نادي الإتحاد الحلبي السوري

كُتب : [ 22-10-2007 - 04:49 ]
رقم المشاركة : ( 1 )
الصورة الرمزية يالذيذ يارايق
 
يالذيذ يارايق
أهلاوي للعضم

يالذيذ يارايق غير متواجد حالياً

       
رقم العضوية : 67
تاريخ التسجيل : Oct 2007
مكان الإقامة : قلعة الأمجاد
عدد المشاركات : 3,038
قوة التقييم : يالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really nice
يوميات يالذيذ يارايق ... والشباب بابو ظبي ...

October 22nd, 2007



هاد ياسيدي انا ورفقاتي الشباب ( مو بنات ) اكيد
ضلينا عم نحكي مع بعض ع المنتدى شي شهرين .
وطول هالشهرين كنا عازمين بعض شي تعو لعنا شي روحو لعندون ومن هالحكي .
بس بئا العزايم عزايم شامية اصيلة ..
و ع اد ماحكينا بهالعزيمة على تعو وروحو حسيت بحياتي مارح اشوف الشباب
مو اذا بضل شهر بالشارقة اذا بضل 300 شهر ..
ههههههههه


المهم بعد محاورات شاقة اتفقنا....
ال معزومين ع ابو ظبي انا وعمكم ابو الزوز .
طبعاً هاد كان اخر اتفاق ....

انا شو الت لحالي او الشغلة تفئيس بتفئيس وهالحكي مافي منو .

طئ ولا يوم السبت انا نايم بسابع نومة الساعة 12 الضهر ( لاشغلة ولاعملة صايع يعني 12 الضهر متل 12 بنص الليل ) .
رن الموبايل ..
( طبعاً انا نئزت متل اللي شايف جوزيف بشور بمنامو ) طلعت ع الرقم مكتوب قصي .
والله بلا طول سيرة انا رديت انا ومرعوب من رنة الموبايل
المهم ماسمعت الا كلمة ( شوووووووووو نايم ) حكيت لحالي بسم الله مين هااد .
التلو انا لا يي شو نايم فايق بس بئا متسطح ... ( ال نايم ال ) .

بعدا تذكرت انو هاد قصي اخونا الغالي ....
والله حكينا انا وهو .... الزلمة طلع عم يتصل مشان يشوف ايمتا جايين لعندهم ع ابو ظبي .
انا شو التلو هلئ بحكي مع ابو الزوز وبنحكي معك . ال اوكي
والله لسا ماسكرت التلفون .
الا وعم يرن ( رجعت ارتعبت ) ولا ابو الزوز ع التلفون التلو اهلا ابو الزوز
اهلا ادمن باشا
( طبعاً اجباري بدي اكولكلو شوي , اول شغلة ادمن . تاني شغلة بدنا نروح بسيارتو , يعملو شي حركة يزتني ع الطريق بين الشارقة وابو ظبي متل المعلقة بصير لامجوزة ولا مطلقة
المهم بلا طول سيرة اتفقنا انو الساعة 4 طالعين لعند الشباب ..
والله صارت الساعة 3.5 , دقيتلو لابو الزوز التلو ايمتى جاية ال يلا شوي وبكون عندك
انت وينك , التلو عم استناك .
اجا الزلمة وطلعنا بالسيارة .
ورحنا ع طريق ابو ظبي وكل دقيقة ع الطريق يرن موبايلو لابو الزوز على وين انتو ووين صرتو ومن هالحكي ....
اي بعد شي ساعة وشوي وصلنا بالسلامة .
دقلنا قصي ال وين انتو يلا جاية حسام ياخدكم .
اها دقيقة ولا جاية حسام بسيارتو . نحنا شفناه وهو ماشافنا مر ادامنا مرور الكرام .
وراح ( يعني يمكن عمل حالو مو شايفنا ) هههههه
دقينالو رجع الزلمة ال لحقوني طلعنا وراه انا وابو الزوز ورحنا .
ها دقيقة ولا وصلنا , من بعيد ولا ابو الزوز عم يحاكيني قلي شايف هداك التلو ايه ال هاد قصي .
والله نزلنا وسلمنا ع حسام الغالي وبعدا سلمنا ع قصي بيك .
ال تفضلو فتنا ع بيت خالو لقصي
وقعدنا الشباب الله يكتر خيرهم عملولنا شاي واحلى عالم .
طبعاً كان بالبيت الاهلاوي سامي وشادي وولاد خالتو لقصي .
والله سلمنا ع الشباب وشربنا شاي والشباب بلشو فتاوي وعلى حرام وحلال هههه
( طبعاً انا هون فايت بالحيط , وئت شفت قصي وسامي ماشاء الله كل واحد دقنو شبر )
ضليت شي ساعة متفاجئ هههههههههه وسامي قاعد جنبي .

المهم طلعنا ع القهوة بحد البيت بدنا نتفرج ع المباراة .

