نادي الإتحاد الحلبي السوري

كُتب : [ 31-10-2007 - 11:05 ]
رقم المشاركة : ( 1 )
الصورة الرمزية النورس الحلبي
 
النورس الحلبي
أهلاوي مر

النورس الحلبي غير متواجد حالياً

       
رقم العضوية : 47
تاريخ التسجيل : Sep 2007
مكان الإقامة : الكويت
عدد المشاركات : 525
قوة التقييم : النورس الحلبي has a spectacular aura aboutالنورس الحلبي has a spectacular aura about
صـبـرك يـا أيـووووب (( لا غـالـب ولا مـغـلـوب ... الاتـحـاد ع بــيـلـعـب بالـقـلوب ))

October 31st, 2007

مساء الصبر اخواني الأهلاوية الكرام ...

الهيئة راح نصبر كتير ... هيك كتب علينا ((ربنا)) كل سنة ... يالله شو بدنا نعمل شباب ... مالنا غير نتحمل ونقول صبرك ((يا أيوب))...

المشكلة انو ولدنا ((أهلاوية)) وما فينا نغير هادا الانتماء ... خسرنا او ربحنا بيضل دمنا لونه(( أحمر)) وما فينا الا نحب ((الأهلي)) ...

صدقوني كنت مقرر اليوم أني ما بدي أحكي ... ورحت بدي أنام ... لأنو النووم ممكن يكون دواء للمهموم ...

وحاولت أقنع حالي وأقول أنو واذا يعني خلصت مباراة الاتحاد مع الفتوة تعادل شو صار وين المشكلة ... !!

طبعا ما قدرت أنام ... و قمت وياريتيني ماقمت ...

شفت أكتر من موضوع ورد ع بيعطي (( تبريرات)) للتعادل اللي صار اليوم مع الفتوة ...

شي بيقول انو الفتوة غير شكل هادا الموسم وشي بيقول أنو مالازم ننسى أنو النقطة من أرض الدير مكسب وشي بيقول المشوار طويل ...

وشي بيقول انو بس يجي المهاجم المحترف راح تتغير الصورة وراح نشوف سيل من الأهداف في شباك الفرق المنافسة ...

شباب راح أحكي معكم بصراحة ... الوقت بلش يسرقنا ... وهي صرنا تقريبا بنص مرحلة الذهاب ...

لازم نحن جمهور الاتحاد نحدد موقفنا مشان نعرف شو نحكي ونتصرف ... بدنا بطولة (( الدوري)) والا بدنا نبني (( فريق للمستقبل)) ... !!!

اذا بدنا بطولة الدوري لازم نعتب على الفريق لاستمراره في مسلسل اضاعة النقاط ...

اما اذا بدنا فريق للمستقبل معناها لازم نكسر على انفنا (( بصلة )) ونسكت ما نفتح تمنا ولا ننتقد ...

(( مع اعترافي انو يمكن نادينا الوحيد كل سنتين بيبني فريق للمستقبل )) ...

أنا بعرف انو(( قلب الأهلاوية ))الحقيقين من جوة مجروح على ((مسلسل )) (( نزيف النقاط )) المستمر خاصة بعد حلقة (( الفتوة )) اليوم ...

وخاصة بعد ما صرنا في الحلقة التالتة منه بعد حلقة جبلة والحرية وان شاء الله تكون اليوم الحلقة الاخيرة من هادا المسلسل المتعب للأعصاب ...

بررنا أول تعادل بانو جبلة على أرضه فريق قوي وانو مباراة افتتاحية ... وبررنا تاني تعادل انو مباراة الحرية مباراة ديربي ...

ورجعنا اليوم بررنا التعادل انو النقطة من أرض الدير مكسب والا شوي راح نفتح مواضيع مباركة ...!!

والخوف بس انو يستمر (( مسلسل التبريرات )) عند التعثر من غير سبب مقنع ...

وتصير عادة ويخف طموحنا للانتصار ... ونقتنع بأي نتيجة بتصير ... ونصور الفرق اللي ادامنا انها (( مرعبة )) ...

لأنو اللي جاية بصراحة أصعب من اللي فات مع احترامنا لجميع الفرق ...

في نهاية الذهاب بدنا نلعب مع الكرامة القوي واذا تعثرنا لاسمح الله ... بدنا نقول انو الكرامة فريق كبير ومالازم ننسى انو وصيف اسيا ...

