نادي الإتحاد الحلبي السوري

كُتب : [ 30-09-2007 - 08:11 ]
رقم المشاركة : ( 1 )
الصورة الرمزية haseeko
 
haseeko
أهلاوي للعضم

haseeko غير متواجد حالياً

       
رقم العضوية : 11
تاريخ التسجيل : Sep 2007
مكان الإقامة : الهونولولو
عدد المشاركات : 1,356
قوة التقييم : haseeko has a spectacular aura abouthaseeko has a spectacular aura abouthaseeko has a spectacular aura about
تقرير مباراه الاتحاد مع haseeko

September 30th, 2007

شفت بعمري كتير مباريات للاهلي ولكن المباراه هي كانت غير كلشي شفته
البدايه كانت كطاسه مي بارده نزلت على راسنا بعد الهدف الجبلاوي الاول والي كان بالدقيقه التانيه ماحدا صدق الي صار
فريقنا بعد الهدف حب يعمل شي بس الصدمه كانت اكبر منه فظهر تايه وسط الزحمه ولعب باسلوبه الي اعتدنا عليه بالسنوات الماضيه
وشعر الجميع انه المباراه بين جبله وغوميز
وفي ظل التوهان والدوخان الاهلاوي والحركه بلا بركه اجا الهدف التاني لجبله وايضا كان من طرف وائل عيان وقبل ما كمل حابب قول نقطه مهمه انه لاعبينا بالمنتخب الاولمبي ماقدموا اي اداء يذكر وظهر الفرق بينهم وبين من تدرب على ايد اوسكار طويلا فلا العيان قدر يعين مزبوط وهو عبرفع ولا يغطي جناحه و لا الطراب اطرب كعادته وكان مغني من نوع الغناء السريع
بعد الغول التاني خيم الصمت وشعر الجميع انه اوسكار خرب الفريق وبديوا الشباب الطيبه ليش مانزل فلان وكان اساسي بالتمرين وليش استبعد فلان ونحن ايمت كنا ناكل غولين من جبله متناسين انه جبله فريق كرم قدم وعندو 11 لاعب متلنا متله
وسط التساؤلات هي تعرض مرمانا لفرضه الهدف الثالث لجبله وهون بدي الجمهور يقول عيب عليك يا اهلي
الاهلي ومتل ما بقولو كان مافي بالميدان الا حديدان (غوميز)
وبقي الاتحاد عبلعب وبمسك الطابه بس من دون ماتشعر بفرصه او شي تقول الاهلي تغير عن قبل

بس الكبير بيضل كبير والملعم اوسكار قدر يستوعب صدمه بدايه المباراه والفريق الي مالعب ولا مباراه رسميه بعهد اوسكار شاف حاله تحت الضغط وبدون سابق انذار انتفض الاهلي بهجوم كاسح وتحركات ملعوبه
ومن كره استلمها غوميز ومر فيها والكل انتظر انه يراوغ ولكن لغوميز كان راي تاني فحول الكره بعرضيه على راس الاغا تماما دونان يتوقعا اي حدا ليحرزها الاغا هدف الاهلي الاول وسط فرحه اهلاويه لاتصدق
واستمر الضغط وسط سقوط لاعبي جبله على الارض متل اوراق الخريف واحد ورا التاني وتمويت اللعب اكتر من اللعب نفسه ولكن المذهل انه الاهلي ومع كل لمسه لفريق جبله بتشوف الفريق كله ضاغط على لاعبهم وبستخلصا فورا على الهجوم بلمسات ونقلات اكتر من رائعه وفرص لاتصدق وما صدق جبله انه خرج متقدم شوط
الشوط الثاني بكل اختصار بدي اقول هو اجمل شوط لعبه الاهلي من سنوات
من وقت صفر الحكم وفريقنا معسكر بنصف ملعب جبله والسؤال شو عملت يا اوسكار الفريق تحول لعالم اخر عالم من المتعه ماكان يفصلنا عن هذا العالم الساحر الا اضاعه لاعبي جبله للوقت والي ماكان امامهم غير اسلوب
وكمان مارح انسا قول انه في ضربه جزاء واضحه متل عين الشمس وامام حكمي الساحه والرايه بلمسه يد غريبه عجيبه ما كان اغرب منها الا قرار الحكم باستمرار اللعب
واستمر الفريق الاهلاوي بالمتعه الى ان جاء الهدف التاني بعد سيطره داخل منطقه الجزاء توجا الامنه الرائع هدفا
هدف الامنه اشعل لهيب الجمهور واكثر من اصابات لاعبي جبله واصبح جبله يلعب ب10 لاعبين ولكن الامر الي ما بتصدق انه امام فريق عبلعب بدفاع مستميت وباسلوب بخلي الواحد يصير معه جلطه وانهيار عصبي من كتر التمثيل الاهلاويه بقيوا ضاغطين والفرص الي ضاعت في المباراه صدقا كلها اهداف محففه وفرص ولا بالاحلام وما حدا مسؤول عن اضاعتا وما بنقدر نقول الا قدر الله وما شاء فعل
فمره الحارس بطير للمقص وبشيل الطابه ومره بالعارضه ومره بتمر جنب الغول ومره فوقه وتسديده ولا اجمل من غويز ارضيه زاحفه باقصى الزاويه وبشيلا حارس جبله ويمكن لو بوفون كانت دخلت عليه
الفرص الي ضاعت علينا مو بس احلا من الغول اروع من الخيال
والكل ماشعر بالشوط التاني ومر كلحظه من كتر ما كان ممتع
الشي المضحك انه ضاع وقت لايقل عن 10 دقايق بس الحكم عطا 3 يمكن متقل بالفطور
هاد الي صار بالمباراه بكل اختصار
بس في لقطات حلوه
لاول مره حكم سوري بانذر لاعب مثل الاصابه يمكن لانه حس انه مبالغ فيها اكتر من الافلام المصريه
جمهور الفريقين بين الشوطين كاد ان يشعل جبهة ولولا تدخل حفظ النظام السريع كانت حتصل مشكله كبيره كتير عموما الجمهورين عزفوا شتايم طيروا صيام رمضان هاد والي بعدو
غوميز واه على غوميز وياليل ياعين واوف اوف وميجانا ويا ميجانا شو هاد ياغوميز اذا من اول مبااراه هيك اللهم صلي على النبي انت ناوي تجننا كان عندي ثقه كبيره فيك وتخيلتك لاعب رائع بس الي ما توقعته انه تكون انت فريق لوحدك
صدقا لعبنا بفريقين فريق الاتحاد وفريق غوميز
لاعبو المنتخب الاولمبي ترك اداؤن استغراب ودهشه وبتوقع حيكون في تركيو كبير عليهم واكيد مو زنبهم الذنب على هالمنتخب الفاشل والي ما اتاهل ولسا بياخدون عليه وما بنوبنا منه الا مستوا نازل بياخدوهم بس ينزلو المستوا تبعن