والله قعدنا شوي اجا الكرصون ال شو بتشربو طلبنا 3 اراكيل و2 قهوة
هاد المصري الله عامي ع البو جاب شي 15 اركيلة وواحد قهوة .
النالو حط ع الاي ار تي 2 ... غاب نص ساعة ورجع بدال 2 حط 3
هون اجا زياد 2004 وتعرفنا عليه وقعدنا نحكي ونتعرف ع بعض

بلشت المباراة ( اللي هي اساس الجمعة الحلوة هي ) .
صفينا ع الرصيف متل برقان الجامع بالترتيب
ابو الزوز - شادي - حسام - سامي - فخامتي - قصي - زياد
وصرنا نحكي بأمور المنتدى وعلى انا هيك وانا هيك وبتتذكرو هداك وهديك الايام ومن هالحكي

والله بلشت المباراة ...
وبلشنا تعليقات وتحليلات ( ماشاء الله 7 خبراء ) هههههه
اجت فرصة حلوة للاغا وراحت للاسف ( قصي عصب ودائ نفسو ورح يقوم يكسر التلفزيون )
الفرصة التانية للاغا كمان راحت ( قصي بلع ريئو )
الفرصة التالتة للاغا ( زبط بئا مع قصي . مابئا يسكت ) ههههههه شي ساعة وهو عم يحكي ع الاغا .
طبعأ هون صرنا نحكي لحالنا اي والله مو حق قصي الاغا مابيعرف يشوط الطابة . ( لايصرلو شي الرجال ) . هههههه

بنص الشوط الاول ولا اجا كول لغوميز وفرحنا وانبسطنا وماحدا قدنا .
دخل كول التعادل فينا . ماحدا فتح تمو . ( شت الكل )
راح كول ع الصاري وئف البنا حكينا الحمد لله .

هون خلص الشوط الاول ( اتصل العضر بكري بقصي ال شو الو شفت الصاري كيف كب الكول لانو مابدو ياخد كول علينا )
زبط بئا مابدو ياخد كول ال .... الله يسامحك يابكري

رجعنا فتحنا الأحاديث الحلوة وصرنا نلعي مع بعضنا .

بلش الشوط التاني ....
صابة بالهوا نط عليها الاغا ما وصلا ياحرام ( هو الشيخ قصي ال بكون مغمض عيونو )
ههههههههههههه يعني حتى هيك ماخلص من قصي

غوميز الفنان جاب جزاء وأخد كول حلو ( رجعنا ارتحنا واحلى عالم )
اجا الكول التالت ( مبسووووووطين - ملكو الدنية الشباب )

خلصت المباراة ".

هون حطنا الجمال .....

بلش بئا اخونا زياد 2004 بكلامو الدبلوماسي وعلى فايز وجوزيف والاي ار تي

وبلش قصي بالفتاوي تبعو وعلى مابصير وبصير وسامي عم يرد عليه وانا قاعد بالنص لاحول ولا قوة
ههههههههههه
هههههههههههه
هون اجت سيرة حسيكو وشلون طار هو وقصي من المنتدى
وصرنا نحكي بصير ومابصير ومنيح اللي عملتو وكان لازم تعملو
( طبعاً مابصير احكي مشان أمن المنتى واسراره ) هههههههه

والله الجمعة كانت حلوة واحلى شباب
طلعنا من القهوة وسلمنا ع بعض ومشينا ...

بعدا بئا رحنا انا وابو الزوز عملنا (دئ خيانة) ههههههههه
وبعدا رجعنا ع الشارقة والحمد لله ع سلامتنا

موقع ومنتديات نادي الاتحاد الحلبي - نادي الإتحاد الحلبي السوري Al Ittihad of Aleppo syria - عشاق حلب الأهلي كرة القدم الاتحاد الحلبي


التعديل الأخير تم بواسطة : يالذيذ يارايق بتاريخ 22-10-2007 الساعة 05:25
رد مع اقتباس

نادي الإتحاد الحلبي السوري

 
كُتب : [ 22-10-2007 - 05:09 ]
 رقم المشاركة : ( 2 )
CANTONA
أهلاوي للعضم
الصورة الرمزية CANTONA
رقم العضوية : 25
تاريخ التسجيل : Sep 2007
مكان الإقامة :
عدد المشاركات : 3,828
قوة التقييم : CANTONA is just really niceCANTONA is just really niceCANTONA is just really niceCANTONA is just really niceCANTONA is just really nice

CANTONA غير متواجد حالياً

   

عبقول ليش وقت المباراة إدني الشمال عم تطن كتيييييير


قلي قاعدين عم تشلوا عالعالم ^ــــــ^

رد مع اقتباس

نادي الإتحاد الحلبي السوري

 
كُتب : [ 22-10-2007 - 05:15 ]
 رقم المشاركة : ( 3 )
يالذيذ يارايق
أهلاوي للعضم
الصورة الرمزية يالذيذ يارايق
رقم العضوية : 67
تاريخ التسجيل : Oct 2007
مكان الإقامة : قلعة الأمجاد
عدد المشاركات : 3,038
قوة التقييم : يالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really nice

يالذيذ يارايق غير متواجد حالياً

   

