عرض مشاركة واحدة

نادي الإتحاد الحلبي السوري

كُتب : [ 14-06-2009 - 03:48 ]
رقم المشاركة : ( 1 )
الصورة الرمزية haseeko
 
haseeko
أهلاوي للعضم

haseeko غير متواجد حالياً

       
رقم العضوية : 11
تاريخ التسجيل : Sep 2007
مكان الإقامة : الهونولولو
عدد المشاركات : 1,356
قوة التقييم : haseeko has a spectacular aura abouthaseeko has a spectacular aura abouthaseeko has a spectacular aura about
لاعبينا خجلانين كتير سامحوهم

لا داعي للحزن
ولاداعي للقلق
اليكم الوصفة السحرية
بكرا بيطلع لاعبينا على الجرايد وبقولو انهم خجلانين من الي صار وانو الي حدث معنا غير طبيعي ونحن بنوعد جمهور الاتحاد بالفوز بالكأس
الأمر جدا بسيط فلننسا مباراة الكرامة لانو لاعبينا خجلانين
هناك ملاحظة صغيرة بس انو لاعبينا بخجلو بس عبر صفحات المجلات ولكن الحقيقة انهم ما بيعرفو الخجل وبحب ذكركم بنفس اللاعبين الي امتنعوا عن التدريب قبل ثلاثة ايام من مبارة الكأس مع الجيش ووقتها الكل صار يقول حقن وهنن بدهم مصراتهم وبدن يعيشو
ولكن الي بيقرأ الموقف صح بيشوف انو لاعبينا بلا ضمير وبلا أي انتماء للنادي
كلشي عبصير يدل انهم بلا ضمير
نفس اللاعبين او اغلبهن هنن الي بيعملو شلليلات بين بعضهم ونفسم اللاعبين الي بقومو بعدم اللعب لكي يفشل مدرب ويأتو بالاخر هنن الي ماعجبن أسلوب اوسكار الي ضغط عليهم بالتدريب وتأمروا عليه هنن نفسهم الي لعبوا على تيتا من أجل حسين عفش
لاحدا يقول كلامي غلط ففريقنا مشهور عالميا بالشللية الي دمرته ومشهور بمؤامراته الوسخة على المدربين
ان اللاعبين الي بيعملو مثل هيك امور هنن لاعبين بلا ضمير وبلا اخلاق
ولله لو أن البحر نطق لقال يا الله ما أروعكم يا جمهور حلب الي شفتو امبارح باللادقية بحرك الصخر الي بقلب البحر الاف الاهلاوية شعرت وكأنني والله بحلب وفي ايام ازدحام رمضان والله كانت نسبة الكرامة اقل من 10 بالمية من جمهورنا
كنت شوف كل كرماوي قدامو عشر اهلاوية وكل سيارة قدامها عشرة رغم انو طريق سفر حلب اللاذقية من أخطر الطرق في سوريا
تحمل شباب حلب كلها خطر الموت وحركو وارقصو بحر وسماء وحجر وقلوب اللاذقية ولم يحركو شعرة من لاعبينا فالضمير عندهم مستتر تقديره الله يرحمو
لم يرحمو عذابنا والله خفت على نفسي وعلى كل واحد من الجمهور دخلنا الملعب بأعجوبة وسط ذل ما بعدو زل جلسنا تحت اشعة الشمس الحارقة ساعات حتى تبخرت كل نقظة ماء في جسدنا
حناجرنا لم تهدأ وكلنا عدنا اصواتنا مبحوحة والله العظيم خفت اني اوصل لدرجة اني اصير فيها اخرس
كل هذا فعلناه لأجحلكم أيها الطنطات لن أقول انكم نساء لان النساء اكبر مما فعلتموه لن اقول الاطفال لانهم أشجع منكم لن اقول العواجيز لانكم لا تملكون ضميرهم واخلاقهم أنتم طنطات ولا يليق بكم سوا هذا المصطلح
يامن أفترشتم أرض الملعب كم كان منظركم مخجلا ومعيبا وانتم تتساقطون جبنأء ضعفاء
عار عليكم بدل ان تقاتلو لترفعو اسم حلب عاليا حتى الموت فضلتم ان تتساقطو بالارض وتتسارعون الى التبديل
واقول ليوسف هل انت نفس اللاعب الي هتفنا بأسمك طويلا هل انت صاحب الخبرة هل انت لاعب منتخب سابق نعم انت تسببت بالهذف الاول ولكن ان تصبح اوتستراد مفتوح لفريق الكرامة بعد ذلك والله ما فعلته مخجل وعار عليك ان تلعب كرة قدم بعد اليوم
حتى ان قدمك قد شلت تماما ولم تعد قادرا على لمس الكرة
عذرا ايها الطنطات الاهلاوية والله ما بتستاهلو كلشي صار من دعم هذا الجمهور لكم
انتم اصبحتم غير مرغوب بكم في هذا النادي لا أنتم ولا مدربكم ولا ادارتكم
كم كان منظرنا محززنا ونحن نمشي بشوارع اللاذقية نجر زيول خيبتنا كم كان منظرا حزينا منظر الجماهير في المحطة وهي بلالاف تنتظر القطار
والله حتى أن قلوب الناس في اللاذقية قد تحطمت على منظرنا وكلهم يقولونا والله فريقكم مافي اخلاق ولا ضمير وحرام يعمل هيك بكل هاد الجمهور
والله حرقتوا قلبنا ولن أسميكم بعد اليوم الا الطنطات الغير مرغوب فيها في هذا النادي الي من كل عمروا بطلع ناس عندها شرف وضمير
فارحلونا عنا كلكم غير مأسوف عليكم ياطنطات وانصحكم جميعا بالاعتزال

موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي كرة القدم الاتحاد الحلبي

رد مع اقتباس