نادي الإتحاد الحلبي السوري

كُتب : [ 06-10-2007 - 04:26 ]
رقم المشاركة : ( 1 )
الصورة الرمزية ABO ALZOZ
 
ABO ALZOZ
إدارة المنتدى

ABO ALZOZ غير متواجد حالياً

       
رقم العضوية : 1
تاريخ التسجيل : Sep 2007
مكان الإقامة : Aleppo
عدد المشاركات : 9,464
قوة التقييم : ABO ALZOZ قام بتعطيل التقييم
آراء جمهور الوحدة بعد الخسارة المستحقة

October 6th, 2007

المشرف هنو :
لا حدا يقلي شبك ؟؟؟؟؟؟
لانو قلبي عم يبكي و دمي فاير
و حابب اسألكم سؤال ؟
هل هذا هو فريق الوحدة ؟
هل هذا هو اسلوبنا ؟
ماذا فعل الوحدة بهذا اللقاء ؟
لا حدا يقلي انو الفريق جديد
لانو انا ما شفت خطة بالملعب
اجنختنا مكسورة
لك نحن الي كنا مشهورين باللعب ع الاجنحة
اليوم اجنحة متل العالم و الناس ما عنا ؟؟؟؟؟
اس الله ايامك ياوليد الشرف و ماهر مصطفى
لك وينك يا غساااااااااااااااااااااااااااااااااااااااااان
لك الله يسامحك يا رأفت
لك مشان الله اليوم مهند خراط شو ساوا ؟
و شو هالأخطاء الي عم يغلطها الهلامي للمباراة التانية ع التوالي ؟
و ليش اليوم ما اشرك احمد الخالد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و ليش دفاعنا مالو علاقة ؟ و ين القيشاني ( ابن النادي و الاحق )
ليش وسطنا بعيد عن مستواه ؟ وين عمر خليل ( لهلأ ما سمعنا خبر عن سر غيابو )
و ين هجومنا ؟؟؟؟؟؟؟؟؟؟؟؟؟؟؟؟؟؟؟؟
و الله اليوم كان هجومنا حمل وديع و لا أحلى من هيك الله الله
ممكن حدا يشرحلي الخطة الي لعبنا فيها اليوم ؟
لك اياد ناصر سأل عن أحمد الخالد ( هل من المعقول كل العالم شايفة انو احمد الخالد منيح الا السيد كوستيكا )

السؤال الي ح يجنني ليش اليوم ما لعبنا ع الاطراف ؟
وين اطرافنا ؟
و ين الوحدة اليوم ؟


و بالنهاية مالي الا اشكر كنان ديب لانو فرحنا شوية بهدف حلو
و اشكر كوستيكا لانو فرجانا خطة لعب جديدة هي :
عجئة عجئة اتنين



العضو مستر مدريد :
روق و صلي على النبي

لازم نصبر على الفريق

بداية اللعبة كانت منيحة و كان فريقنا عم يضغط على حامل الكرة

بس بالشوط التاني

مافي غير كرات من الحارس الهلامي الى دفاع الاتحاد

لا وسط و لا اجنحة ولا لعب ارضي

ووقت هجمو هجمة وحدة على الارض جابو منها كول مرسوم

ليش ما عم يلعبو ارضي ؟؟؟؟؟؟؟؟؟



العضو أغيد الفرا :
روق شريك

لازم نصبر عالفريق .. شو نحنا أول فريق منخسر


العضو الصالحية :
لا تلوم كوستيكا

يمكن لا حظ كلمة يمكن

مو هو بيحط التشكيلة



العضو غزوان :
هدا سؤال بمحلوا
أحمد الخالد و عمر خليل من أفضل اللاعبين الموجودين
هذا السؤل للمدرب
بس اجمالا ً النتيجة ما كانت سيئة
و الأخ هنو الحق معو
كلنا اليوم انجلطنا و بتوقع أنوا يعوضونا الشباب بالمباريات الجاية
صلوا على النبي


بالآخر بحب قلن هارد لك وان شاء الله بالأياب الغلة اكبر من هيك :36_1_12[1]:


موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي الرياضة السورية

رد مع اقتباس

نادي الإتحاد الحلبي السوري

 
كُتب : [ 06-10-2007 - 04:29 ]
 رقم المشاركة : ( 2 )
ABO ALZOZ
إدارة المنتدى
الصورة الرمزية ABO ALZOZ
رقم العضوية : 1
تاريخ التسجيل : Sep 2007
مكان الإقامة : Aleppo
عدد المشاركات : 9,464
قوة التقييم : ABO ALZOZ قام بتعطيل التقييم

ABO ALZOZ غير متواجد حالياً

   

