عرض مشاركة واحدة

نادي الإتحاد الحلبي السوري

كُتب : [ 15-10-2007 - 09:03 ]
رقم المشاركة : ( 1 )
الصورة الرمزية CANTONA
 
CANTONA
أهلاوي للعضم

CANTONA غير متواجد حالياً

       
رقم العضوية : 25
تاريخ التسجيل : Sep 2007
مكان الإقامة : SYRIA
عدد المشاركات : 3,828
قوة التقييم : CANTONA is just really niceCANTONA is just really niceCANTONA is just really niceCANTONA is just really niceCANTONA is just really nice
تقرير + تحليل + صور .... من قلب الحدث ... مجزرة الحمدانية

السلام عليكم

يا جماعة كلش كاتبو انا هلأ وليد اللحظة يعني لا لي محضر ولا شي يعني

عم اتذكر اش صار وعم اكتب فلا تواخذونا
=======
أول شي بحب قول انو كلش رح اكتبو وما لو علاقة بالمبارة هو حقائق شفتا بعيني بما انو كنت بالملعب

وبالنسبة لرأي بالمباراة وتحليلي فهاد رأيي وممكن يعجب البعض وممكن لأ

=======================================

هادا يا سيدي رح احكيلن من الاول

جمعتلكن شباب هالحارة ورفقاتي بالجامعة وصرنا شي 23 واحد ورحنا على الملعب

كالعادة منفوت عالملعب متل الغنم بالهش هش تاع تاع

أكتر من اربعين ألف بدن يفوتونا بس من بابين

استاد طويل عريض ما مفتوح منو غير بابين !!!!

سيدي مو مشكلة هالخد تعود على لسان التور تبع الشوايا

قصدي هالخد تعود عاللطم

المهم يا سادة يا كرام دخلنا عالملعب وهون كانت الساعة خمسة وشوي تقريبا

وقعدنا بانتظار المباراة .... بلا طول سيرة بلشت المباراة

أول شي الله يكسر ايدين متعهدين صيانة الملعب والله يلعن ابو كلشي واحد ما بيشتغل بقلب ورب

خيو ولا تقول صاير على أرض الملعب غير بطولة فروسية من تبعات زمبيل وجيه

مدتها 3 اشهر ليل نهار يعني شي بهدلة وبيقرف

منجي عالجمهور..... اذا الله ما خيبني المتعهد أكل هوا بالمعلقة

واذا البهدلة يلي صارت بالدخول بسببو فخرجو الله لا يقيمو

لأنو متل ما قلت انا كنت بالملعب بال 5

وما نشوف الا كل شوي يشتغل دق البكس على شي باب من البواب

وينفتح ويدخلو شي 50 ببلاش

ما عدا يلي ما اشتروا بطاقات ودفعو للشرطي ميتين ورقة ودخلوا

ر تقولولي من وين جبت هالحكي لأنو رفقاتي 3 دفعوا للشرطي 200 ودخلوا ومتلن متايل

عدد الجمهور الحمد لله ما خرج تقدر لأنو لهلأ ما عرفنا شقد سعتو لاستادنا المصون

بس اذا الله ما خيبني شغلة 40 الف

منرجع للمباراة لسا ما مضي 5 دقايق بلش جهاد الاغا يقرح اللعبة ويموتا

هو وعمو ابو عادل وجهاد الاغا صار دب ما بقا بيعرف يشوط بدو يحطلو ياها لأبو بطيخ وهو يشوط وكل عملية من

هالعمليات تاخدلا شي 30 ثانية والحسابة بتحسب

المهم الحكم كبسو انذار ... ما علينا

فريقنا اليوم بنظري سيء سيء سيء سيء جدا جدا جدا

طول اللعبة لا شفنا باص حلو ولا شفنا جملة حلوة ولا شفنا فرصة تبل القلب

وفوق كل هاد وفوق ما فريقنا تعبان

كانت الارض متل ما حكيت بتهويييييييييييييييييييييييييييي

والحكم العين تحرسو ملك اي والله ملك حرام... الواحد يحكي يلي الو ويلي عليه :36_1_16[1]:


اي الله يكسر ايديه وان شا الله مباراة الجاي بيبلع الصفيرة وبيختنق وبموت

وان شا الله حكم التماس بيخوزقو على الراية تبعيتو

منجي لفريق البويجية والبوفالو ببعض مراحل المبارة يعني شغلة ربع ساعة بالمجمل

يعني ما شكلوا خطورة بس نقلو باص حلو وسيطرو شوي

ولولا لطف الله وبخة الكركر كنا اتبهدلنا

أما بقية الوقت فقضيناه عالتوليد حرية عالتوليد

كل شوي ينبطح واحد عالارض ولا تلقني بتشقني وكلو بإدارة الفنان أبو عاطل قصدي ابو عادل

وبعد مباراة اليوم بشهدلوا انو ملك بإثارة الاعصاب وحرق الفريق المنافس وتمويت اللعب

والله ستر يا جماعة وما انصاب غوميز الله وكيلكن لعيبة الحرية يقشو كل قشة ولا تقول يهود والعياذ بالله

يعني شلون هالزلمة طلع صاغ سليم من المباراة ما بعرف

وما بدنا نحكي عن الفولات وضربة الجزاء يلي ما حسبا الحكم ويلي مبينة متل العين العورة

وقت شاط العيان طابة صاروخ وكان الحارس خارج المرمى وبيتعملق مدافع الحرية وبيشيلا بإيدو

والحكم شايف بس بضميرو !!!!

