الموضوع: خاص للحلبية
عرض مشاركة واحدة

نادي الإتحاد الحلبي السوري

كُتب : [ 07-05-2009 - 03:23 ]
رقم المشاركة : ( 1 )
الصورة الرمزية عاشق ZIDANE
 
عاشق ZIDANE
أهلاوي للعضم

عاشق ZIDANE غير متواجد حالياً

       
رقم العضوية : 10102
تاريخ التسجيل : Nov 2008
مكان الإقامة : بلاد المدفعجية
عدد المشاركات : 1,065
قوة التقييم : عاشق ZIDANE will become famous soon enough
خاص للحلبية

كان الله في عون الذي لايفقه اللهجة الحلبية

قصيدة شفت عيونا فسط الكاسة للشاعر أبو حبَو كلاسة

شفت عيونا فسط الكاسة...
فسط الكاسة..
فسط الكاسة شفت عيونا
عتقدح متل الونّاسة
حلوة متل مربّى المشمش...
ونظراتا بتعبّي الطاسة
يخرب بيتا..
يخرب بيتا شقد حبّيتا....
قلعتلي قلبي من جرنو
ساوتني بيضة فقّاسة
كسرتتني متل البطّيخة..
حتى صرت ...حزوز حزوز
هالمخلوقة...ينعن طيخا..
حلوة متل "العنبر بوظ"
فيزونا...
شمّطلي عيوني...
وطيّرلي من راسي الظوظ
أخدتلي واحد شرشوح..
وهي حالة دنيتنا..حظوظ...حظوظ

راحت حبّت واحد غيري..
جبلا بيتين وسيارة
ودشدوش...
وجبلا سنّارة...
مابعرف شقد كان عيارا
بس البعرف..
إنّي كل نسوان الحارة
غاروا منّا..
وشالوا عالمشتشفى الجارة
فطسانة...وما منّا شارة
لمّا شافت هالسنّارة

فلّس جوزا...
وصارت متل الجيجة العوزا
على طول مهرهر شحوارا
ورجعت لعندي زعلانة...
باستلي إيدي من الكوع..
وقالت : سامحني ...ندمانة
قلتلا : روحي مو أنا جربوع؟
حاجة تنّقي ياكرارة
كنتي عندي متل الوردة
وهلّق ...صرتي متل القردة
كم كاسة قهوة ضيّفتك و كم سيكاره...
وكم طرطيرة.... استأجرتلك و كم مسكليت ...
روّحت عليكي السحّارة
و ياريتنا نفعت يا ريت....
كم رفسة طعماني أبوي..
وكم طيّارة..
وكم حرب علقنا وكم غارة
كلّو مشانك يافصعونة
وبالآخر ...عردشتي وفصفصتي عضامي
وتركتيني متل الفارة

وحياة ترابك يا جدّي ..
وحياة أركيلة نانا والنارة..
مالك عندي عضّة خبزة..
وقصّتنا مالا دوبارة...
أنا شعّلتك ..
وأنا طفّيتك..
وآخرتك ...فلتر سيكارة

رد مع اقتباس