العضو : mmrdem

الحقيقة خسرنا اليوم وكنا منستاهل الخسارة قياسا على فارق الاداء بين الفريقين والامكانات بس في مجموعة نقط حابب اكتبها يعني لفتت نظري خلال المباراة وبعتقد انها سبب الخسارة
1 المدرب كوستيكا مابيتحمل مسؤولية الخسارة وكان واقعي بقيادتو للمبارة وتبديلاتو وكان حاطط انو يمتص فورة الاتحاد باول مباراة الو بالدوري بارضو وباخر ربع ساعة يهاجم عسى يجيب غول وهالشي قياسا لفارق الامكانات بين لاعبينا ولاعبين الاتحاد ومحترفيهم وتبديلو الناجح بادخال كنان ديب جاب هدف وغير صورة المباراة
2 الحارس الهلامي برايي مابيتحمل مسؤولية الهدفين لانو الهدف الاول خطئ مشترك وسوء تفاهم بينو وبين الدفاع اما الهدف التاني فبيتحمل مسؤوليتو الدفاع فقط وبالهدفين لو كان الدفاع مغطي منطقة القائم متل كل فرق العالم ماكنا اكلنا الغولين وبرائيي الدفاع وارتباكون هنن سبب الخسارة
3 جمهور الاتحاد كان اللاعب رقم واحد بفريق الاتحاد وساهم بشكل كبير بالضغط على فريقنا واكيد الكل شاف حالة الخوف والارتباك عند لاعبينا وكيف كل مايمسك لاعبنا الكرة مايصدق ايمتى يخلص منها حتى لو تشتيت
4 طريقة لعب الكرات العالية بصراحة اثبتت عدم جدواها ومابعرف ليش فريقنا مصر عليها
5 ماهر السيد يعني بصراحة صار هالشي ظاهر وواضح للصغير والكبير انو الكرة لازم تنتهي عند ماهر السيد وماهر السيد مختصر الفريق ولما يتراقب ماهر السيد بيوقف الفريق وبيضيع وهالطريقة ظلم للفريق وظلم لماهر السيد يلي ماعمبيقدر يلعب براحتو
6 شكر كبير للزبيدي ولفيليكس يلي ظهرو كابطال وحملو الفريق على اكتافون
7 لازم نعرف اننا فريق قادم من على حافة الهاوية بالموسم الماضي بدون استعدادات وبدون لاعبين من طراز الستار عمنلعب مع فريق محضر ومتعوب عليه من اربع سنوات وبشكل متواصل ويمكن كان باحسن اياموا ومن سوء حظنا انو اوقعتنا القرعة معو باول مباراة الو بحلب يعني بعز فورتوا وفورة جماهيروا
8 نبيل الشحمة انسان وبيخطئ وثقتو مهزوزة واعادة الثقة بيد الجمهور يلي اما بيعيدها بالصبر عليه وتشجيعو
او بيحطمها للابد ازا سبو او هاجموا
9 نحنا ماعمنطلب من الادارة المعجزات وشاكرين جهودها والخسارة تنين واحد مع الاتحاد بحلب
نتيجة جيدة قياسا لظروف الموسم الماضي ونحنا هاد الموسم عمنحضر الفريق للموسم القادم وانتظرو الفريق بالاياب ورح تشوفوا الفرق
10 بتمنى الجمهور يضل مساند الفريق رغم خسارة اليوم لانو الجمهور هو اللاعب رقم واحد باي مباراة ويصبر على اللاعبين والمدرب والادارة


العضو أبو حميد
بحترم ارائكم جميعا
بس يلي شفناه انو الوحدة كان ضايع وبلا هوية والاتحاد ما كان احسن مننا بنووووووووووووووووووووووووب وشفنا كلنا بشوية ضغط عليه شو صار فيه.... نحنا كنا سييئين اليوم والكل بيتحمل المسئولية من المدرب واللاعبين وخصوصي الحارس بالكول الاول عم يتفرج عليه وراح جابو من جوا لانو هي الرفعة غيرو من الحراس بيكون سبئ الكل عالكرة والتاني يلي حطو دومينغيز بكل راحة وبدون مراقبة من الدفاع بس الكرة ارتفعت لمنطقة الستةةةةةةةةةة يلي الحارس بيكون الملك فيها واجى التاني .بس التبديلات يلي كانت لازمة جلست شوي من وضع الفريق وكان لازمها الخالد يلي ابدع بلعبة الجيش وكان اكتر من علامة استفهام انو برا التشكيلة لسبب انشالله يكون يعرفو كوستيكا !!!!!!!!!!!!!!!!!!
وبنتمنى نشوف غسان والعمرين بالتشكيلة لانو يلي لعبو مو احسن منهن وبزكركم نحنا بزمن اذا وئعنا فيه الف سكين برئبتنا وماحدى لح يرحمنا وخسرنا ومشي الحال خلونا نقيم حالنا هلئ ونتدارك مشاكلنا احسن ما يسبئنا القطار ونئول ياريت ويا ندامة يعني في عنا اسماء حلوة كتير او ماشي حالها ووضعنا لازم يكون احسن من هيككككككككككككككك وهاد رأي وبظن انو موضوعي لكل يلي بدهم ينتقدو شافو بعينن وما جبت شي من عندي


