نادي الإتحاد الحلبي السوري

كُتب : [ 04-12-2010 - 04:53 ]
رقم المشاركة : ( 1 )
الصورة الرمزية فراشة متغربه
 
فراشة متغربه
فراشة أهلاوية

فراشة متغربه غير متواجد حالياً

       
رقم العضوية : 13243
تاريخ التسجيل : Feb 2010
مكان الإقامة : السعوديه
عدد المشاركات : 1,173
قوة التقييم : فراشة متغربه will become famous soon enough
اللهجه العاميه الشاميه

December 4th, 2010

دشرو : حل عنّو : يعني دعه و شأنه...ومنه يقال دشّرني:أي حل عني...وحل عني يعني اتركني بحالي.

ماني غضران: يعني لست بقادر وهي بالميداني. ( والميدان هي من مناطق دمشق القديمة وسكانها هم الشوام الاصليون )

الواه الواه : تعبير نسائي قح يفيد التمسخر على شيء ما.

تشكل آسي : يعني تعبير يفيد شدة حب المتكلم للمتكلم عنه.....
والشرح الدقيق ( آسي ) هو الورود التي توضع على القبر ،، تشكل آسي يعني تضع الورد على قبري
ويدل على الرغبة في الموت قبل الحبيب .. (حاير)

ولا: أداة تستخدم في النهر والشتم.

وخنان: مسبَة موحلوة بس وضعتها للضرورة اللغوية.

واطي: كمان مسبَة مانها ظريفة بس أيضا وضعت للأمانة اللغوية.

ايدي بزنَارك: تعبير يستخدم للتعبير عن الرجاء أي ( داخل على الله ثم عليك )

شَعرها متل الشوشة: أي أن شعرها منفوش ومنكوش يعني مثل بنات هالايام #اللهجه العاميه الشاميه#

وضرَاب السخن : وهي مسبَة وتعني ...... ان تصيبك الحمّى والحرارة(نار)

كوكِش أو فتـّـش بحبش : أيضا مفردة تعني البحث مع التمحيص

ينمحئ = ينضرب على قامتو = يسطفل = خلّك بس ماعليك منه

يتحورق : كمان متل يبعتلو حمّى

يتقوص : بنفس المعنى .. و في كمان كلمة : تتأمّع (هيك شي) بنفس الباب .. كلها دعاوي تنطلق في حالة الغضب.

عود يعـّـد رزك (اقعد يقعد رزَك) ... يعني خيلتنا حاجة تحوص يعني اهجد .. المعنى الأدق .. يقعد رزك يعني تموت والناس ياكلو رز ... لانو لمّا حدى بيموت من العادات انو بتصير عزيمة وبيطعموا الناس اوزي على روح الميت والاوزي اكله معروفة بالشام عبارة عن رقائق عجين محشية رز ببزاليا. (دموع)

وين غاطط : يعني وينك مانشوفك ؟؟

والسبع تنعام : يعني النا الشرف. ،، تشرَفنا

ما بيعرف الخمسه من الطمسه :عن الرجل اللي ما عنده ثقافه.(؟)

سرّي مرّي : تقال للي دايما داخل طالع من البيت

شروي غروي او شندي بندي أو علاك مصدَي : كلها تحمل نفس المعنى وتقال على الرجل الذي يحكي كلام فاضي (ترقب)

مجنّط - فايت بالحيط - طاقق الفيوز : كلهم للدلاله على واحد رايح فيها ومايدري عن شي (خطير)

مأنشح- كحته و بيحب الشحته -ايدو ماسكه : تقال على البخيييييييييييل. #اللهجه العاميه الشاميه#

شاطط و ماطط : يعني مدلع زيادة.#اللهجه العاميه الشاميه#

نايط : يعني شخص بارد.

شاضومه : يعني بنت مجلوئة ...يعني .. قليله ادب و مصبينه. زي هذه >> #اللهجه العاميه الشاميه#

شحاطة : مايلبسه المرء في قدمه عندما يكون في المنزل (ضاحك) يعني شبشب

تعسيله : نومه بعد الظهر.

مسرسبة : يعني بتحب النظافة كتير.

إغَيييييييييي : هذه يستعملها الابضايات ( يعني الرجال الشديدين وتستعمل للإخافة )(بقتلك)

تاكلك الدودة العميا : وهي دعوة ،، الدودة العميا هي دودة القبر .. يعني الواحد يموت و ياكله الدود بعيد الشر عنكن انشالله .

يبعتلو اتلو شو سمج : ( أتلو = قتله ) .. يعني انشالله يموت و كلمة سمج يعني غليظ وثقيل الدم (حاير)

موسوس : يعني دائم الشك .. (حاير)

عقلو جوزتين بخرج : الجوز نوع من المأكولات يكون على شكل كرة صغيرة ،، خرج يعني كيس كبير فتخيل ان رجل عقله كرتين صغار داخل كيس كبير جدا ،،، يعني عقله صغير. (دايخ)

متل الاطرش بالزفة : الزفّه وهي التي يسووها في العرس ( لولولوليش وغيرها ) يعني شخص اطرش وجالس فس زفة العرس ،، يعني ماله علاقة بالموضوع .

حاج تحوص متل الصوص : يعني يكفي حركة و لف ودوران زي الصوص ( ابن الدجاجة بالرضاعة )
موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي بنات حلب

رد مع اقتباس
رد

مواقع النشر

اللهجه العاميه الشاميه



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع


المواضيع المتشابهه للموضوع: اللهجه العاميه الشاميه
الموضوع كاتب الموضوع المنتدى مشاركات آخر مشاركة
تفسير بعض المصطلحات الشاميه فراشة متغربه مدينة حلب الشهباء 0 25-12-2010 02:38

الساعة معتمدة بتوقيت مدينة حلب الأن 09:07