عرض مشاركة واحدة

نادي الإتحاد الحلبي السوري

كُتب : [ 04-11-2007 - 07:05 ]
رقم المشاركة : ( 1 )
الصورة الرمزية barcaalep
 
barcaalep
أهلاوي جديد

barcaalep غير متواجد حالياً

       
رقم العضوية : 251
تاريخ التسجيل : Oct 2007
مكان الإقامة : sham
عدد المشاركات : 16
قوة التقييم : barcaalep is on a distinguished road
[][][][][] اسحب السكين واذبحنا ببطئ [][][][][]

السلام عليكم ورحمة الله
تحياتي للاخوة
الاهلاويين وغيرهم (وهدول انا عندي لهم نصيحة في اخر الموضوع)
اما بعد اعزائي
بدا الدوري السنة بطريقة اعتيادية في المراحل الاولى الاتحاد ينتصر يلعب امام فريق كان عقدته لمدة طويلة ينتصر بعد مباراة ولا احلى (الوحدة) يتعادل بطريقة (اخوية) مع الحرية و يفوز على النواعير بطريقة (عفوية)
المهم ما الكون بها الحكي والمقدمات
- نادي الاتحاد يدار بما يسمى (الادارة المؤقتة) مافي مشكلة الدوام من المحال
- الادارة تراسل و تاتي بلاعبين اجانب الله يعطيها العافية
- الادارة تقوم باستقدام مدرب ومساعد مدرب اجانب مشكورة
- الادارة وزعت المسؤوليات في ما بين اعضائها
- الادارة تمتلك عناصر قوة وعناصر ضعف الكمال لله
- الادارة حاولت جاهدة ان تقوم بايجاد شركات داعمة شي رائع
- الادراة تمتلك عناصر تعشق النادي (الاتحاد) وعناصر تعشق اشياء اخرى
جايين عليهون الكسح بعد شوي
- الادارة عملت اللي عليها والباقي على الله (طبعا الادارة بشر)
ناتي الان الى العنصر الاساسي في القصة اللاعبون :
- اللاعبون مميزون يمتلكون مهارات فنية ولياقة عالية
- اللاعبون بشر (مثل الادارة ) يتفقون ويختلفون
- اللاعبون كانو منقسمين في السنة الماضية وراحت ورحنا وطارت الادارة السابقة اللي كانت على اساس سبب الخلاف
- اللاعبون اليوم يعودون لنفس الديباجة انا من شلة العفش وانت من شلة الريحاوي ( شلة جديدة )
- اكيد اللاعبون ما في عليهون حق ليش لانهن ببساطة بشر والبشر عادة يعشقون ما يسمى الشهوات والمغريات وطبعا يتاثرون بالضغوطات وال (ضرب من النية ) من قبل الاب الروحي لهم ومظهرهم للدروي الابطال وللنجومية الحلبية
تزكرت قصة على الطريق وانا راجع على البيت ومقهور بعد ان تابع على الهاتف مباراة اليوم كاملة : يقال ان السيد تيتا وهو احد عضوات الكادر الفني في النادي كان يجتمع دوما باوسكار في الفترة الاولى لقدومه بس بعد فترة ياااا حرام صار خلاف يمكن يكون مادي يمكن يكون عقائدي المهم يبدو ان السيد تيتا مال للعفش بعد ان قاطع اوسكار او (يمكن اوسكار حلقله بعد ان شافه صار عفشاوي ) يا اخي الارجنتنينة عندون اكيد هي الظاهرة منتشرة المهم انا ما تاخدو من كلامي شي ولا اي اتهام
الان نرجع للموضوع الرئيسي
ساضع ثلة من اللاعبين مع ثلة من عناصر الادارة في طنجرة وهذه الطنجرة هي طنجرة ضغط عيار 10 (بار) خفيفة بعرف- وبعدين نغلق الطنجرة اغلاق محكم وياتي احدهم ليراقب الطنجرة وينتظر توافر العناصر اللازمة للاحتراق ( نار + اوكسيجين) وبعد قليل نسمع ان الاتحاد سيلعب مباراة مع فريق مع احترامي له ضعيف جدا مقارنة بالامكانات والملايين المتوفرة لدى الاتحاد ياتي هذا الشخص ويشغل النار
هنا ياتي ناطق باسم الجمهور البسيط ليتسائل شو صااااااار!!!!!
طبعا الطنجرة خسرت !!! شو
عفوا الاتحاد
-خسر
مع مين؟؟
- مع الشرطة
فين ؟؟ في حلب
طيب ممكن نعرف كيف خسر (اكيد التحكيم )
يعني شو
-نظرية المؤامرة
يعني الشرطة طلب من الحكم تسجيل الاهداف
-لالالالا الحكم كان عامل مساعد
طيب شو صار
-الاتحاد ما لعب كويس
طيب يا اخي غويمز لعب ولا شو
-والله كان روعة صحيان كتير
طيب ليش ما سجل شي 3 اهداف
-لانو الثلة تبعات الطنجرة كانو عم يلعبو طابات للشرطة
طيب معقول الثلة تبعات الطنجرة بدون يخسرو فريقون
-والله كل شي جايز
-اذا الغرض انو نرجع الاب الروحي لهدول الثلة كل شي ممكن
طيب كيف عم تتهمون هيك جزافا
-لالالالالا اعوذ بالله
-ارجعوا لما بعد مباراة الطليعة العام الماضي شوفوا هدول الثلة كيف طالعوا لاعبين خونة(مع انو بيسو راسون) طيب انا ما من حقي اقول على هدول اللاعبين التانين انو ... ولا بلا هلق
ليش خيو احكي
- لانو لسا الطنجرة ما انفجرت
طيب خيو لو انفجرت شو رح يصير
- رح يصير كتير شغلات ::
1- اوسكار سيصاب بمرض مفاجئ ويعتذر عن اكمال المهمة المسندة له (شوهاد ضرب بالمنجنيق )
2- سيتم البحث الحثيث عن مدرب كان له انجازات وغير مشغول وغير مرتبط مع احد اندية الدرجة الاولى
3- سيتم اخذ بعين الاعتبار النتائج الرائعة لحسين عفش في ذهـــــــــــــــــــاب العام الماضي
4- سيتم تعينه مدرب للنادي (يمكن يكون مؤقت ) لانو موضة هي الايام ودرجت
5- سيتم الاستعانة بمدير الكرة القدير لما الفراغ الحاصل بعد رحيل اوسكار

اخيرا رسالة لصاحب المطبخ والطبخة والطنجرة والنار :
الى متى كل هذا والله العظيم حرام عليك بدك تموتنا حاج بكفي السنة الماضي تعبنا
ختاما::::::
اتمنى ان اكون مخطا في كل ما ذكرت سابقا وان شاء الله بنجيب الدوري (بعرف احلام) وبيطلع كل كلامي خطا
رسالة الى الاندية الاخرى (لا تدعوا النادي معلق بشخص النادي للجميع مهما على قدر الشخص واهميته )
والسلام
موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي كرة القدم الاتحاد الحلبي

رد مع اقتباس