اما انت يا اوسكار فاسطوره بحد ذاتك شو عملت بفريقنا وياترى شو قلت للاعبين بين الشوطين هل هو سحر
الي بيقدر يجيب غول على جبله وهو متعادل معجزه فكيف الي بجيب غولين عليه وهو متقدم 2 لصفر هي استحاله وانت قدرت تتحدا المستحيل والي بشوف كيف قدرت تسيطر على اللبه وبشوف توجيهاتك ما بيقدر الا يحبك
رفعت معنويات اللاعبين بارض الملعب قدرت تصص وبارض الملعب الاخطاء الي عبرتكبوها
حتى اللاعب الي يتبدل ما نسيت تتشكره وتصافحه انت كبير يا اوسكار وباول مباراه رسميه اثبتت انك مدرب عالمي
وانتظروا الاهلي بعد كم مباراه حتشوفوا نار عبتحرق الي بفكر يقترب منها والاكيد اننا حنكون بالاياب مستحيل حدا يقدر ينافسنا
نتيجه اليوم وان كانت محزنه بس الاداء كان تاريخي وشكرا من القلب للجميع
والسعاده كانت واضحه على وجوه الكابتن باسل حموي وبقيت من ررافقه من اعضاء اداره والي التقيناهم بالصدفه بالقساطل وكانوا عبتعشوا وصحتين والف هنا على قلبن وبعدها شربوا اركايل فهون انا ما قدرت قاوم الا ونزلت اركيله انا كمان مع انه من ساعه كنت مخلص النفس
وانطلقوا قبلنا بموكبن الي كان من 4 سيارات وقبل بربع ساعه بس قدرنا نسبقن بفضل الميغان وخيالها ابو عادل والف تحيه والف سلام لابو عادل الكبير والصغير والي كانت احلا سفره برفقتهم وما تركنا محل بللادقيه ما فتلناه
والى اللقاء في اركيله جديده عفوا مباراه جديده

واحد محشش

موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي كرة القدم الاتحاد الحلبي


التعديل الأخير تم بواسطة : haseeko بتاريخ 30-09-2007 الساعة 08:12
رد مع اقتباس

نادي الإتحاد الحلبي السوري

 
كُتب : [ 30-09-2007 - 08:37 ]
 رقم المشاركة : ( 2 )
خالص
أهلاوي للعضم
الصورة الرمزية خالص
رقم العضوية : 48
تاريخ التسجيل : Sep 2007
مكان الإقامة :
عدد المشاركات : 1,381
قوة التقييم : خالص is a jewel in the roughخالص is a jewel in the roughخالص is a jewel in the rough

خالص غير متواجد حالياً

   

الله يعطيك العافية يارب وحمد الله عل السلامة حقك ماترد عل الموبايل ههههههههههه

رد مع اقتباس

نادي الإتحاد الحلبي السوري

 
كُتب : [ 30-09-2007 - 10:20 ]
 رقم المشاركة : ( 3 )
النورس الحلبي
أهلاوي مر
الصورة الرمزية النورس الحلبي
رقم العضوية : 47
تاريخ التسجيل : Sep 2007
مكان الإقامة : الكويت
عدد المشاركات : 525
قوة التقييم : النورس الحلبي has a spectacular aura aboutالنورس الحلبي has a spectacular aura about

النورس الحلبي غير متواجد حالياً

   

شان كيو يواش ..

