عرض مشاركة واحدة

نادي الإتحاد الحلبي السوري

كُتب : [ 15-01-2008 - 03:06 ]
رقم المشاركة : ( 1 )
الصورة الرمزية يالذيذ يارايق
 
يالذيذ يارايق
أهلاوي للعضم

يالذيذ يارايق غير متواجد حالياً

       
رقم العضوية : 67
تاريخ التسجيل : Oct 2007
مكان الإقامة : قلعة الأمجاد
عدد المشاركات : 3,038
قوة التقييم : يالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really nice
نصائح للجمهور بعد انتهاء ذهاب 2007 - 2008

جماهير انديتنا الغالية كل عام وانتم بخير .... هي خلصنا من الذهاب ورايحين ع الاياب
تعو نرجع شوي لورا مع شوية ابتسامة وتنذكر اول الدوري شو صار .....

قبل الدوري بشي شهرين كانت كل الفرق عم تستعد مشان دوري 2007 - 2008 وكالعادة متل كل سنة
بتبلش بتطلع الكذبات والاشاعات مشان يدخلوا هالكذبات بعقلنا وراسنا ونعيش بأمل الدوري الجديد
المشكلة انو كل جمهورنا البو طيب ومسكين ومن كتر حبو للنادي بصير يصدق اي شي بينحكى
وهن الاساتذة بيستغلو هالقصة وبصيروا يكتروا حكي وكذب
الكذب اللي رح يعيش جماهيرنا بالفرح والسعادة لمدة شهر او اكتر شوي وبعدا رح يتفاجئ بفريقوا
انو متلو متل كل سنة
طبعا الكلام الي بنسمعو هو :
1 - تم تغيير رئيس النادي .... واكد هذا الاخير انه سيعمل على العلو بمستوى النادي .... وارجاعه الى ايام العز .
2 - تم التعاقد مع شركة كبيرة لرعاية النادي .
3 - تم التعاقد مع مهاجمين من الطراز النادر .
4 - تم اختبار مجموعة من الحراس ووقع الاختيار علة فلان .
5 - تم ارسال c.v لمدرب من الخبراء بعغالم كرة القدم .


اذا اجينا وشفناه كل نادي شو صار عندو بعد اكتمال مرحلة الذهاب ...... رح نلاقي انو :

نادي الاتحاد .....- درب من الارجنتين ... كفر بالأرجنتيني ... مستواه اقل من اللي سمعنا عنو ....
طار عقلو وماصدق ايمتى هرب من حلب
- لاعب وسط ممتاز وبحياتا سوريا ماجابت متلو .... للاسف لاعبين الوسط غاروا منو وبطلو يلعبو بمستواهم اللي كان
- اربع مهاجمين ع التجريب ولهلئ مازبط ولا واحد ... واحد مريض .. والتاني مافي لياقة .. والتالت مستواه ضعيف والرابع مو عاجبتو سوريا
- خسارة مع الشرطة القوي بنص الملعب تبعنا
نادي الكرامة
استقالة رئيس النادي شي عشر مرات .. وهاد يحاكي من هون وهاد يتواسط من هون .. ورجع وبطل ومابئا يعرفو شو بدو
- مهاجم ممتاز ومتصدر الهدافين .... ال بدون ياه نادي العين .. ماضل زلمة الا تواسط عند نادي العين
وماردوا عليهم .. المهم راح اللاعب والمفاجأة انو طلع نادي العين بايعو ع المغرب لنادي تاني
ونحنا والكرامة ماعنا خبر
بس كيف اخد الاستغناء من النادي ومن سوريا ( شكرا اتحادنا الرياضي على التعاون ) .
نادي الطليعة
- متل العادة كل سنة ادراتين تلاتة
- نفس مشكلة المهاجم تبع الاتحاد .. بس الحلو بموضوع اخر مهاجم اجا هو من المغرب وضلو الشباب
يجربو فيه شي شهر بالاخر زبط معهم ... اجو بدهم يوقعو العقد .. طلع الفهيم مو جايب الاستغناء معو من المغرب
طلبو الاستغناء .. طلع اللاعب محروم سنتين من اللعب ( يعني شي اخلاق ) . زحط اللاعب
- اصابات بالجملة من سوء اللياقة
- مدرب يفصل من مهنته لمدة عام كامل بقرار اتحادي بعد ضرب الحكم
- حرمان لاعبين من الفريق لسوء اخلاقهم
نادي الوحدة
عشر روساء للنادي مع عشر اعضاء الون كلمة مع عشر قرارات لكل واحد .. صارت المعادلة :
10 ضرب 10 ضرب 10 يساوي 1000 قرار يومياً ... ولاواحد رح يتنفذ .
- لاعبين كبار بلا مستوى
- مدرب غير معروف ولا احد سمع به
- الترتيب رقم 14 في الدوري
نادي النواعير
- اكتر من 30 مليون ليرة وفالج لا تعالج
- 13 لاعب جديد وبلا فوائد
- اكثر من 6 لاعبين مصابين
- مدربان حتى الان .
نادي الفتوة
- لاجديد منذ عشرين سنة
- كل ماطلع في لاعب منيح بهالنادي .... بيترك الدير وبيشكل فرار ع نادي تاني
حطين وتشرين - ابطال العالم بتغيير المدربين .. 6 مدربين بنصف دوري
- اسماء معروفة ولكن ..
عفرين
فريق جديد + ادارة جديدة + مدرب جديد + لاعبين جدد
المركز رقم 11
الحرية وجبلة
منذ اربع او خمس مواسم يهربون من الهبوط الى الدرجة التانية وتستمر الحالة كماهي .
المجد
عدم التوازن متل اي سنة مع انه فريق جيد وادارته ممتازة
الجيش
اسماء عادية جداً واحبانا اقل من العادي
ثقة كبيرة للاعبين بأنفسهم ع الفاضي واكبر من حجمها
ادارة لم تتغير منذ عشرة اعوام
الشرطة
ستكون من كبار المنجمين وعلماء الفلك اذا توقعت ان مباراة الشرطة ستكون خسارة او فوز .. فريق كل مباراة اداء وكل مباراة مستوى
فريق مكافح وسماء لاعبين قديمة وجديدة



