الموضوع: منطقة الثواني
عرض مشاركة واحدة

نادي الإتحاد الحلبي السوري

كُتب : [ 19-09-2007 - 06:35 ]
رقم المشاركة : ( 1 )
الصورة الرمزية Hussam
 
Hussam
أهلاوي للعضم

Hussam غير متواجد حالياً

       
رقم العضوية : 13
تاريخ التسجيل : Sep 2007
مكان الإقامة :
عدد المشاركات : 3,677
قوة التقييم : Hussam قام بتعطيل التقييم
منطقة الثواني



؟ سعد مهايني لاعب الوحدة السابق تمت تسميته مساعداً لمدرب شباب نادي الوحدة..

؟؟ »يا وجه السعد«!

؟ عمر حسينو مدرب شباب الوحدة شوهد يجري اختبارات لياقة »كوبر« للاعبيه في ملعب كرة القدم للنادي!

؟؟ »يا ريت تعلمهن عالجري والتوقف والانطلاقة القوية بعد التوقف.. لأنو الدوري طويل وما بتعرف كم وقفة قدامك«!!

؟ ثريا بقدونس لاعبة بردى تعرضت لتمزق في أربطة قدمها خلال معسكر الفريق باللاذقية!

؟؟ »لازم ترجعي بسرعة.. لأنو الفريق لسة ما دبّر لاعبة تانية بالارتكاز«!

؟ آصف حداد مدرب آنسات قاسيون السابق سمي مدرباً لفريق بنك بيمو.

؟؟ »دبرنا بشي قرض«!

؟ واتشه نعلبنديان لاعب العروبة الموهوب شوهد يتمرن مع فريق شركة سيرياميكا!

؟؟ »وإيمتى سيرياميكا بدو يشارك بالدوري«!

؟ رامي عيسى عملاق الاتحاد »سابقا« والكرامة »لاحقا« تلقى التهاني بتخرجه من كلية إدارة الأعمال!

؟؟ »يعني ممكن تصير رجل أعمال.. ما بدك ياها.. منشان ما تحب الرياضة يومين وبعدها تبطل«!

؟ اقتراح لإدخال الاحتراف الأجنبي للآنسات لم ينل موافقة مؤتمر السلة!

؟؟ »لكان معقول الأندية يللي ما عندها سلة أنثوية تصوت على هيك قرار«!

؟ الأرجنتيني »براتشي« مدرب الاتحاد أبدى استغرابه من التأجيلات الطارئة على موعد الدوري بالقول: إذا كان تاريخ بدء الدوري شهد »3« تبديلات فكيف الأمور أثناء الدوري؟!

؟؟ »معليش يا براتشي.. احكي قد ما بدك.. لأنو بكرا بس تشوف تأجيلات الدوري.. بدك تحكي مع حالك«!

؟ نادي الوثبة يفكر في التعاقد مع الأمريكي هيوستن لاعب الحرية والجلاء السابق.

؟؟ »مافي مجال يلعب بحمص ويتمرن بحلب؟.. لأنو الزلمة تعلق كتير بالشهباء«!

؟ هيثم قوجه عضو لجنة السلة لنادي النواعير أكد أن النادي سوف يعتمد على لاعبيه الحاليين إضافة للشباب المرفعين للرجال لخوض الدوري القادم.!

؟؟ »والمفاوضات يللي عملتوها مع اللعيبة شو صار فيها.. بس حركتوا السوق شوي«!

؟ خلال المباراة الاستعراضية بين نجوم سورية وحمص ضمن حملة مكافحة التدخين بدا أحد الزملاء الإعلاميين متفاعلاً مع الجملة ومؤكداً على الأضرار الجسيمة للنيكوتين لكنه اختفى بين شوطي المباراة وإذا به يدخن خارج الصالة!

؟؟ »إيه المدرب كان عم بيدخن بالسرقة خلال المباراة«!

؟ أسيد كالو لاعب الوثبة شوهد يتمرن مع فريق الوحدة بدمشق.

؟؟ »مو بس هيك.. الزلمة عم يلعب مع فريق تسعة أربعة ببطولة الشركات بدمشق.. معو حق.. لأنو صار شركة بين الوثبة والوحدة«!

؟ نادي اليرموك صرف النظر عن تعاقده مع المدرب العراقي غازي طالب لتدريب فريقه خلال الموسم الجديد وراح يبحث عن مدرب آخر!

؟؟ »أحلى شي بأنديتنا إنها بتقدر تجيب المدرب الأجنبي يللي بدها ياه دون ما تاخد موافقة المكتب التنفيذي«!

؟ لاعبو الاتحاد علي ديار بكرلي وفراس المصري وأمير الحسن ومحمد أشتر شوهدوا الأسبوع الماضي في سهرة بحرية بمطعم »فيو« على هامش معسكر الفريق باللاذقية!

؟؟ »بس لاعبينا بميزوا بين المعسكر والمعسل«!

؟ مازن تاج الدين مدرب ناشئي الحرية ترك دورة المدربين بدمشق وعاد إلى حلب!

؟؟ »ما عجبتوا القعدة مع ناس قد ولاده«!

