عرض مشاركة واحدة

نادي الإتحاد الحلبي السوري

 
كُتب : [ 12-05-2010 - 11:42 ]
 رقم المشاركة : ( 8 )
حلبي من الجلوم
أهلاوي جديد
الصورة الرمزية حلبي من الجلوم
رقم العضوية : 13374
تاريخ التسجيل : May 2010
مكان الإقامة :
عدد المشاركات : 4
قوة التقييم : حلبي من الجلوم is on a distinguished road

حلبي من الجلوم غير متواجد حالياً

   

...بعد ماحذفولي ردي...مرتين...بعتلو رسالة خاصة...لعبدالكريم السيد...ودخلت...وكان ردد عليها...صدقوني الرجل جنتلمان...واكابر...ومبين عليه ابن نعمة... ومتواضع...

وهاي... رسالتي ....لعبدالكريم السيد...راح تشوفو... شقد هل زلمة...محترم...

اول شي ...بعد ماحذفو ...جماعة اون لاين... ردي مرتين...حاولت اكتب رسالة...لعبدالكريم السيد...ولحسن حظي طلع...مو حاجب استقبال الرسايل...متل غيرو...فكتبتلو هل رسالة...




السلام عليكم... سيد عبدالكريم... كتبت بموضوعك ...دعونا نبدأ ...رد انحذف مرتين... من ادارة الموقع... وبالحقيقة... ادارة الموقع ...بالنسبة الي ...عليها اكتر من ...اشارة استفهام... مع هيك ...حابب اعرف جواب حضرتك ....على ردي المحذوف ...وهاده هوه خلاصتو:شو هيه شهادات حضرتك ...لانو انا من جماعة العقل اهم من المال... والشهادة اهم من الحسابات البنكية...تاني شي ...هل موضوعك ...هوه تعهد انو ماتكون ...رئيس النادي ...لانو ذكرت انو هل منصب ...كبير عليك... حتى لو كان هل كلام تواضع منك...تالت شي ...مين بتشوف ...بتحقق فيو... مواصفات رئيس النادي ...وهوه قد هل منصب ...ومو كبير عليه...وتحياتي الك...سيد عبدالكريم السيد...




الزلمة الله يكتر خيرو...رد علي وماطنشني... وماقال انا عضو مجلس شعب... وشوفو ردو الاكابري...


شكرا لمداخلتك ولا علم لي انهم حزفو كتابتك ولعلمك انا لم احصل على شهادة البكالوريا في سوريا ولكن درست كورسات بالمحاسبة والتحليل المالي اذا كان الموضوع يعنيك وان اكون انا ر\يس للنادي هذا الموضوع غير وارد لتكون مطمئن اما ان ادارة المنتدى تحذف مداخلتك يمكن انها اعتبروها سؤال ليس بمكانة فانا ادعو الى وضع خطة تكون بوصليه للادارة اي تكن فقط




رجعت رديتلو على جوابو...هل رسالة...




اول شي...بحب اشكرك على...رحابة صدرك...وتاني شي...انا صدقني...ماعندي مشكلة ...معك اذا كنت...بتشوف انك اهل...لتكون رئيس النادي...ومادامك تاجر...فبيقولو...الممارس غلب الفارس...احيانا بتشوف...صاحب شهادة...بس تشوف واحد تاني...شهاداتو اقل...بيحط الف واحد...صاحب شهادة...بجيبو الصغير...انا برايي الشهادة ضرورية...بس ماهيه كافية لحتى نقول...الشخص مؤهل...لازم تتوفر فيو...شغلات تانية...متل اخلاقو...وذكائو...وقوة شخصيتو والكاريزما تبعو...يمكن بس القوانين...مابتسمح لرئيس النادي...الا يكون عند شهادات معينة...الحاصل...



اهم شغله لازم تعرفها...انو شعبنا اتعود...يلاقي الزنكيل بالاهلا والسهلا...ويرفعو لسابع سما...ويمكن بالحياة العملية...بتشوف هيك اشخاص كتير...بس صدقني...نفس الاشخاص...وخصوصي جمهور نادي الاتحاد...وخصوصي هل موقع...على قد مابيرفعوك بالاول للسما...على قد مابينزلوك لاسفل سافلين بالاخير...يمكن بتعرف قصة وائل عقيل...وشو دورو هديك السنة ...بضياع البطولة...وتتطييرالمدرب...هون بالموقع ماخلو ستر مغطى عليه...بمجرد انو صار عضو بالموقع...المواقف تغيرت 180 درجة...سبحان الله...هيك نفاق ببغضو ليوم الدين...خلاصة...وجعتلك راسك...صدقني انا ماني ضدك...ولاني معك...انا مع النادي...واذا انته بتفيد النادي...راح كون معك ... من دون ماتشعر...وراح تشوفني قد الف عضو...بالمواقع...عم دافع عنك...لانك مع النادي..مو لانك عبدالكريم السيد....بس بالبداية متل ماقلتلك...راح كون حيادي...لبين ماشوف افعالك...وهيه بتحدد موقفي...لانو متل ماقلتلك...انا من جماعة ...لاتذم وتشكر ...لبعد سنة وسبع تشهر...وقالو بتعرفو...قالون بعرفو...قالو جربتو...قالون لاء...قالو مابتعرفو...الواحد مابينعرف ليتجرب...الي بحسن قولوه...الله يوفقك...ويحسن نواياك...وبتمنا تاكل العشرة بوضوح...بس بعد ماتدفع التسعة للنادي...موعيب...بس ماتكون من الناس...الي بياكلو العشرة...ومابيدفعو التسعة...وملف الاستثمار...ملف الشريف...راح يصيبو منو وجع راس...فكيف غيرو...اذا كنت بحسن انصحك نصيحة...بقلك...خليك واضح قد مابتحسن...بالاستثمارات...كل ماكنت واضح...بتكون قوي...ومابتخاف من شي... النادي فيو استثمارات...ومو عيب انك تستفيد من هل استثمارات...بس تكون امور بنور الله...وواضحة...مافيه لف ودوران...والله يوفقك...اذا كانت نيتك خير للنادي...والله يبعدك عن النادي...اذا كانت نيتك غير هيك...والله اعلم بالنوايا...وفراح للي بيصارحك...ولا تفرح للي..بيصفقلك...لانو معك مصاري...ولو كنت غير هيك...مادنكرلك ولا بيسلم عليك...والسلام عليكم ...

رد مع اقتباس