نادي الإتحاد الحلبي السوري

كُتب : [ 08-11-2010 - 05:09 ]
رقم المشاركة : ( 1 )
الصورة الرمزية ABO ALZOZ
 
ABO ALZOZ
إدارة المنتدى

ABO ALZOZ غير متواجد حالياً

       
رقم العضوية : 1
تاريخ التسجيل : Sep 2007
مكان الإقامة : Aleppo
عدد المشاركات : 9,464
قوة التقييم : ABO ALZOZ قام بتعطيل التقييم
فاز الأهلي ... يافرحتي ... شو اجاااني انا

November 8th, 2010

موضوعي ماحدا منكم يفكر انه شحادة .. الرب موجود وهو وحده الكريم .. لح بلش القصة من اولها بلا ماتطول المقدمة وتاخدني شمال ويمين ..هي كلمة وطلعت مني مدري كيف مابعرف ..قولوا زلة لساان .. قولوا نخوة وشهامة عربية .. صار اللي صار .. واكلت الكم والعوض على الله.. مبارح الساعة وحدة الضهر اتصلت بالمرا وقلتلها اعملي حسابك انا اليوم بيتوتي لا بدي روح ولا بدي اجي .. خير ابن عمي مو عادتك تخبرني شو ناوي تعمل.. عم خبرك مشان ما تطلعيلي بشي مشوار وتوعديلي حدا وتطلعي بسواد الوجه .. اليوم مباراة الإتحاد والقادسية الكويتي ع البطولة وحابب شوفها على روااق .. سكرت السماعة وبالرجعة اشتريت دخاان عدد 3 ولما وصلت مابدي ناام اخدت دوش وقعدت مع الأولاد وصرت اسالهم عن مدارسهم واجت سيرة المباراة ..علا بنتي قالتلي بابا اذا ربح الاتحاد شو بتجبلنا قلتلها هو يربح واللي بدك ياه بيجي .. قال بدنا نتعشى شاورما ونتحلى نابلسية .. بنتي هيك مابتعرف تحكي الا بالجماعة .. قلتلها تكرم عيونك .. وبيني وبين حالي قلت كيلو نابلسية و6 سندويشات شاورما شغلة 500 ليرة بدبرها الله ومنطرقها منية للمشرفين وكل الأهلاوية بالمنتدى .. أنا عندي تلفزيون باناسونيك 32 بوصة عليه صورة الكل بيحسدني عليها جايبه تهريب من لبنان ( امانة دقوا ع الخشب ) المهم .. قبل ماتبدا المباراة وعم قلب بين المحطات بيندق الباب عديلي ومرته وولاده الأربعة اهلا وسهلا .. عديلي لعيب فتبول قديم وحابب يشوف اللعبة عندي ومن غير موعد مسبق يعني ان كنت ولا ماكنت مو مشكلة المهم تلفزيون متل السينما .. ولحنا عم نسمع نزار محروس بيندق الباب الحجة واختي واخي احمد ومرته وبناته التلاته .. اهلا وسهلا ومرحبا .. نفس الغاية ونفس الهدف ... بلشت المباراة واكلنا الكول وببين الشوطين علا خانم بينقلب وجهها عمها بقلها خير علا شبكي .. بتحكيله قصة الشاورما والنابلسية مو انه خبت وحدة ... لا التنتين سوا .. عمها بقلها لا تخافي هلأ الاتحاد بيربح ومناكل كلنا شاورما ونابلسية .. احي احي احي .. بلش الشوط التااني برن الباب بتغيب ام عدنان وعلا شوي وبيرجعوا خير مين .. جيرانا عم يسألوا خير شوفيه عندكم عياط وتدبيك .. اي شو دخلهم جاوبتها انا .. قال مافي شي حكيتلهم القصة وقال لاتنسونا من النابلسية والشاورما وضحكت الخاانم .. مالكم عليي يمين .. قبل مايخلص الشوط التااني برن الموبايل .. اي خال جاية الكهربا عندك .. اي جاية .. يلا جااييك وسكر السماعة ااقل من عشر دقايق خالي ومرته وولاده التنين .. ومعه خالي التاني ومرته وولاده التنين وابن خالتي وولاد خالي التالت التنين .. مو ولاد .. كلهم رجال وعندهم سيارات .. حضرنا المباراة وفرحنا وهللنا وعم نغني ونحكي عن اللعبة .. بتنط علا خاانم بنت ال ... بابا يلي بيوعد شو لازم يعمل .. اخي من غير وكالة بجاوب لازم يوفي بوعده .. اصبح جبلنا الشاورما والنابلسية .. عديلي انبسط اي والله بدها تعويض للحريرات اللي راحت .. ماشاء الله عليه صار يفهم بالحريرات هلأ ..عديناهم طلعوا ( 30 ) نفر بدهم تلاتين سندويشة ام الخمسين واذا قلنا لكل نفر وقية نابلسية عنا 6 كيلو ناولت ابن خالي 3000 ليرة وقلتله روح جيبهم وهو طالع قالت المرا اللي لسى بدي .. لاتنسى الجيران .. ناولته الألف الرابعة وقلتله روحوا جيبوا .. المهم رجعوا جايبين بالمصااري كلهم ومعهم ببسي كمان .. اسقى الله ايام البورتللو .. وسندويش الدبس بالطحينة والزيت والزعتر .. المهم رجعوا الشباب والكل أكل وفررح ودايمة ابو عدنان ومبروك فوز الاهلي وعقبال المنتخب .. طلعوا من عندي 11.30 وقعدت وحدي كمل السهرة واذ بتنعاد اللعبة ع الجزيرة الساعة 2 مالقيت حاالي غير عم احضرها وماقدرت اتركها .. ووقت ضربات الجزاء صحيت ام عدنان مشان صلاة الصبح بتطل عليي وبتقلي لو صدهم حارس القادسية ماكنت دفعت شي ابو عدنان .. لك شو يصدهم عليي الحلال بدفع المعااش كله بس يربح الأهلي .. لك بشرفك صورة علمنا مرفوع وشعبنا فرحاان مابتسوى الدنيا واللي فيها .. الله يلعن ابو المصااري وساعتها ..
اصلا لحنا شو نزعنا غيرهااا .. قال مصاري قال ... اهئ اهئ اهئ

