عرض مشاركة واحدة

نادي الإتحاد الحلبي السوري

كُتب : [ 05-08-2010 - 06:43 ]
رقم المشاركة : ( 1 )
الصورة الرمزية Belon
 
Belon
أهلاوي جديد

Belon غير متواجد حالياً

       
رقم العضوية : 13490
تاريخ التسجيل : Aug 2010
مكان الإقامة :
عدد المشاركات : 1
قوة التقييم : Belon is on a distinguished road
لك يا حلبيــة ... واللــه عيب علينا ..!!!


وين ما كنت تكون عايش .... بـ صلاح الدين , سيف الدولـة , الحمدانيـة , السبيل , الزهراء , المحافظة , الحيدرية , الشهباء , السريان , بستان باشا ,,,,,
وين ما كنت ... سمعني ..وفهمني .. وشاركني ..

مو عيب علينا .. مدينتنا الرائعة في كل الأزمنة .. تصير هيك على إيدينا بعهد التكنولوجيا والتقدم ؟؟ !! مو عيب علينا تكون مدينتنا وسخة ؟؟!!!

بتقبلوا ينحكى علينا بوساخة مدينتنا ..؟!!

مو حرام هلدفء إلى عم يلف المدينة يترافق بالقذارة ..؟؟!!

مو حرام جونا اللطيف والهادئ ... تعكره مخلفاتنا ..؟؟؟!!!

ما هيك تربينا ولا هيك أخلاقنـا ...

مو حرام أسواقنا المفعمة بالحركة والحياة تكللها اوساخ بكل الجوانب ..!!!
هيك الحلبية ؟؟؟!! وهيك الأماكن إلي بيشتغلوا فيها وبيعيشوا فيها ؟؟!!!
مو حرام حلب القديمة إلي هي اروع وأكثر مدينة قديمة محافظة على حالها ... مو حرام تكون حالتها الحالية على إيدينا هيك ؟؟؟؟ !!مزبلة !!! (بعتذر بس حقيقة) ..

يا شباب .. ولك يا حلبية .. نحن مالنا بحاجة حملات توعية ,,ولا جمعيات أهلية ولا حملات من البلدية ..
همة كل حلبي بتسوى همة ألف رجال ... كلنا مع بعض وكل واحد من نفسه من بيته ومن بنايته وحارته يبدأ ...من جاره بالسكن وبالشغل ...

النظافة ما بتكلف حدا شي ... ولا ليرة .. ولا فرنك .. وما بتتعب ... وما بتعيب ...

كلمة وحدة ... همسة .. نظرة ..بتكفي لتنبيه شخص عم يرمي الوسخ عشوائيا ..
إذا كان عندك محل أو دكان .. ما بضرك تعمل سلة إدامه ...
إذا كنت بحي شعبي أو راقي (مو مهم ) وصّي جارك و جاراتك بنظافة البناية ومدخل البناية وإدام البناية ... واحترام نظافة الحي والحديقة والشارع والطريق ...

هددهم بالقوارض ..بالحشرات .. بالأمراض .. بالسمعة السيئة .. هددهم بالبلدية الي بتغرم على القذارة ...!!

نحن جامعيين ..وطلاب ... متعلمين .. مثقفين .. تجار وصناعيين وحرفيين.. مو عيب علينا ..هيك تكون مدينتنا ؟؟؟!!!
ولك انا ما برضى حدا يقول حيف عليك يا حلب .. اذا انت بترضى ... فـ حيف عليك !!

وينها حلب الخضرة الحلوة ؟؟؟؟!
وين الحلبييين المشهورين بنظافتهم وأطافتهم وطقوس الكيف ؟؟!!!
كل واحد فينا رح يعمل شي ... لازم يعمل شي...

انا سبقتكن ..بدأت بجيراني ... والحديقة ادام بنايتي .. وبحمد الله هنن أنظف بقعة بالمنطقة .... وكل واحد على نطاقه و قدرته ... بيقدر يخلي كل الي حواليه مهتمين بنظافة المدينة إلي بالنهاية بتعبر عنا .. وعن أحوالنا ..

كل حلبي غيور .. متدين .. مثقف .. طالب ..أستاذ .. طبيب .. محامي ...عامل.. صانع .. كل واحد هو البداية ...
ما حدا يخجل ... كلمة الحق ما بتزعل .. ما دامك بتحب وبتغار ع حلب ..... خلي الحكي يصير فعل .. أثبت ..

همسة بإذن جارك .. كلمة لرفيقك إلي عم يمشي معك .. صاحبك بالشغل .. ولاد حارتك الي عم يلعبوا .. ابنـِك الي رايح يكب الوسخ ... الجارات إلي عم يشطفوا ويكبوا المي ع الحارة .. طلابك بالمدرسة ....

كلنا مسؤولين ... ... وحلب أمانة بعنق كل حلبي ..
ما رح نستنى حدا ليقرر حلب تصير نظيفة مالنا بحاجة قرار .... نحن الحلبية قررنا ..ورح تصير حلب أحلى ...
همة كبيرة .. وشوية حب .. بيعملوا كل شي ..
شدوا الهمة .. وشوفوا حلب بعد كم سنة .. ..أو حتى بعد سنة شلون رح تصير ...!!

يا شباب ... هي حملتنا .. وما إلها أي شعار ... زمن الشعارات انتهى ..
عنا هدف ... بس ...

هدفنا .. حلب أحلى و أنظف .... صحية وبيئية ,, تلائم الجميع ..
حلب بتشبهنا وبتشبه بيوتنا ...
حلب = كل الحلبية ..
حلب انعكاس صورتنا الحقيقية ..




رد مع اقتباس