رد مع اقتباس

نادي الإتحاد الحلبي السوري

 
كُتب : [ 06-10-2007 - 04:38 ]
 رقم المشاركة : ( 3 )
ABO ALZOZ
إدارة المنتدى
الصورة الرمزية ABO ALZOZ
رقم العضوية : 1
تاريخ التسجيل : Sep 2007
مكان الإقامة : Aleppo
عدد المشاركات : 9,464
قوة التقييم : ABO ALZOZ قام بتعطيل التقييم

ABO ALZOZ غير متواجد حالياً

   

العضو : الصالحية
معليش شباب الخسارة مو نهاية العالم

المشكلة انو تعودنا أنو مانخسر بحلب ولفترة طويلة

المباراة خارج أرضنا والأتحاد فريق كبير

يوجد مشكلة بالوحدة وعقيمة جدا
بعد رحيل لاعبي نيناد

انكشف الفريق كتير وصار كل إعتمادنا على ماهر السيد

ولحد هذه اللحظة ما في لحل لهذه المشكلة

يعني لما يكون ماهر ممسوك

أنتهى خط الوسط

وحتى لما مابيقدم مستوى جيد

نفس الشيء

طبعا البعض بيفكر أنو هجوم على ماهر

الفكرة أنو لازم يكون في مفتاح بخط الوسط يحسن يعوض عن ماهر

يعني لما كل الأندية صارت تعرف ماهر الكرة السورية

ونحن لسا معتمدين عليه فقط

فهذا عقم بالفريق

لازم يكون في حدا تاني معه

يحسن ياخد مكانه بالملعب في حال كان الفريق الأخر مطبق الرقابة على ماهر

ونحن لسا مصرين على هذه النقطة

طبعا هذا ليس هجوما حتى ما يطل علينا زيكو وشريكه ويغيروا مجرى الحديث

الدوري ببدايته ومبارياتنا صعبة

كان عنا مشكلة مادية وأنحلت

ومدرب اجنبي وإدارة جيدة

وحتى لاعبونا ممتازين

يعني ماعاد في عذر

وإذا لم تقف الأدارة وقفة جادة تجاه الفريق

رح يصير شي ما بنريده

كل الفرق قوية وماحدا رح يتساهل

على العموم المباراة ليست مقياس بس تغيير أسلوب الفريق بمنتصف الشوط الثاني

بيدل على انو يوجد حلول

ولازمها وقفة جادة

حرام جمهور الوحدة يزعل

لازم يتغير الحال

خاصة أنو الكرامة بالمرصاد
ووووو

نتمنى لنادينا التوفيق ولجمهورنا الفرح


العضو : وحداوي موت
ابو يمان
الفريق بشكل عام جيد هل فترة
لا حدا ينسا انو الفريق صروا شهر واحد مجتمع بس
والمدرب جديد والخطة جديدة
ماهر لازم يكون معو لاعب تاني شو رح يعمل لحالو ماهر
عم يشتغل بكل طاقتو
بس وقت ماهر يكون برجلو الطابة في 2 او 3 من لاعبين الفريق الخصم عم يغطوا عليه

هيك ما بيمشي الحال ماهر مو الفريق كلو هو احسن لاعب بس كمان لازم يكون حدا عم يساعدوا
نفس الشي الهلامي هو احسن حارس بلحراس السوريين الشباب
اليوم ما توفق طعمانا كولين نفس الطلعة والتاني مسئوليتو بتخف عن الاول

رد مع اقتباس

نادي الإتحاد الحلبي السوري

 
كُتب : [ 06-10-2007 - 04:40 ]
 رقم المشاركة : ( 4 )
ABO ALZOZ
إدارة المنتدى
الصورة الرمزية ABO ALZOZ
رقم العضوية : 1
تاريخ التسجيل : Sep 2007
مكان الإقامة : Aleppo
عدد المشاركات : 9,464
قوة التقييم : ABO ALZOZ قام بتعطيل التقييم

ABO ALZOZ غير متواجد حالياً

   

العضو حمودي البوفاري
فكرة .. شي بقهر
احمد الخالد ما يلعب اليوم لا شوط اول ولا تاني
وحتى كنان ديب صاحب الهدف اللي نزل بالشوط التاني
يعني ايمن الخالد حرام يلعب اساسي بعد اللي شفناه اليوم


كوستيكا ادرى ؟؟؟
بس احمد الخالد وينو
وعمر خليل وينو ليش ما لعب بمباراة الجيش
ماشي اليوم سافر ع قطر وما لعب امام الاتحاد

