عرض مشاركة واحدة

نادي الإتحاد الحلبي السوري

كُتب : [ 17-01-2009 - 02:25 ]
رقم المشاركة : ( 1 )
الصورة الرمزية محمد لولو
 
محمد لولو
زائر

       
رقم العضوية :
تاريخ التسجيل :
مكان الإقامة :
عدد المشاركات : n/a
قوة التقييم :
تقرير و ملاحظات على مباراتنا مع الكرامة و تقييم اللاعبين

كيفكم شباب؟
انا اليوم رحت عالملعب ودعمت اهلنا بغزة بثمن البطاقة
المهم , الصدمة الكبرى اني ماشفت ولا لاعب محترف متل ما وصلني اخبار والحقيقة انه وصل ليلة المباراة يعني بعدها .
والاغا ما لعب لانو مصاب.
الشوط الاول
كركر
يوسف مجد صلاح عمر
عبادة عبيد خالد
الصاري الامنة
اوتو
وبدا التشجيع الرياضي الاخلاقي فنادى جمهورنا على لاعبي الكرامة وبادلونا التحية .
و فريقنا حيا ابو شاكر (مع بوسة شوارب)
المهم الشوط الاول الكرامة ما في إلهم شي غير الهدف
طول الشوط لاول خطورة واضحة من الامنة والصاري وعبادة وتسديدات عبيد واختراقات عمر
وحصلنا على اكتر من 10 ركنيات تفنن عبيد باضاعتها
ولعب الصاري والامنة شوطا للذكرى
والله يا شباب الصاري رائع و كل ما يستلم الطابة بيسحب مدافعين او تلاتة وبيلعبها بالعرض لانو عميلعب محل غوميز جناح يسار (لكن اقرب للهجوم).
والامنة :الله عليك يا ابو عبدو وانشا الله دائما هيك منشوفك لاعب رائع واكثر من رائع
فنيات,مهارة,سرعة,لعب جماعي,خطورة,فعلا كان الفريق كله
اما عن الكرامة في اخر عشر دقائق بدؤوا بترك الدفاع فشكلو خطورة واصحة جدا
واصتدمت المباشرة بالعارضة ,وخرج الكركر لكرة مرفوعة لم لتقطها وبراسه مهاجم الكرامة على المرمى لكن الدفاع يبعدها للتماس , تنفذ التماس الى اللاعب المحترف بمر من كل الدفاع وبمرر كرة الى مهند ابراهم وبكل اريحية بسجل مهند, وبينتهي الشوط الاول.
الشوط الثاني ومع دخول تامر رشيد ولاعبين من الشباب (ما عرفتهم) الفريق صار متل الشبح ومافي خطورة بنوب
يوسف كان نجم فريقنا مع الصاري الامنة .
وتالق مروان سيدة من الكرامة والمحترف والحموي شكل خطورة كبيرة جدا جدا
وكان فريق الكرامة عبحاول انو يوصل الكرة للمحترف الجديد بعكس فريقنا
والله يا شباب اوتو بتم ساعة عميطلب الكرة وما حدا بشوفو وبأشر بايدو على بينية ما حدا بشوفو باستثناء الامنة يللي كان مراقب
معظم هجمات فريقنا عمتتكسر عند تامر رشيد :dontknow:
ومافي خطورة ابدا سوى مباشرة يوسف ارضية يمسكها عدنان الحافظ تفلت منه و بيلحقها بسهولة
والكرامة خردقنا بالبينيات والكركر ترك المرمى اكتر من خمس مرات وطلع للتشتيت
وباخر دقيقة ومن كرة بينية الى الحموي بيطلع الكركر والحموي باخدها من فوق الكركر وبسدد براسه لكن مجد حمصي بيلحقها بصعوبة ولما كان الكل عبتطلع عالى حكم الراية كان الحموي لحق الطابة وفتل مدافع ولعبها عرضية وبنفس اسلوب الهدف الاول يسجل المحترف وتنتهي المباراة بعد 3دقايق وقت بدل ضائع كانت كرماوية.
التقييم
الكركر 7/10
مجد 8/10
يوسف 7/10
صلاح 7/10
عمر 9/10
عبيد (لاعب درجة تانية)
عبادة 7/10
خالد (الظاهر يا ابو حامد ضمنت محل بالاساسي وما عاد بدك شي)
الصاري 7.5/10
الامنة 9.5/10
اوتو 5.5/10 لان اوتو ما عرف يتحرك بدون كرة وما استلم غير مرتين تلاتة
اللاعبين الجدد ما عرفتهم بس الظهير اليمين كان جيد
ولاعب الارتكاز كان بطيء بالحركة وبالتمرير
اما تامر رشيد والله العظيم انت يللي لازم تترك الفريق مش الضامن والبيف ورامي حميدة
ولعب محمد فارس ادى اداء رجولي وجيد جدا
وبنوه انو مستوى الدفاع تراجع كتير مع الشوط التاني والمردود اقل من النص
اما عن محترف الكرامة (انشا الله يغار منه اوتو ) لاعب رائع (جسم قوي,سرعة,طول,مهارة,تسديدات صاروخية,لعب جماعي)
الخلاصة انو فريقنا سيء بدون الدكة وعادل وغوميز ووائل والراشد
كان معكم من المدرجات محمد لولو (ابو حيدرة) :lol::lol::lol::lol::lol::lol:
موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي كرة القدم الاتحاد الحلبي

رد مع اقتباس