عرض مشاركة واحدة

نادي الإتحاد الحلبي السوري

كُتب : [ 31-01-2010 - 01:10 ]
رقم المشاركة : ( 1 )
الصورة الرمزية haseeko
 
haseeko
أهلاوي للعضم

haseeko غير متواجد حالياً

       
رقم العضوية : 11
تاريخ التسجيل : Sep 2007
مكان الإقامة : الهونولولو
عدد المشاركات : 1,356
قوة التقييم : haseeko has a spectacular aura abouthaseeko has a spectacular aura abouthaseeko has a spectacular aura about
سلملي عالبتنجان

شي مؤسف ومعيب حال الرياضة بسوريا وخصوصا بحلب
انا واحد من الناس الي قرف ومل من واقع رياضتنا
المحزن أكتر هو وضع نادي الاتحاد من أدارة للاعبين لجمهور
النادي اصبح شلل اللاعبين تشردوا وكل واحد بديرة
الجمهور تقسم لجمهور متعقل فهيم بشجع اللعب الحلو وبشجع نادي الكرامة وبفوت عالنت ليتفهمن ويبيض علينا بواسع علمو
طبعا عداكم عن القسمة الي صارت بين المنتديات والي قسمت الجمهور الاهلاوي لقصر وأوف لاين وكواكب وأحباب
والكل عبزايد على حساب النادي مع الاسف
البعض وصل لتأسيس مؤسسات ومين بيدري ممكن يذهب لتأسيس نادي الاتحاد الجديد للواعين والمثقفين نسميه الاتحاد الفهيم
ياعيب الشوم على هالوضع وعلى هالفرقة ياحرام ياحلب
بمصر الرياضة عبتجمع 80 مليون مصري
بحلب الرياضة عبتفرق اهالي حلب وبتقسمن معسكرات
معسكرات منتديات وبروظات أحلا شي منتدى تأسس خلال أسبوع صار بدو يأسس رابطه
معسكرات في الملعب بين أبو كلابية وأبو كسام وأبو مدري مين كمان
عيب وبكفي
مابنسا كيف لما سافرت على اللاذقية بباص خاص أستأجرناه كيف أخد منا أحد المنتديات سعر البطاقة الي أخدوها بالمجان مع شوية زياده مع علم زهري اللون لايصلح مساحة للأرض وكانت عملية سرقة وأبتزاز
مابنسا تهافت الناس على باصنا حتى نحط أعلام لمنتديات حتى نبين طالعين على حسابهم
من زمان صدقت لعبة وكنت غشيم وركضت وراها متلي متل كتير من الاعضاء الي للأسف لحد اليوم بنغشو بموضوع الادارة وهالكذب
للاسف مافي شي أسمو أداره مو منيحة في شي اسمو أداره ما عبتدفع لمشرفي هالمنتديات والمرتزقة
هل من المعقول انو خلال اسبوعين من تسلم الادارة المطالبه برحيلها ولسا مالحقت تتتتت تدفا على الكرسي
هاد الواقع للاسف على النت صاير عصابات الاهلي
وان انتقلنا الى اللاعبين فصاروا بلا أنتماء وبدون حب للنادي وياحيف علاعبي زمان الي كان في جمهور يحاسبهم عند غرف المشالح وياريت يرجع هالجمهور ليحاسبهم مو يقعد يتفزلك على الكيبورد ويطالب وينوه حاج بقا ولو
حتى جمهور الملعب صاير ممل كلو أوربي بقضي الوقت عبيتجاكر ببرشلونة والريال
نحن انتهينا وصرنا عصابات الاهلي
وحاج نزايد ونخبي كلو صار أسوء من بعضو جمهور الملعب على جمهور المنتديات على اللاعبين على الاداره

بالنهاية الواقع ببشر بالأسوء وكان يامكان
وعلى قولة أخواننا في مصر سلملي علبتنجان
مع تمنياتي لمصر بالفوز لأنو عندها فريق بيلعب لسمعه بلدو
ونحن لافريق ولا منتخب ولا رياضة

الموضوع غير موجه الا للي بحس أنو موجه ألو وأنا نشرتو بهالمنتدى لأنو بحسو الاكثر مصداقية وبعرف أنو منتدى لمحبي نادي الاتحاد بعيدا عن كل ماذكرتو بالموضوع
موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي كرة القدم الاتحاد الحلبي

رد مع اقتباس