وقبلها راح نلعب مع تشرين باللاذقية وهو كمان بنوب ماله سهل واذا دورنا على مبررات وحجج بنلاقي كتير ...

لأنو الجيش كمان تاريخه عريق وراح نلعب على أرضه ...

والمجد والطليعة هي أيامهم و البطولة العربية الحالية خير شاهد ...

وحطين حوووت وفاتحة معه هي السنة ... وعفرين أكيد بدو يحاول يعمل انجاز ادام الاتحاد ...

طبعا انا بحترم كل الفرق الموجودة بالدوري السوري بس كمان انا شايف لهلأ انو بعض الأهلاوية ماشيين بسياسة التبرير ...

شباب مابدنا ننسى كمان أنو فريقنا هو (( الأهلي )) صاحب اكبر انجازات على الساحة المحلية ...

بنظرة سريعة على مباريات الاتحاد هذا الموسم نجد أننا لعبنا حتى الان مع أصحاب المراكز (( 7- 10 -11 -12 -13 ))

والاسبوع القادم راح نلعب مع صاحب المركز الأخير حاليا وهو فريق الشرطة ...

يعني اصعب فريق واجهناه للان من حيث (( الترتيب )) هو فريق الفتوة مع احترامنا وتقديرنا لجميع الفرق ...

المباريات اللي جاية صعبة كتير ... الاياب أصعب بمراحل ... والدوري بدو هز اكتاف ولازم يكون عنا شفافية في التعاطي مع نتائج فريقنا ...

نحن جمهور عاطفي متعطش للفوز ... بدنا الأهلي يلعب و يفرحنا ويفوز وهادا حقنا ...

((بدنا الأهلي بالقمة )) لأنو اتعودنا انو هادا هو مكانه الطبيعي ...

خلوني احكي وأقول للمرة الأولى رأي شخصي كنت محتفظ فيه لنفسي ...

لأنو على حسبتي ما بفهم وما بقدر أقيم أي عمل مدرب شو ما كان مستواه ...

بس راح أبق البحصة وأقول انو معقول نصرف (( لاعبين بالدفاع )) و (( لاعب مهاجم ))

وفريقنا يشكو من خلل دفاعي وهجومي ونزيف في النقاط ... يقابله تألق لخصومنا وعدم اهدار أي نقطة حتى الان ... !!

والمشكلة انو ماعنا أي بديل ... ولهلأ ما جبنا بدالهم ... وع بندور والدوري ع بيمر بسرعة ...

يعني شو كنا بنخسر يعني اذا خليناهم ... !!

طبعا انا بحترم وجهة نظر المدرب الفنية ... بس متل ما حكيت هي وجهة نظر شخصية لمشجع بسيط يحزن عند تعثر فريقه ...

يعني انا بتصور اذا كان أنس الصاري في أتعس أيامه ما ممكن يضيع الفرص اللي بيضيعها الاغا ...!!

انا ماراح احكي على أداء الاتحاد اليوووم لأنو ما شفت المباراة حتى أقدر أحكم ...

بس كان واضح من خلال النقل الاذاعي (( وما بقدر احكم على مدى حياديته )) استمرار الخلل في خط الدفاع الخلفي ...

وضياع في خط الهجوم أدى الى تبديل عبد الفتاح الاغا المهاجم الوحيد في نادي الاتحاد ...!!

حتى أنور عبد القادر مدرب الفتوة قال على الاذاعة فريق الاتحاد ع بيلعب لاضاعة الوقت ...

هي الجملة صراحة ما فهمتها وغريبة وأول مرة بسمعها عن فريقنا ... !!

شباب حلو انو نكون ايد وحدة وقت التعثر ونرفع معنويات بعض ونحترم خصومنا ونقدرهم لأنو في النهاية الرياضة فوز وخسارة ...

بس كمان من واجبنا نشير الى حالة (( عدم الرضى )) عن النتائج في صفوف الجماهير الأهلاوية حتى الان ...

الهدف من هادا الموضوع ليس توجيه النقد الى فلان او علان وانما وضع النقاط على الحروف اذا كان فريقنا حقا يريد المنافسة على اللقب ...

استغربت (( التبريرات )) اللي قريتها اليوم ... واستغربت أكتر الهجوم الاستباقي على كل من يحاول أن يبدي عدم رضاه عن التعادل ...!!

