عرض مشاركة واحدة

نادي الإتحاد الحلبي السوري

كُتب : [ 12-10-2007 - 06:50 ]
رقم المشاركة : ( 1 )
الصورة الرمزية Hussam
 
Hussam
أهلاوي للعضم

Hussam غير متواجد حالياً

       
رقم العضوية : 13
تاريخ التسجيل : Sep 2007
مكان الإقامة :
عدد المشاركات : 3,679
قوة التقييم : Hussam قام بتعطيل التقييم
منطقة الثواني(الرياضية)

منطقة الثواني منطقة الثواني(الرياضية)
عبد اللطيف الحلو هداف الحرية والمنتخب سابقاً استوقفه شرطي السير وخالفه وعندما حاول تعريفه بنفسه قال له الشرطي: »إيه لو كنت مارادونا بدي خالفك«!


»بسيطة يا أبو علي.. إيه سعرك بسعر المطرب وليد توفيق لما وقفوه عالحدود ولما حاول يعرفهن على حاله على أساس إنو فنان كبير ومشهور قال له الشرطي: مو تكون وليد توفيق.. إيه لو بتكون علي الديك بدي وقفك

«! إدارة نادي النواعير قررت عدم الاستغناء عن أي لاعب سواء إعارةً أو تنازلاً!

؟؟ »قصــــــــدهن يعملوا متـــــل زمـــــــرة الدم O- يللي بياخد وما بيعطي


رئيس اتحاد السلة بدا منزعجاً من انتقال اللاعب أسيد كالو من الوثبة إلى الوحدة بقرار من المكتب التنفيذي بعد أن رفض ذلك مسبقاً بحجة عدم تفريغ الأندية من نجومها!

»قلنا لك من أولها خليها تجي منّك أحسن ما إنها تجيك من فوق


؟ عماد حسب الله لاعب الجيش المتميز الذي تألق مع فريق الـ(UG) في بطولة الشركات أكد أنه سيلعب السنة القادمة مع شركة كتاكيت!

»عالمستوى الجيد يللي شفنا من الفريق بالمباراة النهائية لبطولة الشركات.. بصراحة اللاعبين ما كانوا كتاكيت.. إيه كانوا جوارح«


لاعب اعتزل اللعب شوهد يحمل »باكيتي دخان«

» منشان يعوِّض يللي راح عليه وقت كان لاعب..


باسل ريا وديالا خليفة نجمي الوحدة قررا افتتاح مدرسة لتعليم كرة السلة!

»وهيك بيصير للسلة »3« مدارس.. المدرسة الأمريكية والمدرسة الأوربية.. ومدرسة باسل وديالا«


أخبار تؤكد إقامة دورة دمشق الدولية لكرة السلة خلال شهر تشرين الثاني المقبل بمشاركة فرق قوية!

»صحيح بيكون الدوري بلَّش وما في مجال يتوقف منشان دورة ودية وغير محددة مسبقاً.. بس متل ماني شايفكن الدورة بدها تصير«!


الكابتن طريف قوطرش عضو لجنة كرة السلة بنادي الوحدة شوهد في مباراة الوحدة الودية مع الاتحاد حاملاً القلم ويكتب على الورقة!

»عم يكتب تقرير.. قصدي تقرير فني عن الخط البياني لكل لاعب لرصد مدى تطوره


نادي الاتحاد لعب مباراة ودية مع الحرية فاز فيها بفارق »15« نقطة

»لكان.. مدرب الاتحاد »براتشي« لما عرف الموعد النهائي للدوري صار يعرف كيف بدو يحضر فريقه


؟ اللاعب أسيد كالو تسلم عن فريق (MTN) كأس الفريق المثالي في ختام بطولة الشركات

»والله هالكأس لازم ياخده عضو اتحاد السلة هشام أبو غزالة.. لأنو صار يللي صار فيه.. وما فتح تمو بحرف بشرفكن هادا مو عضو مثالي


»فريق »جيميني« انسحب خلال مباراته مع »كتاكيت« في نهائي بطولة الشركات

»ملعوبة.. عملوا موقف جامد مع الحكام وبنفس الوقت ريحوا لعيبتهن يللي تعبوا.. ورجعوا بعد الانسحاب بنفس جديد



أخبار زرقاء تفيد أن نادي الجلاء صرف النظر عن المعسكر الخارجي الذي كان مقرراً لفريقه في مصر

»ما في مجال تروحو على تركيا متل السنة الماضية.. صحيح النتائج كانت قاسية شوي.. بس مفيدة كتير بيكفي إنكن لعبتو بأوروبا«!