ههههههههههههههههههههههههه
لا مو ع الكل

رد مع اقتباس

نادي الإتحاد الحلبي السوري

 
كُتب : [ 22-10-2007 - 05:24 ]
 رقم المشاركة : ( 4 )
Hussam
أهلاوي للعضم
الصورة الرمزية Hussam
رقم العضوية : 13
تاريخ التسجيل : Sep 2007
مكان الإقامة :
عدد المشاركات : 3,679
قوة التقييم : Hussam قام بتعطيل التقييم

Hussam غير متواجد حالياً

   

ههههههههههههه

أهلين بمصعب, ويسلمو أيديك بس أنتوا رجهعتوا على الشارقة بالنهاية صح!!!؟؟؟

بس شو هو دق الخيانة ليش ما خبرتوني كنت رحت معكم:36_1_12[1]::36_1_12[1]:

رد مع اقتباس

نادي الإتحاد الحلبي السوري

 
كُتب : [ 22-10-2007 - 05:25 ]
 رقم المشاركة : ( 5 )
CANTONA
أهلاوي للعضم
الصورة الرمزية CANTONA
رقم العضوية : 25
تاريخ التسجيل : Sep 2007
مكان الإقامة :
عدد المشاركات : 3,828
قوة التقييم : CANTONA is just really niceCANTONA is just really niceCANTONA is just really niceCANTONA is just really niceCANTONA is just really nice

CANTONA غير متواجد حالياً

   

الله أكبر !!!!!!!!!!!!!!!!!!!!!!!!!!!!!!!

كني زبط توقيعك مبرووووووووووووووووووووك

بدنا الحلوان ههههههه

رد مع اقتباس

نادي الإتحاد الحلبي السوري

 
كُتب : [ 22-10-2007 - 05:26 ]
 رقم المشاركة : ( 6 )
يالذيذ يارايق
أهلاوي للعضم
الصورة الرمزية يالذيذ يارايق
رقم العضوية : 67
تاريخ التسجيل : Oct 2007
مكان الإقامة : قلعة الأمجاد
عدد المشاركات : 3,038
قوة التقييم : يالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really nice

يالذيذ يارايق غير متواجد حالياً

   

العفو

تم التعديل


والله ياغالي ما كان عبالنا بعد شي نص ساعة خطر عبالنا نروح نخون

ههههههه

رد مع اقتباس

نادي الإتحاد الحلبي السوري

 
كُتب : [ 22-10-2007 - 05:26 ]
 رقم المشاركة : ( 7 )
يالذيذ يارايق
أهلاوي للعضم
الصورة الرمزية يالذيذ يارايق
رقم العضوية : 67
تاريخ التسجيل : Oct 2007
مكان الإقامة : قلعة الأمجاد
عدد المشاركات : 3,038
قوة التقييم : يالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really nice

يالذيذ يارايق غير متواجد حالياً

   

بعدين حسوم عم احكيلك خيانة شلون بدنا نحكيلك ( بتبطل خيانة ) .

رد مع اقتباس

نادي الإتحاد الحلبي السوري

 
كُتب : [ 22-10-2007 - 05:27 ]
 رقم المشاركة : ( 8 )
يالذيذ يارايق
أهلاوي للعضم
الصورة الرمزية يالذيذ يارايق
رقم العضوية : 67
تاريخ التسجيل : Oct 2007
مكان الإقامة : قلعة الأمجاد
عدد المشاركات : 3,038
قوة التقييم : يالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really niceيالذيذ يارايق is just really nice

يالذيذ يارايق غير متواجد حالياً

   

اقتباس:
المشاركة الأصلية كتبت بواسطة cantona مشاهدة المشاركة
الله أكبر !!!!!!!!!!!!!!!!!!!!!!!!!!!!!!!

كني زبط توقيعك مبرووووووووووووووووووووك

بدنا الحلوان ههههههه
هههههههههههههههههههههه
تكرم عيونك ياغالي

يوم اللي ع اساس ابعتو لالك زبط

كنو خاف منك
ههههههه

رد مع اقتباس
رد

مواقع النشر

يوميات يالذيذ يارايق ... والشباب بابو ظبي ...



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع


المواضيع المتشابهه للموضوع: يوميات يالذيذ يارايق ... والشباب بابو ظبي ...
الموضوع كاتب الموضوع المنتدى مشاركات آخر مشاركة
يوميات يالذيذ يارايق مع الموبايل يالذيذ يارايق الأهــلــي الحـلبـي كــافــيــه 14 18-04-2008 11:48
يوميات يالذيذ يارايق والداية ام زكي يالذيذ يارايق الأهــلــي الحـلبـي كــافــيــه 30 31-01-2008 08:05
يوميات يالذيذ يارايق ... طبق رمضان ... يالذيذ يارايق الأهــلــي الحـلبـي كــافــيــه 5 30-01-2008 09:20
يوميات يالذيذ يارايق ... وال اي ار تي ... يالذيذ يارايق الأهــلــي الحـلبـي كــافــيــه 14 30-01-2008 09:20
يوميات يالذيذ يارايق ... قصة حب ... يالذيذ يارايق الأهــلــي الحـلبـي كــافــيــه 14 30-01-2008 09:19

الساعة معتمدة بتوقيت مدينة حلب الأن 10:18