عرض مشاركة واحدة

نادي الإتحاد الحلبي السوري

كُتب : [ 01-12-2010 - 04:19 ]
رقم المشاركة : ( 1 )
الصورة الرمزية ABO ALZOZ
 
ABO ALZOZ
إدارة المنتدى

ABO ALZOZ غير متواجد حالياً

       
رقم العضوية : 1
تاريخ التسجيل : Sep 2007
مكان الإقامة : Aleppo
عدد المشاركات : 9,465
قوة التقييم : ABO ALZOZ قام بتعطيل التقييم
ماذا قال ابو ليلى في واقع التحكيم السوري؟؟؟؟

كنت ماشي بالشارع عم دور على محل فلافل مشان اكل سندويشة واشرب معاها
قاجوظة بآخر 20 ليرة ضلوا بجيبتي
وإز عمو أبو ليلى عند حمدون عم يتغدى وجاخخ على فرقتو وعازمن كلياتن:
محمد وليد ميسي ... ابو فراس الجحش... ابو عبدو المبوجق .... الكل
سلمت عليه وسألتو شو سبب هالعزيمة
قلي: بالله عزيمة ... إينا عزيمة ...
هاي العزيمة على شرف العقوبات من اتحاد الكرة على فرقنا المحلية كلا ... بالله كلا ... كيفو أحمد .. مين أحمد
قلتلو ... ومعقول تضل مكتوف الايدي؟
قللي: بالله خاروف الايدي ... مين قال الايدي الماهرة
ودقو الحماس لابو ليلى وبلش بهالعراضة:
شو هي هيك وشو هي هيك...
ولك شو هي هيك وشو هي هيك
الأخطاء عليكن تنهال
فيها قيل وفيها قال ...
ولما بدنا نعاقب نادي ..
ما في للصلحة مجال
اللعبة صيتا للمريخ
فيها تغريم وتفريخ
ولما بتضيع الطاسة
ما الكن الا التاريخ
ولك شو هي هيك وشو هي هيك
سجل عقوبات وفرجينا
غرمنا وبهدل نادينا
وعاقب كل الموجودين
من ادلب لشرق الصين
وشو هي هيك وشو هي هيك
وما في أحلى من التحكيم
لا تحليل ولا تحريم
لا جمهور ولا نادي
كلو تغريم بتغريم
ولك شو هي هيك وشو هيك
العقوبات المالية
ببلدنا مو سرية
وعنا القرار بيطلع
ولا تسأل عالحرية
ولك شو هي هيك وشو هي هيك
والبطولة محسومة
ومرتبة ومفهومة
ولا تسألني عالاسباب
روح اسآل الحكومة
ولك شو هي هيك وشو هيك
(ولما قال آخر عبارة المسكين تقولي ام ليلى جوز خالتا بيشتغل بالمابعرف وين بعتتلوا تنين تلاتة من النواعم
قشو للمسكين ... قال خالتو مشتاقتلو الا زمان ما شافتو ... ورح المسكين وهوي عم يقول: شو هي هيك ... بالله خالتي
مين خالتي ... حطيتو السحور ... يا شباب .. يا مبوجق .... وكانت اخر كلمة قالا هيي : وين أناااااااااااااااااااا
لا والانكى من هيك ... إجو سألوني إلي ... ليش واقف هون ولا .... قلتلن ...
والله فلافل ... فلافل ... تهمتي فلافل يا جماعة مو شي تاني)
:045:
منقول من ابو بوب كووورة سورية

رد مع اقتباس