد مع اقتباس