عرض مشاركة واحدة

نادي الإتحاد الحلبي السوري

كُتب : [ 22-11-2009 - 10:51 ]
رقم المشاركة : ( 1 )
الصورة الرمزية عاشقة سلة الاتحاد
 
عاشقة سلة الاتحاد

عاشقة سلة الاتحاد غير متواجد حالياً

       
رقم العضوية : 362
تاريخ التسجيل : Oct 2007
مكان الإقامة : سوريا
عدد المشاركات : 2,801
قوة التقييم : عاشقة سلة الاتحاد is a glorious beacon of lightعاشقة سلة الاتحاد is a glorious beacon of lightعاشقة سلة الاتحاد is a glorious beacon of lightعاشقة سلة الاتحاد is a glorious beacon of lightعاشقة سلة الاتحاد is a glorious beacon of light
سيناريو متكرر وسياسة التطفيش ترافق اولى خطوات الادارة

بما أنو عمشوف موضوع رامي عيسى رجع ينطرح من جديد رح احكي شوي بهالموضوع مع اني مابحب احكي كتير بهالموضوع نظرا للحساسية يلي كانت تصير كل ماافتح هالموضوع بس لانو صارت الاشاعات كتيرة والاخبار تعددت بدي ريح الكل واحكي الي صار
القصة ومافيها انو كأنو القدر معارض رجعة رامي للنادي برغم تعاقب ادارتين خلال مشكلة عودة رامي لصفوف النادي السنتين الماضيات الادارة مارجعت رامي وماطلت كتير
بس هالموسم الجديد والادارة الجديدة مو بس مارجعت رامي ومو بس ماطلت الادارة هالسنة كانت عمتلعب مع رامي لعبة اسمها الدوامة وعالوعد ياكمون
تخيلوا انو كل يوم كان في حكي جديد ووعد للاعب رامي وكل يوم تخفيض بالعرض المقدم علما انو لما اتصلو برامي وجابوه كان الاتفاق انو رح ياخد المبلغ الي طالبو بس طبعا هالحكي بقي مجرد حكي وصارت الادارة عمتساوم اللاعب كأنو قاعدين بالسوق وعميبيعوا ويشترو والقطعة ماوفت معهم
وطال انتظار رامي كتيرر وهو غير مستقر لانو بقي قاعد بالفندق لاكتر من اسبوعين وطبعا مارح احكي شو كان فندق محترم وعلى مستوى وعدا كل هاد كان عمينفق كل شي من جيبتو
المهم ماهاد حديثنا الادارة بقيت تماطل والدوري رح يبلش وعالابواب و رامي بقي معلق لاقادر يشوف ويفاوض نادي تاني ولا ادارتنا العظيمة وقعت معو
وكالعادة بلشت الشروط التعجيزية لتطفيش اللاعب وتكرر سنياريو السنتين الماضيات وبعد الانتظار الطويل رامي رجع عاللادقية لانتظار شو رح ترد الادارة بالاخر وطبعا ادارتنا كبيرة ومابتتصل باللاعب ومع ذلك رامي اتصل ووافق على شروط الادارة وعلى العرض المقدم يلي طبعا هو مبلغ اقل لاعب من نادينا مابيقبل فيو فكيف لما يكون هالمبلغ رح يندفع للاعب محترف وكلنا منعرف انو اللاعب المحترف بياخد مبلغ محترم ولهيك مارح اذكر شو كان المبلغ لانو من المخجل والمعيب ذكر هيك مبلغ تافه الخلاصة انو هالمبلغ القليل كتير كان وسيلة مستخدمة للتطفيش وبرغم هيك رامي وافق ليبقى مع الاتحاد وهاد اكبر برهان على محبة وحنين رامي للعودة الى الاتحاد بس المفاجأة انو ادارتنا تراجعت عن كل كلامها وسحبت العرض المخجل يلي قدمتو لرامي وهيك بقي رامي بلا نادي والدوري عالابواب
وماكان باليد حيلة غير انو يفوض امرو لرب العالمين ويرجع عالكرامة يلي عالاقل تمسكت فيو برغم معرفتهم لتفضيل رامي العودة لنادينا
وهو الى هذه اللحظة لم يوقع مع اي نادي لكن اقرب الاحتمالات هو توقيعه القريب لنادي الكرامة للسنة الثالثة على التوالي
وفعلا الكرامة عرفو يتمسكو بمحترف ضيعناه من ايدنا
مارح انسى بالاخر ذكركم انو ادارتنا بكرا بتتشاطر بحرق المبالغ الطائلة ودون تردد ليجيبوا شي محترف الله وحدو العالم شو حقيقة احتراف هاللاعب او بيكون محترف بشي دوري ادنى من دورينا
بس ليجيبوا لاعب محلي ليسد الشاغر بمركز ناقصنا بيستخسرو يدفعوا وبيستكترو عاللاعب المبلغ يلي هو جزء لايدكر امام يلي رح ياخده الاجنبي
اخيرا بالتوفيق لرامي
بعتذر عن جد لهالاطالة وتحياتي للجميع

رد مع اقتباس