عرض مشاركة واحدة

نادي الإتحاد الحلبي السوري

كُتب : [ 24-11-2010 - 01:38 ]
رقم المشاركة : ( 1 )
الصورة الرمزية ورد احمر
 
ورد احمر
أهلاوي مر

ورد احمر غير متواجد حالياً

       
رقم العضوية : 13601
تاريخ التسجيل : Oct 2010
مكان الإقامة :
عدد المشاركات : 589
قوة التقييم : ورد احمر will become famous soon enough
الفضائية السورية ... أشترت الحقوق ... واحتمال تشتري الآداب كمان

وأخيراً

داب التلج وبان المرج
والمية بتكزب الحميماتي
واشترت الفضائية السورية حقوق البث لمباريات الدوري والكاس مو الدوري والكاس اللي اشترت الحقوق
وبعد شراء الحقوق يمكن يتم شراء الطب والهندسة المدنية والعمارة على راس البيعة
وهلأ جينا ... هلأ جينا
طيب
وبعدين ... شو رح يصير وكيف رح يتم النقل ... بصوت مين ... وبإخراج مين
إليكم أعزائي مقتطفات من مباريات الغد...
الزميل وجيه ... او كامل ... أو إياد ... أو زيد أو عمر...
التعليق:
الكرة الآن مع تا مر رشيد على جهة اليمين ورفعة خطيرة الى منطقة الجزاء ومعمعة كروية
و.... محارم ديمة ... ناعمة وقوية
يعود البث ... الهدف الاول للاتحاد
وتلعب من المنتصف .... ورمية جانبية (المقصود هنا تماس) ينفذها علاء شبلي ... الى داخل منطقة الجزاء
و... معكرونة دانا .... لغدانا وعشانا
يعود البث : والهدف الاول للكرامة
من المنتصف مرة ثانية ....
ومع شوية معمعة ... وشوربة ... ودربكة كروية .... وهالخلطة هاي ...
ضربة جزاء للجزيرة .... و...
نط نط ... علكة مسواك
والهدف الاول
وحرة مباشرة في آخر دقيقة لتشرين
الكاميرا تزوم على المصور الختيار وعلى صبية حضرانة المباراة بالغلط
والنجمي يقول: نحن بحاجة الى العنصر النسائي في ملاعبنا
تعود الكاميرا ولاعبو تشرين يحتفلون بالهدف
اللحظة الآن هي اللحظة الحاسمة
وضربة جزاء للوحدة
يتقدم الحبيب لتنفيذها و...
نعتذر أعزائي المشاهدين ونتابع الآن برنامج ما يطلبه صغار الكسبة

وعلى هاد ومنو
بس لاننا مغتربين
ومضطرين نحضر المباريات لو على قناة ال اح اخ اس اط ار تي في
فنبلع المقلب وبنقول
العور أشوى من العمى

موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي الرياضة السورية

رد مع اقتباس