عرض مشاركة واحدة

نادي الإتحاد الحلبي السوري

كُتب : [ 10-10-2008 - 03:42 ]
رقم المشاركة : ( 1 )
الصورة الرمزية ABO ALZOZ
 
ABO ALZOZ
إدارة المنتدى

ABO ALZOZ غير متواجد حالياً

       
رقم العضوية : 1
تاريخ التسجيل : Sep 2007
مكان الإقامة : Aleppo
عدد المشاركات : 9,464
قوة التقييم : ABO ALZOZ قام بتعطيل التقييم
فوز عشاق حلب الأهلي على المغتربين السورين في دبي

فاز فريقنا على الفريق المسمى المغتربين السوريين بدبي بنتيجة 12-11 لمصلحتنا

الملعب : بالرميثة ( دبي )
الوقت (1 ليلاً )
الشوط الأول : 9-2 لعشاق حلب الأهلي

تشكيلة الفريقين :
عشاق حلب الأهلي : أبو الزوز - قصي - علي الوحش - شادي - علي داود - شادي كمان شنو في تنين شادي وعمر
المغتربين السوريين : أبو علي- أبو عبدو - محمد - ايمن - عبدو عداس - خالد - ايهم - حسين وجانب من الجمهور الذي آزر المغتربين السوريين

لاحظو نحن عنا تبديل واحد والواحد صرلو 6 سنين مو لعبان مع اصابة شادي بأصابة قوية يعني طلعنا عكسر
تفاصيل الشوط الأول : بدأت المباراة قوية من طرفنا وتتالت الهجمات هجمة تلوه الاخرى إلى حتى ان اصبحت النتيجة 7-0 لعشاق حلب الأهلي وبعدها من تسديدة قوية يردها ابو الزوز انا :4e961fde64e73140a65وتعود لأبو علي ويسددها قوية يتصدى لها ابو الزوز ولكن تدخل الشباك معلنة الهدف الاول للمغتربين لتصبح النتيجة 7-11 لألنا
وبعدها كثرت المشاكل عند اصابة علي الوحش بأصابة قوية جداً مستقصده من ابو علي عينك عينك وشاطو من اجرو وكانت ستأدي بالنهاية لأنسحاب فريقنا لولاي انا هديت الوضت شوي ومشي الحال وصالحنا الطرفين بعد شوية عياط مابيخلى الامر :004: وبعدها بقي على نهاية الشوط الاول 3 دقائق اللي صارت مع الحكم ابو عبدو شي 10 دقائق وفيها سجلنا هدفين :lol: لتصبح النتيجة 9-2 لمصلحتنا ولينتهي الشوط الاول واخيراً الذي دام اكثر من 45 دقيقة .

تفاصيل الشوط الثاني : بدء فريقنا بتهديت اللعب وهنا سجلنا هدفنا العاشر ليعترض فريق المغتربين وبيحذفلنا هدف بحجة انو انتهى الشوط الاول 8-2 وليس 9-2 بس الكل بيعرف انو 9-2 بس ئطشوها قلنا يالله افنص مافي مشكلة ابداً
بعدين بديت هجمات المغتربين السورين لتعديل النتيجة وكان لهم دفاعنا كالنمور المتوحشة تمنع اي هجمة تمر ( شلون بالله خرج صير شاعر :hi: ) بعدين بدي فريقنا تخف لياقتو بسبب عدم وجود تبديلات يوجد تبديل واحد وهاد الواحد صرلو شي 5 سنين مو ماسك طابة بأجرو يعني يعتبر مافي عنا تبديل مع اصابة شادي اللي اجرو احترقت من تحت بس جلسها ومشي الحال شوي وبعدين كول ورا كول ليوصل الفارق لهدفين لمصلحتنا بعدين جبنا هدفين رجع الفارق ل 4 اهداف ومن خطأ مني ليش الكزب بعترف يعني زتيت الطابة لعلي داود وانقطعت واستغلها فريق ابو علي ليحرز هدف ويقلص الفارق إلى ثلاثة اهداف وكمان مع شوية اخطاء دفاعية صار الفارق هدف واحد وبها انتهت المباراة 12-11 لمصلحتنا بس للازم تكون 13-11 والله بيشهد

بس لولا ستر الله والعارضات اللي شالت لألنا اهداف بالجملة ولو الطابة مظبوطة 100 % كانت النتيجة اختلفت او لو كان عنا شويت تبديلات متل مباراتنا مع كووورة اللي خسرناهن فيها 4-0 لكان في حكي تاني

نزكر بالنهاية تألق ملحوظ لعلي الوحش وشادي رفيقو لعلي وعلي داود وقصي اليوم ماسجل ولا هدف بحجة مافي لياقة :81f531e7c17e2f0915c

وبعد ماخلصنا ياساده ياكرام نطينا على برجر كينغ ليشتغل السلت بهل الهمبرغر ونحن عمنطلب دخلت وحدة شي شغلة كبيرة كتير وقصي كان واقف عبيشوف شو بدو يطلب وكانت جمبو البنت حرااااام عبتقول للفلبينية انو بدي برجر تشيكن فوراً ابو القوص صار جنتل وصار يشرح للفلبينية شو بدها الامورة وهديك تقرب منو وتأشر بأيدها يس يس تشيكن فيليه ههههه وابو القوص كان بدو صورة بس ماحلوة شنو في كان ناس اما شو نااااس شي نغم كلو طالع من الدسيكوهات ونازلين بهل البرجر كينغ بدن يعوضو

وبهيك ودعنا الشباب وراح معن علي الوحش على ابوظبي بحجة بدو يجيب غراض لألو من زمان هنن هنيك وعافني لحالي
وبالنهاية كانت مباراة حلوة سادتها الجمالية والمزح والضحك وكل الشكر لفريق المغتربين لتقبلهم وجودنا معهم ومنقلن هاردلك وان شاء الله المرة اللي جاي بيكون عنا تبديل ومندوبل النتيجة بس الله ستركن ونذكر بأن هذه هي الخسارة الثالثة لفريق المغتربين السورين امام فريقنا العتيد اولها كانت 6-2 وثانيها 5-4 وثالثها 12-11

تحياتي

ابو الزوز :4e961fde64e73140a65

موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي كرة القدم الاتحاد الحلبي

رد مع اقتباس