والله عمر خليل مع ماهر السيد واحمد الخالد افضل لعيبتنا السنة الماضية


العضو bmekhaled
والله الظاهر ما في أمل
المكتوب مبين من عنوانو
يعني هي نقطة من ستة
و على هاللون
الأسبوع الجاية نقطة من تسعة و بأحسن الأحوال تنتين إذا الكرامة جحشوا علآخر

رد مع اقتباس

نادي الإتحاد الحلبي السوري

 
كُتب : [ 06-10-2007 - 04:41 ]
 رقم المشاركة : ( 5 )
ABO ALZOZ
إدارة المنتدى
الصورة الرمزية ABO ALZOZ
رقم العضوية : 1
تاريخ التسجيل : Sep 2007
مكان الإقامة : Aleppo
عدد المشاركات : 9,464
قوة التقييم : ABO ALZOZ قام بتعطيل التقييم

ABO ALZOZ غير متواجد حالياً

   

العضو :الصالحية
أتوقع أن مباراة الكرامة

ستكون البداية الصحيحة للمضي بالدوري


وإذا خاب ظني

ستكون البداية للتفكير في

رحيل المستر كوستيكا

الله يقدم يلي فيه الخير

رد مع اقتباس

نادي الإتحاد الحلبي السوري

 
كُتب : [ 06-10-2007 - 04:42 ]
 رقم المشاركة : ( 6 )
ABO ALZOZ
إدارة المنتدى
الصورة الرمزية ABO ALZOZ
رقم العضوية : 1
تاريخ التسجيل : Sep 2007
مكان الإقامة : Aleppo
عدد المشاركات : 9,464
قوة التقييم : ABO ALZOZ قام بتعطيل التقييم

ABO ALZOZ غير متواجد حالياً

   

هذه بعض آراء جمهور الوحدة .


هل من المعقول ان يكون رحيل كوستيكا على ايدي الداهيه أوسكار !!


التعديل الأخير تم بواسطة : ABO ALZOZ بتاريخ 06-10-2007 الساعة 04:42

رد مع اقتباس

نادي الإتحاد الحلبي السوري

 
كُتب : [ 06-10-2007 - 04:47 ]
 رقم المشاركة : ( 7 )
haseeko
أهلاوي للعضم
الصورة الرمزية haseeko
رقم العضوية : 11
تاريخ التسجيل : Sep 2007
مكان الإقامة : الهونولولو
عدد المشاركات : 1,356
قوة التقييم : haseeko has a spectacular aura abouthaseeko has a spectacular aura abouthaseeko has a spectacular aura about

haseeko غير متواجد حالياً

   

نتيجه اليوم عملت ضغط كبير على الوحده وجمهوره والشي هاد واضح
وانشاء الله بنعكس علينا ايجابا وانو يتعادل الكرامه والوحده احسن النا

رد مع اقتباس

نادي الإتحاد الحلبي السوري

 
كُتب : [ 06-10-2007 - 04:52 ]
 رقم المشاركة : ( 8 )
Tornado الاهلاوي
أهلاوي مميز
الصورة الرمزية Tornado الاهلاوي
رقم العضوية : 46
تاريخ التسجيل : Sep 2007
مكان الإقامة :
عدد المشاركات : 115
قوة التقييم : Tornado الاهلاوي will become famous soon enough

Tornado الاهلاوي غير متواجد حالياً

   

فرق الشام غير بالواسطة ما بتفوز وما بتفوز الا ازا الهند فازت بكاس العالم

رد مع اقتباس
رد

مواقع النشر

آراء جمهور الوحدة بعد الخسارة المستحقة



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع


المواضيع المتشابهه للموضوع: آراء جمهور الوحدة بعد الخسارة المستحقة
الموضوع كاتب الموضوع المنتدى مشاركات آخر مشاركة
مدرب الاتحاد السوري لا نستحق الخسارة أمام الوحدة حلب الشهباء كرة القدم الاتحاد الحلبي 1 14-02-2014 12:53
مسيرات في الشام من قبل جمهور الوحدة ترحيب بالاهلي الحبيب..... wahda4ever كرة القدم الاتحاد الحلبي 6 19-11-2010 11:48
أحد مشجعي الاتحاد الذي توجه إلى جمهور الوحدة حلب الشهباء كرة القدم الاتحاد الحلبي 18 13-12-2008 12:55
حصريا ابو شاكر يفتح النار على جمهور الوحدة!! شادي الرياضة السورية 22 23-06-2008 08:29
اللبابيدي يتحدث عن اسباب الخسارة في المباراة الودية 5-0 الاهلاوي سامي كرة القدم الاتحاد الحلبي 13 23-01-2008 12:11

الساعة معتمدة بتوقيت مدينة حلب الأن 11:56