عرض مشاركة واحدة

نادي الإتحاد الحلبي السوري

كُتب : [ 09-12-2010 - 12:03 ]
رقم المشاركة : ( 1 )
الصورة الرمزية ورد احمر
 
ورد احمر
أهلاوي مر

ورد احمر غير متواجد حالياً

       
رقم العضوية : 13601
تاريخ التسجيل : Oct 2010
مكان الإقامة :
عدد المشاركات : 631
قوة التقييم : ورد احمر will become famous soon enough
رسالة للسيد فاروق سرية

شفت موضوع محتواه انك يا سيد فاروق بدك تقاضي اللي عم ينشر مواضيع مسيئة عن المنتخب او شي بيماثلو..عفكرة معك حق

ولازم هيك شي يصير..بس للأمانة يا سيد فاروق منتدانا وبتوقع انك قاصدو بحكيك بعمرو ما كان مكان لأحباط المنتخب ..صحيح

مننتقد ومنختلف بس المصلحة العامة فوق كل أعتبار..ووقت كانت الأغلبية ضد فجر بهل المنتخب..أغلبية الأعضاءوقفوا وقفة وحدة لما شافو انو الوقت ما عاد خرج انتقاد وقالوا نحنا مع المنتخب بمن حضر..عكلن بعد هل المقدمة يا سيد فاروق بيحضرني كم سؤال..نحنا لوين رايحين؟؟ جد لوين..متل ما بعرف رايحين عنهائيات أسيا..بس استعدادنا كانو رايحين عغرب أسيا..او بطولة نهرو ما زال تعودنا عليها.. للامانة بضل ذكر حالي لانو يمكن انا غلطان وما بعرف لوين رايحين..لك يا سيد فاروق منتخب باقيلو اقل من شهر عل النهائيات مدربو رايح بعطلة عبلادو..لك شو اشتاق لبردات صربيا مثلا؟؟ لك في مرحلة بالدوري يقعد يشوفها..لك بلا ما يشوفها
اذا اعتبرنا انو شاف اللي لازمو..يقعد يشوف سيديات المحترفين..عل الاقل لعبتنا مع الكويت واليمن..والله يا سيد فاروق الشغلة مانها كيميا..يعني عحسب خبرتي المتواضعة اللي ما بتتقارن بخبرتك بعرف انو أي منتخب قبل شهر من أي نهائيات بيكون بورشة عمل متواصلة

ما بيكون جهازو الفني بمحل ولعيبتو بمحل تاني...ما بيكونوا لعيبتو ما بيعرفوا مين مدربهم الفعلي..يعني جاوبني بلا ثقلة..شو الها داعي حركة انو يفوتوا مصورين عتدريبات المنتخب
يعني ليش؟؟؟؟ المدرب وافق وبعدا رفض متل ما انقال..طيب مصلحة المنتخب اهم..خلص يطلعوا المصورين وبعدين منحلا لهل القصة

معقول نشتت المنتخب مشان هيك قصة اكتر مانو مشتت..والله غريب..سيد فاروق باقي للنهائيات شهر..بمجوعتنا فيه السعودية واليابان ومتل ما بتعرف هدول جماعة ما بيرحموا..يعني ما حلوة نكون حصالة..او لقلك ملينا من انو نكون هيك..عندك 22 مليون جوا سوريا وقدهم برا والكل ناطر يشوف منتخبو..ذوقيا ما حلوة تزعلهم ولازم بما انو حضرتك بمنصب رئيس اتحاد الكرة تبذل الغالي والرخيص مشان هل المنتخب..صدقا يا سيد فاروق تعبنا وحاجتنا شنشطة..والله مافي منتخب بالكرة الأرضية عم يصير فيه متل ما عم يصير فينا..ولا فيه جمهور عندو صبر متل اللي عنا ياه..صدقا جواتي كتير لينحكى..بس بتوقع الزبدة لازم تكون وصلتك..والك مني اجمل تحية..

أب ورد

موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي الرياضة السورية

رد مع اقتباس