؟ جمهور حمص حيا نجوم السلة السورية في مباراة »مكافحة التدخين« وطلب من أنور عبد الحي اللعب لكنه اعتذر مشيراً بيده إلى ركبته!

؟؟ »أنو ركبة«!؟

؟ فريق شركة سيرياميكا شوهد يتمرن في صالة نادي السكك بحلب!

؟؟ »حكاية السكك بتذكرني بنكتة المحششين يللي عم يلعبوا لعبة على سكة القطار ويللي بيندعس مرتين بيخرج من اللعبة«!

؟ المدرب السوري الشاب همام كركوكلي نجح مع فريق النصر الإماراتي بالوصول إلى نهائي الكأس!

؟؟ »بتعرف يا أبو يوسف.. إنو بإمكانك تدريب بالإمارات وبسورية بنفس الموسم.. لأنو الدوري الإماراتي معروف إيمتى بيبدا وبينتهي.. بينما الدوري السوري ممكن تعرف إيمتى بيبدا بس ما ممكن تعرف إيمتى رح ينتهي«؟

؟ نادي النصر الإماراتي أبدى الرغبة في المشاركة بدورة دمشق الدولية لكرة السلة؟

؟؟ »ذكروني بالمحشش يللي أصابه القلق وهو عم بيقول: أنا حابب نام.. بس ما بعرف إذا كان نام بيحبني«!

؟ الأمريكي فنسنت جونز عملاق الجلاء شوهد يلعب في الدوري الإماراتي مع النادي الأهلي الذي دفع له »20« ألف دولار شهرياً!

؟؟ »الزلمة مازال عند كلمته، إنو بيحب سورية وحابب يبقى عم يلعب فيها.. بس خربط بين أهلي حلب وأهلي دبي«!

؟ لقاء سريع حدث في صالة حمص »على هامش مباراة مكافحة التدخين« بين أحمد حجو الرفاعي رئيس نادي الوثبة وشادي حبيب لاعب الثورة!

؟؟ »يمكن عم يحكوا عن أضرار الدخان.. ذكروني بيللي صلى ركعتين بس من صلاة الظهر.. فسأله إمام المسجد ليش بس ركعتين مو أربعة؟ فأجابه: عم خفف.. لأني حابب بطل«!!

؟ بعض لاعبي المنتخب راحوا يستعيدون ذكرياتهم في المعسكر التحضيري الذي سبق المشاركة في بطولة آسيا باليابان منذ شهرين، والميكروباص العتيق الذي كان مخصصاً لنقل المنتخب وأعطاله التي لا تنتهي لدرجة أن بعض أعضاء الفريق اضطروا ذات مرة عندما تعطل بهم الباص خارج المدينة.. للركوب »بالسوزوكي« للوصول إلى صالة الفيحاء!

؟؟ »حتى شوفير السوزوكي صار إلو إيد بإعداد المنتخب«!

؟ العراقي محمد نجار مدرب الوثبة غاب عن مباراة مكافحة التدخين لسفره إلى العراق!

؟؟ »إيه دخان التحالف بيعمي«!

؟ رائد مسالمة نجم الشعلة اقترح على اتحاد السلة إحداث مشروع وطني لتطوير السلة السورية أسوة بتجارب الأردن والبحرين.

؟؟ »ذكرتني بالمحشش يللي سأل التاني وين رايح فأجابه: مدري.! والثاني سأل الأول: طيب إنت وين رايح؟ فأجابه: مدري! فقال لكان عجل منشان ما نتأخر«!

؟ لاعبو الشعلة أحمد العبد الله وأمجد العش ومحمود العابد جاؤوا لإدارة نادي الشعلة بطلبات العودة إلى نادي قاسيون!

؟؟ »مو قادرين يشوفوا الشعلة عم ينزل عالثانية بعدما طالعوه عالأولى«.

؟ همام البني كابتن الوثبة شوهد في صالة حمص يرتدي كنزة برتقالية اللون!

؟؟ »خربطنا فيك.. وفكرناك أسيد«!

؟ رئيس نادي الوثبة حاول مراضاة لاعبه أسيد كالو وإقناعه بالعودة للنادي على هامش مباراة مكافحة التدخين التي لعب فيها أسيد بعد غياب!

؟؟ »شفتوا التدخين كيف بيقوي الذاكرة«!

؟ بعض نجوم المنتخب الوطني اعتذروا عن حضور مباراة مكافحة التدخين بحمص!

؟؟ »ما تعودوا يكونوا بوجهين.. وصاحبهن صاحب«!

؟ شادي حبيب هدّاف الدوري ونادي الثورة لوحظت زيادة في وزنه خلال مشاركته بمباراة منع التدخين بحمص!

؟؟ »بالله يا شادي.. بتصور هذا الموعد الخامس والثابت لبداية الدوري.. بقى يرضى عليك بلش نحف حالك لأنو هادا مو منظر هداف دوري«!

؟ مدرب بدوري الرجال رفعوا له راتبه مقابل أن يقوم بتدريب فريق الأشبال أيضاً!

؟؟ »ما بتحبوا يطل على فرق السيدات والناشئات والناشئين، كمان بدكن تدبحوه بالخمسين ألف يللي بدكن تعطوه ياها«!

موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي الرياضة السورية

رد مع اقتباس