عرض مشاركة واحدة

نادي الإتحاد الحلبي السوري

كُتب : [ 31-03-2008 - 10:39 ]
رقم المشاركة : ( 1 )
الصورة الرمزية S.Shammaa
 
S.Shammaa
أهلاوي مميز

S.Shammaa غير متواجد حالياً

       
رقم العضوية : 441
تاريخ التسجيل : Nov 2007
مكان الإقامة : حلب
عدد المشاركات : 296
قوة التقييم : S.Shammaa will become famous soon enough
طنجرة قشة مع عصاعيص ..

السلام عليكن ..:011:

مرحبن ياحلوين .. شلونكن .. كيف صحتكن

اليوم معكن الطباخ البتروكيميائي المحلل الاستراتيجي السياسي الكاتب الشاعر (ابو محمد شيخ الشباب) .. شادي ..

حبيت اليوم اشارككم بأكله طيبة كتير .. انا بحبها ومغذية .. يمكن تكون شوية ظغنطوطة غريبة .. بس طيبة

على كل حال خلونا بطبختنا ...

طنجرة القشة مع العصاعيص .. وهي عبارة عن راس الخاروف مع العظام ..

نشتري راس خاروف مع العصاعيص .. وننظفه كتير .. وخاصة منطقة بخش الانف .. بيكون مليان حشاكيل (شغلات غريبة) .. ونقوم بخسل(غسل) العصاعيص .. ونقوم بوضعها في طنجرة كبيرة بالماء ..

ونقوم بغليها على نار عالية حتى تبقبق(تغلي وتخرج منها فقاعات) .. بعدها نضعها على نار هادئه لمده 3 ساعات للغلي الجيد .. وفي كل ربع ساعة .. تظهر قشرة دهنية على وجّ(وجه) الماء نقوم بإزالتها ..

وبعد الانتهاء من الطهو جيدا نخرج القشة والعصاعيص من الماء .. وننتف اللحم .. ونضعة في المرقة(الماء المغلية المشبعة بالدهن) .. ويتكون عندنا لحم من اللسان والظوظ (المخ) الحناك .. شغلات كتير ولذيذة عم بحكي معكن عن جد .. ونحمص قليلا من الخبز ونضعه فوق اللحم .. ونقوم بتوزيعه جيدا وبعدين نعصر الليمون فوقها .. ونرش ملح وبهار ..

.

.

.

وان شاء الله الف صحة وهنا ..

ملاحظة : الافضل ان تأكل هذه الطنجرة في مكان خالي تماما .. لان الزفر والدهن بدوا يوصل للركب خهخهخهخهخ :hi:





هذا هو شكل العصاعيص ..



وهذا هو الراس ولكن قبل الدبح .. بعد الدبح مالاقيت صورة ..

ان شاء الله الف صحة وهنا .. مع تحيات (ابو محمد شيخ الشباب) .. شادي ..:012:
موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي المطبخ الحلبي

رد مع اقتباس