بعد كل هذه العناوين المختصرة الجميلة لكل فرق الدوري

اين هذا الذي تكلمتم عنه قبل الدوري وماذا تريدون من جمهوركم ..؟؟


اخوتي الجماهير المحترمة ... بعد التحية .. وبعد انقضاء ذهاب 2007 - 2008 .. يرجى مراعاة مايلي :

1 - اخذ المهدئات قبل الذهاب الى الملاعب
2 - عدم الاهتمام كثيراً بفريقك خوفا من الهزات العصبية
3 - توقع الاسوء دائماً والخسارة ضعها امام عينك .. حفاظاً على توازن ضغط الدم والسكر
4 - اذا سمعت خبر استقالة مدربك لامانع من مهدئ من نوع اخر .
5 - اذا حرمك الحكم من ضربة جزاء وحرمك من الفوز اذهب مباشرة الى النوم ولاتتكلم باي كلمة من اجل استقرار القلب
6 - اذا سمعت قراراً عجيبا غريبا صادر عن الاتحاد الرياضي العام فلا تكترث له .. لانه سيفقد مفعوله بعد عدة ايام .
7 - اذا كانت مباراة فريقك مع الطلعة في حماه ... لاتنسى ان تقبل بابا وماما والاحباب قبل الذهاب الى الملعب البلدي
8 - اذا رأيت لاعباً من الفريق الخصم يقدم حركات غريبة لجمهورك ... فلا تتردد .. ماعليك الا شتمه لانه يريد ذلك .. وادفع 50 الف غرامة للسيد احمد جبان
9 - اذا كنت متابعاً للمباراة على التلفاز وسمعت المذيع يقول اشياء غريبة واسماء غير موجودة .. تأكد انه جمال الشيخ بكري .. ولا تتفاجئ .
10- اذا كنت وحداوياً ونظرت الى مدرب فريقك ولم تعرفه او تسمع عنه .. اكذب على نفسك وتفائل وقل انه مدرب من البرازيل
11- اذا كنت اهلاوياً ومن متابعي المسلسل المكسيكي الهداف ... ارخي اعصابك ... وانتظر هدفاً رابعا من الاغا .
12- اذا تفاجئت ان الدوري توقف بدون اسباب .. يكون السبب تجمعاً للمنتخب القوي .. فأكثر من المهدئات لانك ربما تسمع ان لاعبك اصيب بمزق اربطة .
في المباراة القوية مع سيرلنكا .
13 - اذا كنت اهلاوياً او كرماوياً وخسر فريقك مع الشرطة في ملعبك ... ماعليك الا بحبة تحت اللسان .
14 - اذا رأيت محسن بسمة يقود اللقاء لفريقك ... يجب عدم متابعة المباراة نهائيا ..
15 - اذا كنت من عشاق منتخب بلادك ...
ولم تجد كابريني يقود الفريق تأكد ان قضية فلسطين ستحل وكابريني لن تحل ... واذا رأيت معتصم علايا وايمن الخالد واحمد عزام في منتخب بلادك ومن رائهم
الكوتش فجر ابراهيم ... تأكد انك ستشاهد فريقك في جنوب افريقيا 2010 ... ولاتحزن او تزعل ابداً ...


وكل دوري وانت باللف خير

موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي كرة القدم الاتحاد الحلبي

رد مع اقتباس