يعني انا في مفهوم البعض حتى أكون اهلاوي حقيقي لازم افرح للتعادل اليوم وأنبسط وأوزع سكاكر ... !!

واذا قلت بأنو الحقوا فريقنا يا شباب ع بيخسر نقط سهلة (( وترتيب فرق الدوري شاهد )) بكون ع بشتغل على تخريب وحدة الصف الداخلي ...!!

ياعالم ياهو ... كلنا فرحنا لما اجا اوسكار ... وانا شخصيا مع هادا المدرب حتى النهاية شو ما كانت النتائج ...

لأنو من وجهة نظري الشخصية مافي مدرب محلي بيستحق يدرب نادي الاتحاد غير أبو شاكر (( وطبعا الأخير مرتبط مع الكرامة )) ...

شفنا أداء حلو من الاتحاد هي السنة بأكتر من مباراة ... هادا الشي اللي افتقدناه الموسم الماضي ...

بس والله كمان كل نقطة ع بتضيع ع بيحترق قلبنا عليها وجرحنا لوحده بيحكي اذا كان لساننا ماعندو جرأة الحديث ...

مو حرام ولاعيب اذا قلنا ممنوع أهدار النقاط من فريق بحجم وامكانات نادي الاتحاد يفترض منطقيا أنه ينافس على اللقب ...

بعتقد مسموح نحكي ونقول مشان الله يا أهلي يالله ...

كلنا فرحنا الاسبوع الماضي لما الاتحاد أوقف دوران النواعير وننتظر بأمل الاسبوع القادم أن يقبض على كتيبة الشرطة ...

كلنا بدنا الأهلي بالمقدمة ولازم نعترف انو أي فريق ممكن يتعثر بمشواره نحو البطولة ...

بس لازم تكون عنا الجرأة نقول ... (( انو تكرار العثرات قد بات أمراً غير مقبول )) ...

الله يوفق الأهلي يارب ...


بقلم الاخ العزيز ابو عبدو (القيصر الاتحادي) منقول ..
موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي كرة القدم الاتحاد الحلبي

رد مع اقتباس

نادي الإتحاد الحلبي السوري

 
كُتب : [ 31-10-2007 - 11:09 ]
 رقم المشاركة : ( 2 )
النورس الحلبي
أهلاوي مر
الصورة الرمزية النورس الحلبي
رقم العضوية : 47
تاريخ التسجيل : Sep 2007
مكان الإقامة : الكويت
عدد المشاركات : 525
قوة التقييم : النورس الحلبي has a spectacular aura aboutالنورس الحلبي has a spectacular aura about

النورس الحلبي غير متواجد حالياً

   

واحلى ابو عبدو .. وتحياتي الحارة اله .. وكلامو صحيح .. وهذا ما حذرنا منه .. التفريط بالدفاع والهجوم بشكل غريب .. والله يستر ..
ولكن نبقى ونقول الله يوفق الاتحاد ..

رد مع اقتباس

نادي الإتحاد الحلبي السوري

 
كُتب : [ 31-10-2007 - 11:22 ]
 رقم المشاركة : ( 3 )
ABO ALZOZ
إدارة المنتدى
الصورة الرمزية ABO ALZOZ
رقم العضوية : 1
تاريخ التسجيل : Sep 2007
مكان الإقامة : Aleppo
عدد المشاركات : 9,464
قوة التقييم : ABO ALZOZ قام بتعطيل التقييم

ABO ALZOZ غير متواجد حالياً

   

ياسيدي احلى كلام ومابأيدنا نقول اللا انو المباراة اللي جاي هيه الفاصل الأخير لألنا

رد مع اقتباس

نادي الإتحاد الحلبي السوري

 
كُتب : [ 31-10-2007 - 12:00 ]
 رقم المشاركة : ( 4 )
Hussam
أهلاوي للعضم
الصورة الرمزية Hussam
رقم العضوية : 13
تاريخ التسجيل : Sep 2007
مكان الإقامة :
عدد المشاركات : 3,679
قوة التقييم : Hussam قام بتعطيل التقييم

Hussam غير متواجد حالياً

   

ألف شكر لكاتب هالكلمات و الله يعجل بالفرج وإلا.....


