نادي الإتحاد الحلبي السوري

كُتب : [ 21-12-2013 - 09:45 ]
رقم المشاركة : ( 1 )
الصورة الرمزية حلب الشهباء
 
حلب الشهباء
إدارة المنتدى

حلب الشهباء غير متواجد حالياً

       
رقم العضوية : 5
تاريخ التسجيل : Sep 2007
مكان الإقامة : حلب
عدد المشاركات : 45,854
قوة التقييم : حلب الشهباء قام بتعطيل التقييم
في حلب الساعة 9,45

December 21st, 2013

الساعه 9,45

الحركه في البيت خفيفه وتئريباً شبه معدومه .. الأب بيرك علديوانه وحيطط ايدو على خدو وصيفن وكل أتره بيعطيا تنفيخه وأووووف ... الام بالمطبخ عم تعمل لمّه علسيكت ... الاولاد نصن عم يخمو نوم والنص التاني كل واحد إيخد إرنه وعم يسلي حالو بشغله .. موبايل .. حاسب.. كتاب دراسه عم يتصفحو شغل قرفانين ..

وفجأه !!!!! فجأه بتشعل اللمبه بنص الاوضه !!!! و.... أججججت الكهربااااااااااا

الساعه 10,00

الأب ... شلف الحرام من عليه .. شغّل السنتر فيش .. ومع وجو علسطوح يشوف إذا الخزان بدي... يعبي ..

الام .. بتصير المرأه الخارقه .. حسام تعا نزّلي ماكينة الكبه ألحق أدير أترة برغل ... هديييل قوام قوام إكبسي زر الغساله خليّا تنشّف تختخ الغسيل فصطا .. سوسن دشري هلضراب السخن من ايدك وقومي إكوي كم شغله وصل الكوي لتاني قاط .. جوجو ( هي الصغيره المدللـه) شعرك ملبّد تلبيد خلي أختك تششورلك ياه .. هنادي لا تئفي مئابيلي متل اللوح ركدي جيبي مكنسة الكهربا وعملي تكنيسه لسداجه أوضة البركه مأنشحه تئنشح ... حازم .... حاااازم.. الحاق ابوك علسطوح خايفه عليه ينطبش من السيبه وهو طالع علخزان ... أيمن وأيسر يلعن ابوكن موضع مالو بيرك حاج تتقاتلو علشاحن كل واحد يشحن معدومو نص ساعه وخلصنا ..

أهل البيت جميعن شعله من الحركه والنشاط وخلق رايحه خلق جايه و فجأه !!!! فجأه بتنطفي اللمبات .. بيعتّم البيت وبتخرس كل الادوات الكهربائبه وبضل بس صوت الشعب عم يسبّ ويلعن شي بالسر وشي بالعلن .

11,45

شوي شوي بيهدا الوضع ... بتخف الحركه .. و بانتظار الفجأة التاليه بيرجع الاب لصفنتو .. وكل ولد بيرجع لإرنتو والأم بتكمل شغلا على ضوالشاحن مع الأخذ بالدعاء لاصحاب النصيب وكل دعوه أتئل من الرخرى .

وهيك صايره أيامنا !!!!

موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي شباب وبنات حلب

رد مع اقتباس
رد

مواقع النشر

العبارات الدلالية
, , , ,

في حلب الساعة 9,45



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع


المواضيع المتشابهه للموضوع: في حلب الساعة 9,45
الموضوع كاتب الموضوع المنتدى مشاركات آخر مشاركة
علامات الساعة حلب الشهباء الحديث أهل السنة 0 13-01-2013 02:53
1001 كم في الساعة اغا القلعة الحمراء الأهــلــي الحـلبـي كــافــيــه 1 24-11-2010 09:13
الساعة 7 و الساعة 4 ما الفارق ؟ حلب الشهباء الإسلام أهل السنة 1 17-02-2009 09:55
من علامات الساعة ربيع الأهلاوي الإسلام أهل السنة 4 20-08-2008 01:22
حدث غريب عند الساعة 11 ابونجبو الأهــلــي الحـلبـي كــافــيــه 3 29-02-2008 03:00

الساعة معتمدة بتوقيت مدينة حلب الأن 10:35