الموضوع كتير حلو منقول من اخ اسمو ابو عدنان من كووورة

دج دج دج دج اهلي
موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي كرة القدم الاتحاد الحلبي

رد مع اقتباس

نادي الإتحاد الحلبي السوري

 
كُتب : [ 08-11-2010 - 05:24 ]
 رقم المشاركة : ( 2 )
اغا القلعة الحمراء
أهلاوي للعضم
الصورة الرمزية اغا القلعة الحمراء
رقم العضوية : 13207
تاريخ التسجيل : Dec 2009
مكان الإقامة : حلب - الجميلية
عدد المشاركات : 3,283
قوة التقييم : اغا القلعة الحمراء will become famous soon enoughاغا القلعة الحمراء will become famous soon enough

اغا القلعة الحمراء غير متواجد حالياً

   

والله رائع ... بس لو ابو عدنان حابس علا بشي غرفة ماكان حدا سمع بشي واذا كانت حقيقية فعلا فغريب جدا كل هالعالم تجي لعنده بهالوقت ..

بس وفعلا شو ما ندفع في سبيل نشوف رايات سوريا وعلمها وصورة السيد الرئيس في ملعب جابر بالكويت وعلى مراى كل هذه الفضائيات مو كتير... ولا بدفع دم قلبي كنت لشوف هالمنظر اللي شفناه والف الف حمد لله

رد مع اقتباس

نادي الإتحاد الحلبي السوري

 
كُتب : [ 08-11-2010 - 07:39 ]
 رقم المشاركة : ( 3 )
yosef-zoom88
أهلاوي مر
الصورة الرمزية yosef-zoom88
رقم العضوية : 11432
تاريخ التسجيل : Dec 2008
مكان الإقامة : حلب
عدد المشاركات : 666
قوة التقييم : yosef-zoom88 will become famous soon enough

yosef-zoom88 غير متواجد حالياً

   

والله حلوة ودقيت ع الخشب كمان هههههههههههه

رد مع اقتباس

نادي الإتحاد الحلبي السوري

 
كُتب : [ 09-11-2010 - 01:11 ]
 رقم المشاركة : ( 4 )
أبو بدر
أهلاوي مر
الصورة الرمزية أبو بدر
رقم العضوية : 591
تاريخ التسجيل : Nov 2007
مكان الإقامة : حلب
عدد المشاركات : 776
قوة التقييم : أبو بدر has a spectacular aura aboutأبو بدر has a spectacular aura about

أبو بدر غير متواجد حالياً

   

جميلة أضحك الله سنك

رد مع اقتباس
رد

مواقع النشر

فاز الأهلي ... يافرحتي ... شو اجاااني انا



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع


المواضيع المتشابهه للموضوع: فاز الأهلي ... يافرحتي ... شو اجاااني انا
الموضوع كاتب الموضوع المنتدى مشاركات آخر مشاركة
الأهلي الاهلاوي البافاري كرة القدم الاتحاد الحلبي 1 30-11-2014 09:55
الأهلي سوف يعود عاشق أهلي حلب كرة القدم الاتحاد الحلبي 2 31-01-2011 01:28
حال الأهلي الدم الأهلاوي كرة القدم الاتحاد الحلبي 4 23-09-2009 05:56
قهوة الأهلي ABO ALZOZ الأهــلــي الحـلبـي كــافــيــه 229 24-06-2008 08:49
اخر خبرين عن الأهلي يالذيذ يارايق كرة القدم الاتحاد الحلبي 11 20-11-2007 10:52

الساعة معتمدة بتوقيت مدينة حلب الأن 04:16