رائد مسالمة نجم الشعلة شوهد يتمرن مع فريق قاسيون!؟؟

»وشو قصة العرض يللي إجاك من الطليعة«؟!


فريق ناشئي الجيش بقي في صالة الفيحاء بعد فوزه على الكرامة وهو ينتظر سماع نتيجة مباراة الوثبة والاتحاد بحمص لتحديد بطل الدوري!

»مساكين.. كانوا مفكرين إنو المباراتين بدهن يبلشو سوا لأنو النتيجة مرتبطة فيهن بس قطع الكهرباء عن صالة حمص أخر المباراة.. شو هالصدفة الكهربائية؟!«.


مباراة ودية كانت مقررة يوم الجمعة الماضي بين الثورة والنواعير لكنها لم تقم لعدم حضور النواعير

»موفاضيين.. كانوا عم بيشوفوا باب الحارة


علاء خوخجي مدرب ناشئي الاتحاد بدا صوته مبحوحاً بعد مباراته مع الوثبة بنهائي الناشئين

»منيح أنت انبح صوتك مع الفريق بس طلعت بنتيجة.. أما نحنا عم ينبح صوتنا مع جماعة السلة وما عم نلاقي في نتيجة.. وعلى رأي الكابتن أبي دوجي.. عوجة«!!


أحمد منصور رئيس فرع حلب للاتحاد الرياضي العام اتصل بفريق الاتحاد للناشئين في حمص وهنأه بفوزه ببطولة دوري الناشئين!

»أيامك يا حلب.. وبتستاهلي تكوني عاصمة الثقافة السلوية.. مو منشان شي.. بس منشان ترجعلنا صالة الأسد للسلة.. ولأنو الشهباء حصدت »7 من 8« من ألقاب سلة الموسم«


المهندس باسل حموي رئيس نادي الاتحاد وعد فريق الناشئين بتكريم لائق تقديراً لفوزه ببطولة الناشئين!

»مو بس الناشئين بدهن تكريم.. إيه نادي الاتحاد يللي بيستاهل تكريم لأنو سيطر على بطولات الصغار والأشبال والناشئين.. فعلاً مدرسة«!


إياد الأعمى العملاق الواعد الذي انضم لفريق الجلاء مؤخراً قدم اعتذاراً عن الفصل الأول من كلية هندسة المعلوماتية بدمشق لالتزامه مع الجلاء بحلب!

»مو مشكلة بتقدم الامتحانات بالفصل الثاني بطريقة الذهاب والإياب


؟مدرب قوبل بمعارضة اتحاد السلة لدى طرح اسمه لتكليفه بمراقبة مباريات دوري السلة فإذا به يسمى رئيساً للجنة المدربين..!

»من عجائب السلة السبع«


جورج زيدان عضو اتحاد السلة الذي أعلن استقالته من الاتحاد تلقى عشرات الهواتف من أهل السلة من مختلف المحافظات التي أيدت موقفه مما يحصل للسلة السورية!

»صوت السلة الحر


رئيس اتحاد السلة رفع مذكرة للمكتب التنفيذي يطلب فيها الموافقة على استقالة كل من »د.ماهر خياطة وجورج زيدان ونادر نكدلي« من اتحاد السلة!

»فرصة حتى يخلصوا منهن.. بس لعلمكن جورج زيدان ما قدَّم استقالة خطية.. وقاعدلكن


أسيد كالو لاعب نادي الوحدة »آخر طبعة« شوهد يتمرن مع منتخب حمص الذي يستعد للمشاركة بدورة الملك عبد الله بالأردن!

»طيب ومنشان ميشو.. صحيح طلب »200« ألف ليرة حتى يشارك مع منتخب حمص بهالدورة«؟!

موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي الرياضة السورية


التعديل الأخير تم بواسطة : Hussam بتاريخ 12-10-2007 الساعة 06:58
رد مع اقتباس