عرض مشاركة واحدة

نادي الإتحاد الحلبي السوري

كُتب : [ 07-03-2009 - 08:59 ]
رقم المشاركة : ( 1 )
الصورة الرمزية عاشقة سلة الاتحاد
 
عاشقة سلة الاتحاد

عاشقة سلة الاتحاد غير متواجد حالياً

       
رقم العضوية : 362
تاريخ التسجيل : Oct 2007
مكان الإقامة : سوريا
عدد المشاركات : 2,801
قوة التقييم : عاشقة سلة الاتحاد is a glorious beacon of lightعاشقة سلة الاتحاد is a glorious beacon of lightعاشقة سلة الاتحاد is a glorious beacon of lightعاشقة سلة الاتحاد is a glorious beacon of lightعاشقة سلة الاتحاد is a glorious beacon of light
باللحظة الحاسمة انهينا الوثبة بعد صراع طويل :

فاز رجال فريقنا بحمد الله في حمص على مضيفه الوثبة الحمصي بعد مباراة قوية وانتهت المباراة بفارق 3 نقاط لفريقنا :
76/73 للاتحاد

وكل الشكر يعود للحكام الذين كانو اللاعب رقم 6بالمباراة
هلأ المهم جبنالكم نتيجة حلوة بأنو ربحنا والحمد لله لانو هاد الفوز كان كتيررررررر ضروري النا
وهلأ اجا وقت حكاية الحكام الحلوين ياجماعة الخير مالكم بالطويل المهم الفارق وصل ل 18 نقطة ول 12 ول11 ول 10 وطول كتير عند 8 نقاط ومااسمعلكون الا وصار الفرق 5 انا قلت ياساتر يارب راحت المباراة قام الشغلة ماوقفت على هيك وبس وصلني الخبر انو الفرق صار 2 قلت ايواااااااااااااااااا اكلناها وراحت علينا
بس شو الظريف بكل القصة انو بالربع التاني لوحدووووووووووو ركزوز كتير على كلمة لوحدو تسجل 18 فاول على فريقنا تخيلو يارعاكم الله شي بضحك اكيد ماهيك؟؟؟؟؟
وطلع صلاح شوا بالاخطاء الخمسة قلنا يالله منمشيها مالاقيلكون غير الحبل عالجرار طلع فراس مصري وسمير الدقس وعلي دياربكرلي والله حكامنا شغلة ماكان ناقص غير يطالعوني مع اني ماكنت موجودة
وتوقفت المباراة قبل 3 دقايق من نهايتها بسبب اعتراض ادارتنا على هالمسخرة الي كانت عمتصير
وبأخر ثواني كان الفرق 3 نقاط وعطوهم فاول للوثبة وباقي 30 ثانية وربكم حميد ولطف فينا وانتهت بالاخر النا على خير وسلامة
وقفوا شوي لسى ماخلصت قصة اليوم لانو الجمهور الوثباوي المحترررم جدا اشتغلوا القتل والضرب لك الحكام معهم وصار يضربوهم بالاخرخخخخخخ وحاصروا الموجودين من جمهورنا جوا الصالة ولحقوا باص فريقنا وصار يرموا عليه الحجر وبدهم يضرو لاعبينا كمان بالاخر الشرطة قدرت تخلص هالناس من ايدهم وطلعوا بخير وسلامة

رجاء لابقى حدا يقلي الحكام مادخلهم وانا الي بعلق خساراتنا عليهم هي حطيتكم بالصورة لتعرفو حقيقة الي عميصير مع الفريق والي مامصدق فيو يسأل غيري او يتأكد من شي مصدر تاني

اعلى مسجل لفريقنا كان ويليام ب24 نقطة وسجل عمرو حموي 16 نقطة وصلاح شوا 15 نقطة والباقي ماعرفت اديش سجلو
وتوتة توتة خلصت الحتوتة
وعذرا عالاطالة وشكرا لكم جميعا
موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي كـرة السلة الاتحاد الحلبي

رد مع اقتباس