رد مع اقتباس

نادي الإتحاد الحلبي السوري

 
كُتب : [ 30-09-2007 - 10:52 ]
 رقم المشاركة : ( 4 )
النورس الحلبي
أهلاوي مر
الصورة الرمزية النورس الحلبي
رقم العضوية : 47
تاريخ التسجيل : Sep 2007
مكان الإقامة : الكويت
عدد المشاركات : 525
قوة التقييم : النورس الحلبي has a spectacular aura aboutالنورس الحلبي has a spectacular aura about

النورس الحلبي غير متواجد حالياً

   

يواااااااااال حسيتشووووووو
أريد أسالك سوعال ..
يوقولون .. هااااا ... يقولووووون ..
انو الاتحاد مابو عندو دفاع .. ودفاعه مثل الغنمات الي ما عندهم راعي .. وش قولك .. !!



والف شكر على تحشحيك او تقريرك .. بس بجد كتير حلو .. وانا طبقتو بمنتدى كووورة

رد مع اقتباس

نادي الإتحاد الحلبي السوري

 
كُتب : [ 30-09-2007 - 12:13 ]
 رقم المشاركة : ( 5 )
ABO ALZOZ
إدارة المنتدى
الصورة الرمزية ABO ALZOZ
رقم العضوية : 1
تاريخ التسجيل : Sep 2007
مكان الإقامة : Aleppo
عدد المشاركات : 9,464
قوة التقييم : ABO ALZOZ قام بتعطيل التقييم

ABO ALZOZ غير متواجد حالياً

   

الف شكر حسيكو الملك والله تقرير روعة حطيتنا بقلب الحدث تماماً


:36_1_12[1]:

رد مع اقتباس

نادي الإتحاد الحلبي السوري

 
كُتب : [ 30-09-2007 - 05:00 ]
 رقم المشاركة : ( 6 )
الاهلاوي سامي
أهلاوي للموت
الصورة الرمزية الاهلاوي سامي
رقم العضوية : 34
تاريخ التسجيل : Sep 2007
مكان الإقامة : الامارات
عدد المشاركات : 7,766
قوة التقييم : الاهلاوي سامي is a name known to allالاهلاوي سامي is a name known to allالاهلاوي سامي is a name known to allالاهلاوي سامي is a name known to allالاهلاوي سامي is a name known to allالاهلاوي سامي is a name known to all

الاهلاوي سامي غير متواجد حالياً

   

يسلمووووووووو اخي حسام على تقريرك المميز

مع انو النتيجة كانت مخيبة ... بس منتامل خير بالمباريات القادمة

رد مع اقتباس

نادي الإتحاد الحلبي السوري

 
كُتب : [ 30-09-2007 - 05:02 ]
 رقم المشاركة : ( 7 )
ABO ALZOZ
إدارة المنتدى
الصورة الرمزية ABO ALZOZ
رقم العضوية : 1
تاريخ التسجيل : Sep 2007
مكان الإقامة : Aleppo
عدد المشاركات : 9,464
قوة التقييم : ABO ALZOZ قام بتعطيل التقييم

ABO ALZOZ غير متواجد حالياً

   

احسن خيوو من شان ما ننضرب بالعين من اول لعبة

رد مع اقتباس

نادي الإتحاد الحلبي السوري

 
كُتب : [ 30-09-2007 - 05:38 ]
 رقم المشاركة : ( 8 )
مراد الأهلاوي
أهلاوي جديد
الصورة الرمزية مراد الأهلاوي
رقم العضوية : 19
تاريخ التسجيل : Sep 2007
مكان الإقامة :
عدد المشاركات : 10
قوة التقييم : مراد الأهلاوي is on a distinguished road

مراد الأهلاوي غير متواجد حالياً

   

أخي black needles اش هالتشبيه لدفاعنا بالغنم بتوقع انو هالتشبيه عيب يصدر من اهلاوي بحترم فريقو مو هيك

رد مع اقتباس
رد

مواقع النشر

تقرير مباراه الاتحاد مع haseeko



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع


المواضيع المتشابهه للموضوع: تقرير مباراه الاتحاد مع haseeko
الموضوع كاتب الموضوع المنتدى مشاركات آخر مشاركة
&&& تقرير مباراه سوريا وكوريا &&& ابراهيم الاهلاوي الرياضة السورية 7 09-10-2008 03:04
تقرير الاتحاد وتشرين مع haseeko haseeko كرة القدم الاتحاد الحلبي 15 12-07-2008 04:52
تقرير الاهلي والناعوره مع haseeko haseeko كرة القدم الاتحاد الحلبي 25 26-10-2007 09:26
تقرير مباراه السمروت مع haseeko (لعبه الجحيش) haseeko كرة القدم الاتحاد الحلبي 12 16-10-2007 03:02
تقرير الاتحاد والوحده مع haseeko (الحاره) haseeko كرة القدم الاتحاد الحلبي 22 07-10-2007 12:36

الساعة معتمدة بتوقيت مدينة حلب الأن 12:03