عرض مشاركة واحدة

نادي الإتحاد الحلبي السوري

كُتب : [ 05-12-2007 - 03:46 ]
رقم المشاركة : ( 1 )
الصورة الرمزية أبو حلب الورد
 
أبو حلب الورد
أهلاوي جديد

أبو حلب الورد غير متواجد حالياً

       
رقم العضوية : 85
تاريخ التسجيل : Oct 2007
مكان الإقامة : Deutschland
عدد المشاركات : 10
قوة التقييم : أبو حلب الورد will become famous soon enough
الواقعيه في المشاكل الاتحاديه ...

إذا نظرنا للموضوع بأمر عقلاني بعيدا عن العواطف.... يعني خلينا واقعيين ..
أوسكار كمدرب ما عليه حكي ... بس دورينا و لعيبتنا ما خرجهم هيك مستوى ... لأنه هاد بدو يخليهم بتغربلوا... شوي شوي ... و هاد بيعني أنه كلهم سواسيه ومافي خيار و فقوس ...و طبعا هاد الشي الشباب مو متعودين عليه ...! يعني بلش أوسكار بالصاري و كلنا يعرف من هو الصاري بالنسبه للجمهور ...
و أكيد أسمائهم لا تلعب أي دور بالنسبه لأوسكار .. هاد الشي يعني البساط انسحب من تحت رجليهم ... و بما أنهم ينتمون إلى هذه المنظومه الرياضيه الفايته بالحيط بهل بلد ... بدأا بالتحكيم و الاتحاد الرياضي و إنتهاءا بالمشجعين الاعتباطيين و السويعاتيه ... فليس من الممكن أن يقبلو تحميلهم أسباب الخسارات والأداء المرعب و هم الذين تعودوا على ( طجت لعبت حقها على الجميع)... فكان لا بد من الحرنات الثلاث في الفروسيه لاستبعاد الفارس ... و هذا ما تم ...
بالنسبه للإداره ...
عليها شوية تقصير باحتواء اللاعبين و محاولة غسل دماغهم ...ولكن لا ننسى أن الاداره جديده عل مصلحه ...و الظاهرما كان إلها أي علاقه بالمؤامرات التي كانت تحاك في ما مضى يعني لسه عظمها طري .... فوجدوا أنفسهم في طريق مسدود ... إما اللاعبين أو المدرب ... و أظن أن الرسائل كانت واضحه من قبل اللعيبه .. أنه نحن منقدر نلعب بس ما عم نلعب كرمال أوسكار ... ولما أخدوا كلمه الاداره لعبوا على دمهم مع المجد ....و أثبتوا للاداره أنهم ايد وحده ضد المدرب .. وبما أنه ما في شي بالزور .... و مصلحة النادي فوق الكل ... وقررت الاداره التخلي عن اوسكار ... والرساله وصلت لأوسكار الي طبعا شاف الموضوع خارج عن السيطره ... وقال الهريبه هلأ تلتين المرجله ... وهادا صح .......
بالنسبه للجمهور بعمره ما رح يكون حيادي ... لأنه لازم يتفاعل مع الاحداث و الاخبار و الاشاعات... وهادا بيصير كل مره ...
بس أهم الشي ... أنه ما ننشر غسيلنا الوسخ في المبارايات الجايه .........
مين بدو يستلم ... ما بيهم لأنه ما رح يغير شي ... و اللعيبه رح يلعبوا على دمهم بالمبارايات الجايه مشان يثبتوا للإداره و للجمهور أنه المدرب هو السبب ... يعني حتى و لو جبنالهم مدرب نادي الصمود مع احترامي لشخصه رح ينافس عل دوري ..
نحن لم نصل لحاله احترافيه في الدوري ... ولا زلنا نتخبط بين بين ....
على كل ... سنبقى جمهور نتفرج و نتفرج فقط...
و المسرحيه متواصله
موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي كرة القدم الاتحاد الحلبي

رد مع اقتباس