عرض مشاركة واحدة

نادي الإتحاد الحلبي السوري

كُتب : [ 04-12-2007 - 05:59 ]
رقم المشاركة : ( 1 )
الصورة الرمزية CANTONA
 
CANTONA
أهلاوي للعضم

CANTONA غير متواجد حالياً

       
رقم العضوية : 25
تاريخ التسجيل : Sep 2007
مكان الإقامة : SYRIA
عدد المشاركات : 3,828
قوة التقييم : CANTONA is just really niceCANTONA is just really niceCANTONA is just really niceCANTONA is just really niceCANTONA is just really nice
الاتحاد X المجد ... وتقرير سنفور غضبان !!! ((صور))

بسم الله الرحم الرحيم

أول شي بحب قول أنو هالكلام هو من وجهة نظر شخصية وللأعضاء الحق في الرفض أو القبول

ولا حدا يقلي انت عفشاوي وكيالي وضد المدرب ومع المدرب وضد الادارة ومع الادارة ومن هالحكي الفاضي

أنا مع الأهلي وبس والأهلي فوق الجميع

====================================

ما بعرف ليش العالم كلها فرحانة على الفوز وعم تطبل وتزمر وتشيد بمستوى الفريق !!!!!!!

الله يرحم هالأيام يلي عم تخلينا نفرح بفوزنا على المجد وبحلب 1/0 !!!!! وبالزور

الله يرحم أيام تجي الفرق تاكل 3 غوال مع الرأفة

المبارة :

أداء وسط للفريق بالشوط الأول ودون الوسط بالشوط الثاني و تشكيلة حلوة من أوسكار

مع ذلك باصات خاطئة ارتباك عالفاضي من أغلب اللاعبين وكاني اللعبة مو بأرضنا !!!

الفرص الخطرة بالشوط الأول قليلة بالشوط التاني أخطر الفرص كانت تسديدة ابو عبدو (الامنة ) بالعارضة

كرة الاغا بالقائم

لم نستفد من أي ضربة ركنية !!




الكركر :

لم يختبر أبدا ومع ذلك مستواه جيد ولا أقول ممتاز

يوسف :

يوم عن يوم عم يتأقلم أبو حمزة مع هالمركز وعم يلعب بقلب ورب

واليوم سدد 3 ضربات حرة وكانت التالتة ثابتة والحمد لله

حميدي :

صخرة دفاعنا صاحب المستوى الثابت برأيي الله يعطيه العافية

اه ه ه ه يا جوناثان يا ملك :

والله العظيم يوم عن يوم عم يزيد اعجابي بهالاعب باصات موزونة تمركز رائع تحرك ممتاز بدون كرة

أبدع اليوم بمركزو الجديد

لاعب وحش الله يحميه والطرد ظالم بكل تأكيد ولنا حديث عن الطرد

الصلال :

ما بعرف ليش العالم كمان كيفت عليه اليوم وبكل المنتديات عم يحكو انو لاعب ممتاز واكيد بعد هالمستوى رح يضل أساسي

يا أخي هو لاعب جيد حرام وقدم مستوى مقبول بس مو لهالدرجة هي

ليش هالنفخ والبهورة !!!

مجمل مراحل المباراة كان متلبك وضايع وباصاتو خاطئة

لاعب جيد والو مستقبل بس لسا بدو فت خبز كتير

يحيى الراشد :

الله يرحم أيام العز يا ابو جمعة ما رح قول أكتر من هيك

أيمن حبال :

لا تعليق ...

بكري طراب :

ماهو بكري طراب يلي منعرفو

وخصوصا الشوط التاني

يعني حسيتو بالشوط التاني قرفان ومالو مشتهي يلعب !!!!

كرمال الله يا بكار شد حيلك ..

محمدو امنة :

أحلى ابو عبدو والله نجم الفريق بكل تأكيد

عابه بعض الانانية في بعض الكرات

عبد الفتاح الاغا :

أكيد لا تعليق ...

تامر رشيد :

لاعب واعد بس كمان لسا بدو فت خبز كتير ...

عبادة السيد :

يعني مسحت نضاراتي 50 مرة لحتى أتأكد أنو هادا هو عبادة السيد ولا لأ !!!!

ما رح قول أكتر من هيك ...
فرصنا الخطيرة كانت بحاجة لمهاجم قناص ( رجعنا لهالحديث :002:)

ولو في عنا مهاجم قناص ومحظوظ كنا طلعنا ربحانين 4 او خمسة على أقل تقدير

بس مو طالع بالإيد شي

غياب غوميز كان واضح ومؤثر وافتقدنا ثنائياتو الجميلة مع الامنة

فريق المجد :

يا أخي كيف المجد عم يخسر هالفرق بالبطولة العربية ما عبعرف !!!!!

ولا فرصة بالشوط الاول ولا تهديد الشوط التاني فرصتين لا أكثر !!!

فريق ما عندو شي أبدا

لهالدرجة أثر غياب رجا رافع !!!!!

وكلو كوم وزكريا قاسم كوم تاني بالله العظيم هاد منظر حارس هاد !!!

والله قبل ما تبلش المبارة فكرت انو هو مدرب الحراس قام طلع هو الحارس !!!