التعديل الأخير تم بواسطة : Hussam بتاريخ 31-10-2007 الساعة 12:00

رد مع اقتباس

نادي الإتحاد الحلبي السوري

 
كُتب : [ 31-10-2007 - 12:24 ]
 رقم المشاركة : ( 5 )
الاهلاوي سامي
أهلاوي للموت
الصورة الرمزية الاهلاوي سامي
رقم العضوية : 34
تاريخ التسجيل : Sep 2007
مكان الإقامة : الامارات
عدد المشاركات : 7,766
قوة التقييم : الاهلاوي سامي is a name known to allالاهلاوي سامي is a name known to allالاهلاوي سامي is a name known to allالاهلاوي سامي is a name known to allالاهلاوي سامي is a name known to allالاهلاوي سامي is a name known to all

الاهلاوي سامي غير متواجد حالياً

   

مشكور زعيم ...

انا برايي الدوري بح (ماعاد في دوري )

لانو لعبنا او خمس مراحل مع اضعف الفرق وما عم نجيب نتائج (شلون لو انو القرعة ما خدمتنا هي السنة)

شلون لو لاعبين مع الطليعة والمجد والكرامة والجيش وحطين ... كنا لحد هلق مصفرين ومافي ولا نقطة ..

على كل حال خلينا نفكر ونحلم بكاس الجمهورية .. لعل وعسى انو ما يضيع منا كمان ...

وخلينا نحلم انو نتاهل للدور التاني من البطولة الاسيوية ...

والله يستر من تاليها ... بس بدنا مركز متقدم .. بين الثلاثة الاوائل (مشان اسم النادي)مو حلوة هلق نحن بالسادس

رد مع اقتباس

نادي الإتحاد الحلبي السوري

 
كُتب : [ 31-10-2007 - 01:04 ]
 رقم المشاركة : ( 6 )
يالذيذ يارايق
أهلاوي للعضم
الصورة الرمزية يالذيذ يارايق
رقم العضوية : 67
تاريخ التسجيل : Oct 2007
مكان الإقامة : قلعة الأمجاد
عدد المشاركات : 3,038
قوة التقييم : يالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really nice

يالذيذ يارايق غير متواجد حالياً

   

شكرا ع الموضوع

ابو الزوز مع الشرطة الفاصل الاخير ؟؟؟؟؟؟؟؟؟

رد مع اقتباس

نادي الإتحاد الحلبي السوري

 
كُتب : [ 31-10-2007 - 01:14 ]
 رقم المشاركة : ( 7 )
النورس الحلبي
أهلاوي مر
الصورة الرمزية النورس الحلبي
رقم العضوية : 47
تاريخ التسجيل : Sep 2007
مكان الإقامة : الكويت
عدد المشاركات : 525
قوة التقييم : النورس الحلبي has a spectacular aura aboutالنورس الحلبي has a spectacular aura about

النورس الحلبي غير متواجد حالياً

   

عنجد الله يستر .. اللي عم بصير ما بسر حدا ابدا .. والله عيب اللي صار .. بس الله يوفق الاتحاد .. مافي بايدنا غير الدعاء ..

رد مع اقتباس

نادي الإتحاد الحلبي السوري

 
كُتب : [ 31-10-2007 - 01:19 ]
 رقم المشاركة : ( 8 )
يالذيذ يارايق
أهلاوي للعضم
الصورة الرمزية يالذيذ يارايق
رقم العضوية : 67
تاريخ التسجيل : Oct 2007
مكان الإقامة : قلعة الأمجاد
عدد المشاركات : 3,038
قوة التقييم : يالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really nice

يالذيذ يارايق غير متواجد حالياً

   

بلشت اتشائم من هالفريق والله يا ابو عبدو

رد مع اقتباس
رد

مواقع النشر

صـبـرك يـا أيـووووب (( لا غـالـب ولا مـغـلـوب ... الاتـحـاد ع بــيـلـعـب بالـقـلوب ))



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع


المواضيع المتشابهه للموضوع: صـبـرك يـا أيـووووب (( لا غـالـب ولا مـغـلـوب ... الاتـحـاد ع بــيـلـعـب بالـقـلوب ))
الموضوع كاتب الموضوع المنتدى مشاركات آخر مشاركة
فـوز مـثـيـر لـشـبـاب الاتـحـاد عـلـى الـحـريـة ... ahmd.n كـرة السلة الاتحاد الحلبي 8 02-01-2008 04:37

الساعة معتمدة بتوقيت مدينة حلب الأن 06:12