عرض مشاركة واحدة

نادي الإتحاد الحلبي السوري

كُتب : [ 30-04-2009 - 02:07 ]
رقم المشاركة : ( 1 )
الصورة الرمزية شادي
 
شادي
أهلاوي للعضم

شادي غير متواجد حالياً

       
رقم العضوية : 8
تاريخ التسجيل : Sep 2007
مكان الإقامة : UAE
عدد المشاركات : 4,949
قوة التقييم : شادي will become famous soon enoughشادي will become famous soon enough
*^:)$(دبابيس)$:(^* :''الحلقة الثالثة

دبابيس هو موضوع أسبوعي فكاهي يأتيكم صباح كل خميس حصريا على منتدى عشاق حلب الأهلي..



نتناول من خلاله طرح المواضيع الرياضية والمشكلات كافة بأسلوب ناقد ذو طابع كوميدي..




ملاحظة:




1)الشخصيات الواردة بالموضوع هي شخصيات مصطنعة وأي تشابه بالأسماء على ارض الواقع هو من باب المصادفة ليس إلا حتى لا يحدث القيل والقال..


2) يسعدني جدا ان اتقبل اي نقد او اية ملاحظة مفيدة تثري للموضوع وتضيف له..














الحلقة الثالثة



في اول يوم على استلام فهمان الفهيم لمنصب المنسق العام لرياضة المدينة تلقى اتصالا من المختار ابو عمشى مختار المدينة وبعد التهنئة والتبريكات دار الحوار التالي بينهما..

ابو عمشى:شو اخبار دوري كرتنا

فهمان:والله ياسيدي الدوري منطقيا رح يكون لفريق العمال والكادحين

ابوعمشى:ولك لعمى بقلبك شو انك غشيم

فهمان: ليش ياسيدي

ابو عمشى: ولك لعمى ما اجحشك وتسألني ليش كمان من ايمت فريق العمال والكادحين بياخدو الدوري ولك لشو انا معينك بهالمنصب ولااا حيوان..

فهمان:امرك ياسيدي انت قلي اي فريق بدك ياخود الدوري وبنعطيه ياه مو مشكلة

ابو عمشى:يعني مين في غير فريق حماة المدينة هدول يا ابني مننا والدم مابصير مي

فهمان:امرك يا سيدي هلئ بصدر قرار بنصب فيه فريق حماة المدينة بطل للدوري

ابو عمشى: ولك لعمى ما اجحشك شو جايبك لتعملي فضيحة بالمدينة نحن ما بنشتغل غير على القانون

فهمان:اعذرني ياسيدي مافهمت عليك

ابو عمشى:رح اشرحلك شو تعمل خطوة خطوة وفهام علي يا جحش

فهمان :حاضر ياسيدي

ابو عمشى:فريق العمال لأي حي تابع

فهمان:حي باب الكبير

ابو عمشى:ومين رئيسه

فهمان:عدنان شاكوحة

ابو عمشى:بتتصل فيه وبتقلو يخربط ادارة النادي خربطة وبتقلو بيقلك المعلم اذا المشاكل ما بتنتشر بكل النادي وبصير هاد بسب هاد وهاد يتهم هاد مايلوم الا حاله..
وبتقله بيزرع كم واحد من الزعران بين الجمهور وبيصيرو يسبو اللاعبين , لاعب لاعب واي لاعب مابينسب عيونك وعيونو رح شيلها من محلها

فهمان:حاضر ياسيدي

ابو عمشى:بتتصل كمان بأرضي شوكي مقدم برنامج ستاد الاخضر وبتقلو بدي يشرشح هالنادي ويطالعو مابيعرف يلعب وحرام يكون بالاضواء ويضل يحكي مع ابو صبيح لما بيدخلو جول لفريق العمال حتى الشعب ينسى اسم هالفريق ويفكرو نادي من دول الجوار

فهمان:حاضر ياسيدي بس وبلكي ما اشتفدنا شي

ابوعمشى:مو بقلك انك حمار اساسا انا ليش عينتك بهالمنصب لو مانك حمار
سماع بتتصل برئيس لجنة التحكيم هاد صاحبنا وبتقله الحكم يالي مابيسمع الكلمة بيتوقف واسمو مابيترشح ليحكم خارجيا وهو بيفهم عيلك

فهمان:الله عليك ياسيدي هلئ فهمت فعلا انك عبقري ومابعرف بلاك شو كنت رح اعمل

ابوعمشى:احم احم طبعا طبعا يا ابني الرجل المناسب بالمكان المناسب!!

فهمان:الله يخلينا ياك ياسيدي ويطول عمرك

ابو عمشى:روح عميل يالي قلتلك عليه بسرعة وبعدها بنفكر بفرق النزول لانو الاندية يالي بدها تنزل كلون صاحبنا ومابنعرف مين بدنا نرضي ومين بدنا نزعل

فهمان:حاضر ياسيدي وانت قدها وقدود

ودمتم سالمين!!!


موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي كرة القدم الاتحاد الحلبي

رد مع اقتباس