يعني مو حرام ما نجيب غير غول واحد على هيك كرش .... قصدي على هيك حارس


محسن بسمة :

يا أخي والله ملينا من الحديث على الحكام

المهم ... ضربة جزاء للأمنة بالشوط الأول سوا حالو مالو خبر

طرد جوناثان خاطىء مية بالمية والابشع من هيك انو عطاه أحمر مباشرة

يعني جوناثان رح يغيب مبارايتين

قرارو بإنذار الكركر انذار أصفر صحيح

لأنو وراه كان في مدافعين وماكانت فرصة هدف محقق

لذلك الاصفر بيكفي

بالشوط التاني في فاول النا ضد معن الراشد

صفر الحكم فاول ووقف قام معن سحب بالطابة ضل ماشي ولا كأنو في شي !!!

وبسمة نسي أنو صفر فاول بالظاهر فأمر بمتابعة اللعب !!!!!!

بكل الأحوال أكل يلي في النصيب من الجمهور

تبديل الامنة :

بغض النظر اذا كان تبديل تكتيكي أو بسبب الاصابة متل ما قال البعض

أنا بنظري تبديل مظبوط

بس يلي خلا العالم تقول انو تبديل خاطئ هو المستوى الخرنكعي يلي قدمو عبادة !!!

هلأ الله يستر ما يرجع اب عبدو ياخد على خاطرو ويحرد !!!


الجمهور :

هلأ بما انو نتائج الفريق ما بتسر كتير ونهار تنين والدنيا بووووووووووووووظ

بتقديري جمهورنا كان حوالي 5 الاف فقط

اللباس :

ههههههههه

والله شر البلية ما يضحك

قال يعني غيرو الدهبي وحطو بدالو أبيض

اي اللبس مشرشح وقرباطي شقد ما عدلتو فيو ...

الصورة تتكلم :


الفريقين قبل المباراة

الاتحاد X المجد ... وتقرير سنفور غضبان !!! ((صور)) 39688209.jpg
الاتحاد X المجد ... وتقرير سنفور غضبان !!! ((صور)) 33848354.jpg


المدرجات الخالية !!!!!

الاتحاد X المجد ... وتقرير سنفور غضبان !!! ((صور)) 32695247.jpg
الاتحاد X المجد ... وتقرير سنفور غضبان !!! ((صور)) 57179947.jpg

جانب من الجمهور

الاتحاد X المجد ... وتقرير سنفور غضبان !!! ((صور)) 97982514.jpg



الاتحاد X المجد ... وتقرير سنفور غضبان !!! ((صور)) 34244182.jpg

الاتحاد X المجد ... وتقرير سنفور غضبان !!! ((صور)) 74029268.jpg

الاتحاد X المجد ... وتقرير سنفور غضبان !!! ((صور)) 80944607.jpg

الاتحاد X المجد ... وتقرير سنفور غضبان !!! ((صور)) 26197452.jpg


الملعب بين الشوطين !!!!
الاتحاد X المجد ... وتقرير سنفور غضبان !!! ((صور)) 86771807.jpg
الاتحاد X المجد ... وتقرير سنفور غضبان !!! ((صور)) 67780948.jpg


الهدف
الاتحاد X المجد ... وتقرير سنفور غضبان !!! ((صور)) 41553005.jpg


فرحة الجمهور بالهدف

الاتحاد X المجد ... وتقرير سنفور غضبان !!! ((صور)) 53892353.jpg
الاتحاد X المجد ... وتقرير سنفور غضبان !!! ((صور)) 84882727.jpg












................(_(_(_(_نجم المبارة ... كرمو:012:_)_)_)_)..................






الاتحاد X المجد ... وتقرير سنفور غضبان !!! ((صور)) 23710807.jpg



كلمة أخيرة :

اذا ضل الوضع هيك

رح أعتبر المركز التالت انجاز

والله يستر من بطولة اسيا ...

أوسكار :

يستر على عرضك يستر على حريماتك والله انك مدرب كبير

يشهد الله اني بحبك

بدنا الاهلي يرجع متل زمان

بدنا كل الفرق ترجع تخاف من الجية لحلب

بدنا أقل شي بدنا 3 او 4 غوال بالمباراة

شلون ما بعرف !!!

تصرف بمعرفتك ....

اخخخخخخخخخ :

قرأت هذا الخبر في أكثر من منتدى وصاحب المصدر اكد بأن الخبر موثوق

أنا ما بحط حدا برقبتي بس حبيت أنقل الخبر وآخد رأيكن

أنو وقت صارت مباراة المجد ووفاق صطيف أخدوه لأوسكار مشان يتفرج عالمباراة ويراقب فريق المجد

قام بعد نص ساعة لاقوه نايم عم يشخر !!!!!!!!!

فما رأيكم دام فضلكم !!!


==================

برجع بقول هالكلام وجهة نظر شخصية

وهو غير محضر بل هو وليد اللحظة

لذلك بعتذر إن وجد أي خطأ .


التعديل الأخير تم بواسطة : CANTONA بتاريخ 04-12-2007 الساعة 01:53
رد مع اقتباس