عرض مشاركة واحدة

نادي الإتحاد الحلبي السوري

كُتب : [ 06-11-2007 - 08:56 ]
رقم المشاركة : ( 1 )
الصورة الرمزية النورس الحلبي
 
النورس الحلبي
أهلاوي مر

النورس الحلبي غير متواجد حالياً

       
رقم العضوية : 47
تاريخ التسجيل : Sep 2007
مكان الإقامة : الكويت
عدد المشاركات : 525
قوة التقييم : النورس الحلبي has a spectacular aura aboutالنورس الحلبي has a spectacular aura about
غوميز .. نادي الاتحاد في الوجه مراية وفي القفا ××××××

أخواني أخواتي سلام الله عليكم ورحمته وبركاته ..

وصلني خبر فرش وطازج (ولا طازج إلا طازج) بالأمس ..
بالأمس التقيت باحد الاصدقاء الاهلاوية العاشقين لهذا النادي .. والحمد لله هذا الصديق يكره كل من العفش حسين ومحمد
ويكره الراشد والكيال .. يعني مالو علاقة باللي عم بصير من مافيات النادي ..
الزلمة عندو نادي الاتحاد بمحمود آمنة وبس .. هيك قناعتو وهيك عشقو .. الرجال كان بحلب منذ فترة ..
وقد غارد الكويت إلى حلب ستي من اجل مرض والدته شافاه الله ... وجلس هنالك حوالي الشهر ونيف ..

المهم الزلمة بعد ما استقرت حالة الوالدة .. وبعد ما هلك من المستشفيات وما إلى هنالك من وجع راس وضغط نفسي
حب يفرفش شوي ويروح صوب الموكامبو والشبهاء عند الصبايا الحلوات ... وينسى الهموم ..
الزلمة بعد ما كحل عيونو بنعم الله على أهل حلب من فاتنات وحسناوات :0121: طلع بهالتاكسي وقلو دخيل
علبيت .. قلو التاكس امرك ..
المهم هم ماشين قريب المغرب .. طلع شوفير التاكسي بصاحبي وقلو كرمالي ممكن تساعدني .. قلو الصبي امور
قالو الشوفير هدول الاتنين الواقفين بدي اطلعهم واوصلهم على حسابي بس ما بعرف اجنباوي .. قلو رفيقي امرك ...
المهم الجوز اللي كانو واقفين هم جوميز وجوناثان .. تعرف عليهم رفيقي عن طريق الشوفير بعد ما قلو انا شايف هالوجوه
من قبل ورد عليه انو هدول محترفين الاتحاد ..
رفيقي طبعاً بلش كسح اسئلة عليهم .. كيف شفتو حلب شو اللي عجبكم وشو اللي ما عجبكم وووووو
غوميز رد عليه انه هو حب حلب وعشقها والسبب هو جمهور الاتحاد الرائع على حد وصف غوميز وقال انو كتير مبسوط
بالجمهور ..
بس أردف قائلاً .. انو في كتير امور منغصة تحصل تعكر الاجواء .. اولها مافي سيارة توصلنا وتجيبنا ..
يعني مو معقول على كل مشوار استنى منية فلان وفلان ولا يقعد نص ساعة يدور على تاكسي وووووووووووووو
وتاني الامور .. طلع غوميز اهلاوي اصيل .. وقال وتحدث عن الامر المريب والغريب الذي يحصل
من شللية ومافيات داخل النادي .. وابدى امتعاضه الشديد من هذا الامر الذي يؤثر على مستوى النادي ...
والاهم .. قال (عن الادارة) .. بيحكو معو بشي .. وبصير شي تاني او حتى ما بصير شي ابدا ..
يعني بالمختصر (بالوجه مراية وبالقفا الله أعلم:smilie1::034:) .. وهيك يا حبايبي عم يفكر غوميز معشوق الجماهير .. !!
ولا تستغربوا انو يشمع الخيط خوفا على مستواه .. أو يصير من رواد مقهى النخيل وكازبلانكا ويعمر هالاراكيل متلو
متل لعيبة النادي :033::lol:..
هذا ما وصلني وقدرت اخدو من رفيقي اللي كان يتحفظ بالكلام معي لنو عرفان اني رح انشرها عالنت ..




مـــع تحيـــات
الزعيــــ عبدالرحمن ـــــــم


التعديل الأخير تم بواسطة : Hussam بتاريخ 06-11-2007 الساعة 09:07
رد مع اقتباس