عرض مشاركة واحدة

نادي الإتحاد الحلبي السوري

كُتب : [ 10-07-2013 - 12:19 ]
رقم المشاركة : ( 1 )
الصورة الرمزية حلب الشهباء
 
حلب الشهباء
إدارة المنتدى

حلب الشهباء غير متواجد حالياً

       
رقم العضوية : 5
تاريخ التسجيل : Sep 2007
مكان الإقامة : حلب
عدد المشاركات : 45,756
قوة التقييم : حلب الشهباء قام بتعطيل التقييم
قصة متظاهر حلبي ضد جيش حر

طلعنا مظاهرة ببستان القصر للمطالبة بفتح المعبر لقوت الناس اليومي
الهتافات كانت : الشعب يريد فك الحصار
واحد واحد واحد الشعب الحلبي واحد
هي و يالله و ما منركع إلا لله
الرد كان من طرف جيشنا الحر الباسل كالتالي :

أحدهم صاح : بدهن حرية هالعرصات !!!!!

و بعدها : ضرب رصاص من روسيات و مدفع دوشكا و 23 في الهواء لتفريق المظاهرة
محاولة إعتقال من يحملون الكاميرات

التعدّي بالضرب على الكثير من الشباب و من بينهم أنا , حيث كان قائد كتيبة الشهيد خالد خليفة و اسمه باسل خليفة من لواء شهداء إحسم يصرخ فينا : هلئ طلع حسكم ؟ روحوا فكوا الحصار عن حمص

رددت عليه : روحوا انتوا فكوا الحصار انتوا الجيش الحر اللي معو سلاح
فما كان منه إلا أن هجم باتجاهي محاولاً اعتقالي و لما هربت منه صاح في عناصره : شبّيح , امسكوه
و صار الشاطر اللي رح يمسكني

انمسكت و تجمعوا علي 15 عنصر بالإضافة لقائد الكتيبة طبعاً مع البوكسات و الرفس و الضرب بأخمص البواريد و الشتائم
استطاع البعض تخليصي منه - بعد قتلة حشك و لبك -

رجعنا لعند جامع البدر طلعنا مظاهرة بنفس المطالب و رحنا عند لواء التوحيد و الهيئة الشرعية اشتكينا عليهم و غداً على ضوء نتائج ما يتقرر مع الهيئة الشرعية سوف نقرر , إما إلقاء القبض على كل من يقوم بإذلال الناس بلقمة عيشهم و التشبيح على المظاهرات السلمية و أولهم كتيبة خالد خليفة و حاجز الزير و تسليم المعبر لجهة محترمة
و إما التصعيد الإعلامي و الميداني من خلال مظاهرات مستمرة و صور و فيديوهات و تقارير
و الإيام بيننا يا شبيحة .....

و تحية إجلال لكل الشباب الثوّار الحقيقيين اللي كانوا موجودين اليوم و اللي انضربوا و انهانوا و اندموا و ما سكتوا عن الظلم و ما رح يسكتوا و مكملين انشالله

سلامات يا شباب , مو أول مننضرب , هي قتلة كنا ناكلا كتير بالجامعة و شارع النيل و صلاح الدين و جمعية الزهراء و حلب الجديدة و هي أكلناها مرة تانية و من شبيحة كمان , فداكم


حلب الان
موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي أخبار حلب

رد مع اقتباس