ضربة الجزاء يلي حسبا بعدين رجع لغاها ... ما بعرف ما مبينة كتير بس يلي كانوا قريبين قالوا فعلا انو العرقلة تمت

خارج المنطقة المهم الشوط الاول التعب منو شي 35 دقيقة فعليا

والشوط التاني يا جماعة بدون مبالغة وبلا يمين ما التعب منو 25 دقيقة فعليا !!!!

والحسابة بتحسب .....

المهم ايخر شي وقت اشتغل سفق البكس على ابو جنب حط الحكم 5 دقايق وقت بدل ضايع

وانطرد بهالوقت 3 لعيبة من الحرية حسن مصطفى وعلي ومهند شيخ ديب

المهم الوقت بدل الضايع ما التعب منو شي طاااااااااااااااااااااول وصفر الحكم معنا النهاية الحزينة

بعد فرصة خطيرة ومعمعة كروية قولة كامل نجمي كانت بخت معنا وجبنا غول

هلأ رأيي بفريقنا :

عيب والله عيب .... عيب والله عيب

لا حدا يزعل مني بس خسارة فينا هيك مدرب وهيك محترفين

لا تقلولي بكير وما بعرف اشو ولسا ما صار شي ومن هالحكي

حاااااااااااااج ... يا جماعة اوسكار اغلب فترات المباراة حيطط ايدو على راسو وعبكفر بالارجنتيني !!

اللعيبة لهلأ ما عم يستوعبوا الفكر الجديد يعني ملحق ما بلعبوا باص حلو على الارض وبتكتكوا شوي

بيرجعوا بحنو لطريقة طجت لعبت وكموش الطابة ورفاع لجوات منطقة الجزاء

ويلي حضر المباراة أكيد شاف شلون اوسكار ما قعد طاول وطول اللعبة عم يوجه اللعيبة

اللاعبين :

الكركر : بتمنى تنعطى الفرصة لياسر جركس ... حاج أبو حسن كبر راسو كتييييييير

حميدي : عادي جدا يعني مو سيء وبالمقابل ما في تطور

مجد : مجد لحالو اليوم قتل اكتر من خمس هجمات بالبطء تبعو

يوسف : عادي جدا كمان ...

بكري : متراجع كتير وأظن الاخ صايبو شوية غرور ليش ما بعرف

عيان : نفس بكري

عمار ريحاوي : باختصار عمار هلأ صار لاعب شوط واحد بسسسسسسس وأقل كمان .. حاجتو

غوميز : اخخخخ لك والله هو عزائنا الوحيد

جوناثان : والله العظيم يا جماعة هالزلمة عم يقدم للفريق يمكن حتى اكتر من غوميز يعني هاد فعلا محارب الظل

والله العظيم يعني عديتلو باصاتو بالمباراة بس باصين غلط وبآخر المبارة وغير هيك عم يأدي واجبو تمام

امنة : عم يلعب بس ضايع

عبد الفتاح : ما بعرف اش بدي اقول

أوسكار يا اوسكاااااااااااااااار :

اش ما صار واش ما جرى واذا خسرنا كل المباريات ما بحط حق على اوسكار

بس بدي اقول كم كلمة

يا حبيبي يا اوسكار قصة تلعب لعب اوروبي وتعلمنا طريةق اوربية بالدوري السوري صعب

يعني ....

تلعب براس حربة واحد مع مساندة من خط الوسط وتغيير المراكز وتنوع اللعب

مخ لاعبنا صغير وما خرج يفهم هيك شغلات فيا ريت نلعب بطريقة كلاسيكية يعني مثلا 4/4/2

بكون أحسن لأنو يلي بدك توصلو للعيبتنا صعب يفهموه .... هي شغلة

الشغلة التانية ... مشان الصاري والله العظيم لو تيركو ومبركو عالخط أشرف يا اخي انا معك بكل استبعاداتك

بس انس كان من الافضل يضل لك خيو حرقو عالخط بس أفضل من انو يروح ....

الا اذا اجانا بقا مهاجم طوووووووووووووووووووووووب جنب عبد الفتاح وانا بنظري هي مشكلة الفريق الاساسية

بدنا مهااااااااااااااااااااااااااااااااجم ممتااااااااااااااااااااااااااااااااااااااااااااااا ااز

وعلى كفالتي انو رح تنحل كل مشاكل الفريق

شغلة تالتة ... كرامة ل الله ليش مصر انو تلعب عمار مباراة كاملة أنا من وجهة نظري والله عمار شوط وحاجتو

والله ما بقا خرج شوطين ...واحتياطنا فيو لعيبة وسط كويسيين .... على كل حال اوسكار ادرى بهالموضوع

وبالاخير مع اوسكار لآخر المشوار واش ما صار بحب قول انو العطل مو من اوسكاااار

وهلأ شوية صور اخدتها من الملعب بالاضافة لصور الموقع الرسمي تبع القتيلات والبكوسة ..

رد مع اقتباس